ପ୍ରାୟ ସମସ୍ତେ ସ୍ମାର୍ଟଫୋନରେ ବ୍ୟାକ୍ କଭର ବ୍ୟବହାର କରନ୍ତି। ଏହାର ମୁଖ୍ୟ ଲକ୍ଷ ହେଉଛି ଫୋନ୍କୁ ସୁରକ୍ଷା ଦେବା। ସାଧାରଣତଃ ସ୍ମାର୍ଟଫୋନ୍ଗୁଡିକର ବଡି ଚିକ୍କଣ ହୋଇଥିବାରୁ ଏହା ଖସିପଡିବାର ସମ୍ଭାବନା ବେଶି। ଏପରି ପରିସ୍ଥିତିରେ ଫୋନ୍କୁ ସୁରକ୍ଷା ପାଇଁ ବ୍ୟାକ୍ କଭର ବ୍ୟବହାର କରାଯାଏ।
କିନ୍ତୁ ଫୋନ୍ରେ ବ୍ୟାକ୍ କଭର ବ୍ୟବହାର କରିବାର ଅସୁବିଧାଗୁଡିକ ବହୁତ କମ୍ ଲୋକ ଜାଣନ୍ତି। କଭର ଯୋଗୁଁ ଫୋନ୍ରେ ଅନେକ ସମସ୍ୟା ମଧ୍ୟ ଉପୁଜିଥାଏ। ଆଜି ଆମେ ଆପଣଙ୍କୁ ଫୋନରେ ବ୍ୟାକ୍ କଭରର ପାଞ୍ଚଟି ଅସୁବିଧା ବିଷୟରେ ଜଣେଇବୁ।
ଅଧିକ ପଢ଼ନ୍ତୁ: Technology: ସ୍ମାର୍ଟଫୋନର ବି ଥାଏ ଏକ୍ସପାୟରୀ ଡେଟ୍; ଜାଣନ୍ତୁ କେବେ ଗୁରୁତ୍ୱ ହରେଇବ ଆପଣଙ୍କ ଫୋନ୍
ବ୍ୟାଟେରୀକୁ ନଷ୍ଟ କରିପାରେ:
ବ୍ୟାକ୍ କଭର ଆପଣଙ୍କ ଫୋନର ବ୍ୟାଟେରୀ ଉପରେ ପ୍ରଭାବ ପକାଇପାରେ। ଯେତେବେଳେ ଆପଣ ଏକ ମୋଟା ବ୍ୟାକ୍ କଭର ପକେଇଛନ୍ତି ଏହା ଫୋନର ବ୍ୟାଟେରୀ ଚାର୍ଜ କରିବାବେଳେ ସଠିକ୍ ଭାବରେ ଆଡଜଷ୍ଟ ହୋଇ ନ ପାରେ ଏବଂ ଏହା ବ୍ୟାଟେରୀର କାର୍ଯ୍ୟଦକ୍ଷତା ହ୍ରାସ କରିପାରେ।
ୱେୟାର୍ଲେସ୍ ସିଗ୍ନାଲ୍ର ଅଭାବ:
କେତେକ ବ୍ୟାକ୍ କଭର ୱେୟାର୍ଲେସ୍ ସିଗ୍ନାଲ୍ରେ ବାଧା ସୃଷ୍ଟି କରିପାରେ, ଯାହା ମୋବାଇଲ୍ ଡାଟା ସଂଯୋଗ ଏବଂ କଲ୍ କ୍ୱାଲିଟିକୁ ପ୍ରଭାବିତ କରିଥାଏ।
ବ୍ୟାକ୍ କଭର ସମ୍ବେଦନଶୀଳ ଉପାଦାନଗୁଡ଼ିକୁ ନଷ୍ଟ କରିପାରେ:
କିଛି ବ୍ୟାକ୍ କଭର ଏକ ମୋବାଇଲ୍ ଡିଭାଇସର ସମ୍ବେଦନଶୀଳ ଉପାଦାନ ଉପରେ ପ୍ରଭାବ ପକାଇପାରେ, ଯେପରିକି GPS, NFC, ଏବଂ ୱେୟାର୍ଲେସ୍ ସଂଯୋଗ। ଏନେଇ ଆପଣ ନିଶ୍ଚିତ ହେବା ଉଚିତ ଯେ ଆପଣଙ୍କ ବ୍ୟାକ୍ କଭର୍ ଏହିସବୁ କ୍ଷେତ୍ରରେ ବାଧା ସୃଷ୍ଟି କରୁ ନାହିଁ ତ? ଏହାର ଅର୍ଥ ହେଉଛି ଅନେକ ଥର ଆପଣ ବ୍ୟାକ କଭର ଯୋଗୁଁ ନେଟ୍ୱର୍କ ସମସ୍ୟାର ସମ୍ମୁଖୀନ ହୋଇପାରନ୍ତି ଏବଂ ଏହା ଉପାଦାନକୁ ମଧ୍ୟ ନଷ୍ଟ କରିପାରେ।
ହିଟିଂ ସମସ୍ୟା:
କେତେକ ବ୍ୟାକ୍ କଭର୍ ମୋବାଇଲ୍ ଡିଭାଇସରେ ହିଟିଂ ସମସ୍ୟାକୁ ବଢାଇପାରେ, ଯାହା ସ୍ମାର୍ଟଫୋନର କାର୍ଯ୍ୟଦକ୍ଷତାକୁ ଯଥେଷ୍ଟ ହ୍ରାସ କରିଥାଏ। ଅତ୍ୟଧିକ ହିଟିଂ କେବଳ ଫୋନର କାର୍ଯ୍ୟଦକ୍ଷତାକୁ ହ୍ରାସ କରେ ନାହିଁ ବରଂ ଏହା ଫୋନ୍ ଏବଂ ଆପ୍କୁ ମଧ୍ୟ ମନ୍ଥର କରିପାରେ। ଏପରି ପରିସ୍ଥିତିରେ, ଆପଣ ଧ୍ୟାନ ଦେବା ଉଚିତ ଯେ ଆପଣ କେବଳ ସୁରକ୍ଷାଜନିତ ସଠିକ୍ ବ୍ୟାକ୍ କଭର ବାଛନ୍ତୁ କିମ୍ବା କଭର ବିନା ଫୋନ୍ ବ୍ୟବହାର କରନ୍ତୁ।