ଦୁଃଖରେ ଭାଙ୍ଗି ପଡ଼ିଲା ଟିମ୍ ଇଣ୍ଡିଆ, ଡ୍ରେସିଂ ରୁମ୍‌ରେ ଦେଖିବାକୁ ମିଳିଲା ଏମିତି ଦୃଶ୍ୟ...

ବିଶ୍ୱକପ୍‌ରେ ପରାଜୟ ପରେ ଦୁଃଖରେ ଭାଙ୍ଗି ପଡ଼ିଲା ଟିମ୍ ଇଣ୍ଡିଆ । ଏପରିକି ମ୍ୟାଚ୍ ପରେ କୌଣସି ବି ଖେଳାଳିଙ୍କୁ ଦେଖିବା ବହୁ କଷ୍ଟଦାୟକ ହୋଇଥିଲା । ସମସ୍ତେ ମନ ଦୁଃଖ କରି ଡ୍ରେସିଂ ରୁମରେ ବସିଥିବା ଦେଖିବାକୁ ମିଳିଛି । କ୍ୟାପଟେନ୍ ରୋହିତ ଶର୍ମାଙ୍କଠୁ ଆରମ୍ଭ କରି କୋହଲି, କେଏଲ୍ ରାହୁଲ, ଜାଡେଜା, ସାମି...ସମସ୍ତେ ଯେମିତି ଏହି କଷ୍ଟକୁ ସହି ପାରି ନାହାନ୍ତି ।

କୋଚ୍ ରାହୁଲ ଦ୍ରାବିଡ଼ ସମସ୍ତଙ୍କୁ ବୁଝାଇବାକୁ ଚେଷ୍ଟା କରିଥିଲେ । କିନ୍ତୁ ସେମାନଙ୍କୁ ଦେଖିବା ବି କଷ୍ଟକର ଥିଲା । ଏପରିକି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଡ୍ରେସିଂ ରୁମ୍ ପାଖକୁ ଯାଇ ଖେଳାଳିଙ୍କ ସହ କଥା ହେବା ସହ ସାନ୍ତ୍ୱନା ଦେଇ ବୁଝାଇଥିଲେ ।

ଗୋଟିଏପଟେ ଟିମ୍‌ ଇଣ୍ଡିଆ ଦୁଃଖରେ ଭାଙ୍ଗି ପଡ଼ିଥିବା ବେଳେ ଅନ୍ୟପଟେ  ବିଶ୍ୱକପ୍ ଜିତିବା ପରେ ଅଷ୍ଟ୍ରେଲିଆ କିଭଳି ଭାବେ ଏହାର ସମ୍ମାନ କରୁଛି ଏହାର ଏକ ଦୃଶ୍ୟ ସୋସିଆଲ ମିଡିଆରେ ଭାଇରାଲ୍‌ ହେଉଛି । ଗତକାଲି ବିଶ୍ୱକପ୍ ଜିତିବା ପରେ ଅଷ୍ଟ୍ରେଲିଆ ଖେଳାଳି ମିଚେଲ୍ ମାର୍ସ ଟ୍ରଫିକୁ ଗୋଡ଼ ତଳେ ରଖିଥିବାର ଏକ ଫଟୋ ସୋସିଆଲ ମିଡିଆରେ ଭାଇରାଲ୍‌ ହେଉଛି ।