LIVE TV
ଆଜିକାଲି ଡିଜିଟାଲ୍ ଯୁଗରେ ଲୋକମାନେ ପ୍ରାଇଭେସି ଏବଂ ଡାଟାକୁ ନେଇ ବହୁତ ଚିନ୍ତିତ। ଯଦି ଆପଣ ମଧ୍ୟ ଆପଣଙ୍କର ଡାଟା ଏବଂ ପ୍ରାଇଭେସିକୁ ସୁରକ୍ଷିତ ରଖିବାକୁ ଚାହାଁନ୍ତି, ତେବେ ଆପଣ ଏହି ଖବରରୁ କିଛି ଉପଯୋଗୀ ସୂଚନା ପାଇପାରିବେ।
ଆଣ୍ଡ୍ରଏଡ୍ ବ୍ୟବହାରକାରୀଙ୍କ ପାଇଁ ଗୁଗୁଲ୍ ଅନେକ ଫିଚର୍ ଉପରେ କାର୍ଯ୍ୟ ଜାରି ରଖିଛି। ଗୁଗୁଲର OS ଯଥା ଅପରେଟିଂ ସିଷ୍ଟମ୍ ଆଣ୍ଡ୍ରଏଡ୍ର ଗୋପନୀୟତାକୁ ନେଇ ବହୁତ ଭଲ ଫିଚର ମିଳେ।
Also Read
ତେବେ ଗୁଗୁଲର ଏହି ଆଶ୍ଚର୍ଯ୍ୟଜନକ ଫିଚର ବିଷୟରେ ଖୁବ୍ କମ୍ ଲୋକ ଜାଣନ୍ତି। ଗୁଗୁଲରେ ଏମିତି ଏକ ଫିଚର ଅଛି, ଯାହା ବ୍ୟବହାରକାରୀଙ୍କ ୱେବ୍ ଏବଂ ଆପ୍ କାର୍ଯ୍ୟକଳାପ ଉପରେ ତୀକ୍ଷ୍ଣ ନଜର ରଖିଥାଏ ଏବଂ ଡାଟା ମଧ୍ୟ ସଂଗ୍ରହ କରିଥାଏ। ଆସନ୍ତୁ ସେ ବିଷୟରେ ଜାଣିବା।
ଆଣ୍ଡ୍ରଏଡ୍ ବ୍ୟବହାରକାରୀଙ୍କ ପାଇଁ ସୁବିଧା:
ଗୁଗୁଲ୍ ଅନୁଯାୟୀ, ଆଣ୍ଡ୍ରଏଡ୍ ବ୍ୟବହାରକାରୀଙ୍କୁ ଉନ୍ନତ ନିର୍ଦ୍ଦେଶ ଦେବା ପାଇଁ ଏବଂ ମାର୍କେଟିଂକୁ ବଢେଇବା ପାଇଁ ଏହା ଡାଟା ସଂଗ୍ରହ କରିଥାଏ। କିନ୍ତୁ ତଥାପି ବ୍ୟବହାରକାରୀଙ୍କ ଡାଟା ଗୁଗୁଲ ପାଖରେ ପହଞ୍ଚୁଛି। ଏପରି ପରିସ୍ଥିତିରେ, ଏହାକୁ ବ୍ୟବହାରକାରୀଙ୍କ ଗୋପନୀୟତାର ଉଲ୍ଲଂଘନ ବୋଲି ବିବେଚନା କରାଯିବ।
ଗୁଗୁଲର ଏହି ସେଟିଂରେ ପରିବର୍ତ୍ତନ କରନ୍ତୁ:
ଯଦି ଆପଣ ଗୁଗୁଲର ଏହି ସେଟିଂ ବନ୍ଦ କରିବାକୁ ଚାହୁଁଛନ୍ତି, ତେବେ ଗୁଗୁଲ ଏହାକୁ ଅନୁମତି ଦିଏ। ଏଥିପାଇଁ ଆଣ୍ଡ୍ରଏଡ୍ ଡିଭାଇସ୍ରେ ଏକ ସ୍ୱତନ୍ତ୍ର ସେଟିଂ କରିବାକୁ ପଡିବ। ଏହା ପରେ ବ୍ୟବାହାରକାରୀମାନେ ସେମାନଙ୍କର ଗୋପନୀୟତା ଏବଂ ତଥ୍ୟ ସୁରକ୍ଷିତ କରିପାରିବେ। ଗୁଗୁଲର ଡାଟା ପ୍ରାଇଭେସି ମଧ୍ୟରେ, ଉପଭୋକ୍ତାମାନେ ସେମାନଙ୍କର ଭଏସ୍ ଏବଂ ଅଡିଓ କାର୍ଯ୍ୟକଳାପକୁ ନିୟନ୍ତ୍ରଣ କରିପାରିବେ। ଗୁଗୁଲ ଏଥିପାଇଁ ‘ଫିଚର୍ ଅନ୍ ଏବଂ ଅଫ୍’ କରିବାର ସୁବିଧା ପ୍ରଦାନ କରିଛି।
ଏହି ପ୍ରକ୍ରିୟାକୁ ଅନୁସରଣ କରନ୍ତୁ:
- ଗୁଗୁଲ୍ର ଏହି ସେଟିଂର ଲାଭ ଉଠାଇବାକୁ, ସର୍ବପ୍ରଥମେ ଆଣ୍ଡ୍ରଏଡ୍ ଡିଭାଇସ୍ର ସେଟିଂକୁ ଯାଆନ୍ତୁ
- ଏହା ପରେ ଲିଷ୍ଟରେ ଥିବା ‘ଗୁଗୁଲ୍’ ଅପ୍ସନ୍ ଉପରେ କ୍ଲିକ୍ କରନ୍ତୁ
- ଏହାପରେ ‘ମ୍ୟାନେଜ୍ ୟୁଅର୍ ଗୁଗୁଲ୍ ଆକାଉଣ୍ଟ୍’ ଉପରେ ଟ୍ୟାପ୍ କରନ୍ତୁ ଏବଂ ତା’ପରେ ଡାଟା ଏବଂ ପ୍ରାଇଭେସୀ ବିକଳ୍ପକୁ ଯାଆନ୍ତୁ
- ଏହା ପରେ, ହିଷ୍ଟ୍ରୀ ସେଟିଂକୁ ଯାଆନ୍ତୁ ଏବଂ ତା’ପରେ ୱେବ୍ ଏବଂ ଆପ୍ ଆକ୍ଟିଭିଟି ଉପରେ କ୍ଲିକ୍ କରନ୍ତୁ
- ତା’ପରେ ଆପଣଙ୍କୁ ଭଏସ୍ ଏବଂ ଅଡିଓ ଆକ୍ଟିଭିଟିର ବକ୍ସକୁ ଅନ୍ଚେକ୍ କରିବାକୁ ପଡିବ
ଏହା କରିବା ପରେ, ଗୁଗୁଲ ଆପଣଙ୍କ କୌଣସି କଥା ଶୁଣିପାରିବନି କି ରେକର୍ଡ କରିବାକୁ ସମର୍ଥ ହେବ ନାହିଁ
