• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Pramod Behera

ମହିଳା ବିଶ୍ୱକପ୍‌ର ସେମିଫାଇନାଲ’ରେ ଦକ୍ଷିଣ ଆଫ୍ରିକା ଭାରତକୁ ପରାସ୍ତ କରିଛି। ଶେଷ ବଲ୍‌ ପର୍ଯ୍ୟନ୍ତ ଚାଲିଥିବା ମ୍ୟାଚ୍‌ରେ ଭାରତ ହାରିଯାଇଛି। ଏକ ରୋମାଞ୍ଚକର ମ୍ୟାଚ୍‌ରେ ଦକ୍ଷିଣ ଆଫ୍ରିକା ଭାରତକୁ ୩ ୱିକେଟ୍‌ରେ ପରାସ୍ତ କରିଛି। ଗୋଟିଏ ନୋ ବଲ୍ ହିଁ ଏ ସବୁ କରିଦେଇଛି। ପରାଜୟ ସହିତ ସେମିଫାଇନାଲ୍‌ରେ ପ୍ରବେଶ କରିବାର ଭାରତର ସ୍ୱପ୍ନ ଶେଷ ହୋଇଯାଇଛି।

ଦକ୍ଷିଣ ଆଫ୍ରିକା ତରଫରୁ ଲୌରା ୱୋଲଭାର୍ଡୋ ୮୦ ରନ୍ ସଂଗ୍ରହ କରିଥିବାବେଳେ ଲାରା ଗୁଡ୍‌ଆଲ୍ ଦଳ ପାଇଁ ଏକ ଉପଯୋଗୀ ଇନିଂସ ଖେଳି ୪୯ ରନ୍ ରନ୍ କରିଥିଲେ। ଏହାଛଡା ମିଗ୍ରାନ୍ ଡୁ ପ୍ରିଜ୍ ଓ ମେରିଜାନ୍ କାପ୍ (୩୨) ଗୁରୁତ୍ୱପୂର୍ଣ୍ଣ ସମୟରେ ଭଲ ପ୍ରଦର୍ଶନ କରି ଦଳକୁ ଜିତାଇବରେ ସଫଳ ହୋଇଥିଲେ।

ପ୍ରକାଶଥାଉ ଯେ ଶେଷ ୬ଟି ବଲରେ ଦକ୍ଷିଣ ଆଫ୍ରିକା ଜିତିବା ପାଇଁ ୭ ରନ୍ ଆବଶ୍ୟକ କରୁଥିଲା।​ କିନ୍ତୁ ଶେଷ ଓଭରରେ ତୃଶା ଚେଟ୍ଟୀ ଆଉଟ୍ ହୋଇଯାଇଥିଲେ ଯାହା ମ୍ୟାଚ୍‌କୁ ଆହୁରି ରୋମାଞ୍ଚକର କରିଥିଲା। ଏହା ପରେ ଦୀପ୍ତି ଶର୍ମା ମିଗନନ୍ ଡୁ ପ୍ରିଜ୍‌ଙ୍କୁ ଆଉଟ୍ କରି ମ୍ୟାଚ୍‌ର ରୋମାଞ୍ଚକର କ୍ଲାଇମାକ୍ସରେ ପହଞ୍ଚାଇଥିଲେ। ଶେଷରେ ଦକ୍ଷିଣ ଆଫ୍ରିକାକୁ ୨ ବଲରେ ୨ରନ ଆବଶ୍ୟକ ଥିଲା। ଶେଷରେ ଦକ୍ଷିଣ ଆଫ୍ରିକା ଉଭୟ ବଲରେ ଦୁଇଟି ରନ୍ କରି ଜିତିଥିଲା। ତେବେ ନୋ ବଲ୍‌ ହିଁ ସବୁ କିଛି ପରିବର୍ତ୍ତନ କରିଦେଇଥିଲା।

ଭାରତ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଦକ୍ଷିଣ ଆଫ୍ରିକା ବିପକ୍ଷରେ ପ୍ରଥମେ ବ୍ୟାଟିଂ କରି ଭାରତ ୫୦ ଓଭରରେ ୭ ରନ୍ ସଂଗ୍ରହ କରିଥିଲା। ଭାରତ ପାଇଁ ସ୍ମୃତି ମନ୍ଧାନା ୭୧ ରନର ଇନିଂସ ଖେଳିଥିଲେ। ଏହା ସହିତ ଲାଭା ଶେଫାଲୀ ବର୍ମା ୫୩ ରନ୍‌ କରିଥିଲେ। ଭାରତର ଅଧିନାୟକ ମିତାଲି ରାଜ ମଧ୍ୟ ଅର୍ଦ୍ଧଶତକ ହାସଲ କରି ଚମତ୍କାର ପ୍ରଦର୍ଶନ କରିଥିଲେ।

ଏହା ବ୍ୟତୀତ ହରମନପ୍ରୀତ କୌର ମଧ୍ୟ ୪୮ ରନ କରି ଭାରତର ସ୍କୋରକୁ ୨୫୦ ଅତିକ୍ରମ କରିବାରେ ସଫଳ ହୋଇଥିଲେ। ୩ ଭାରତୀୟ ବ୍ୟାଟ୍ସମ୍ୟାନ୍‌ ଭାରତର ଇନିଂସରେ ଅର୍ଦ୍ଧଶତକ ହାସଲ କରିଥିଲେ, ଯେଉଁଥିପାଇଁ ଦଳ ୨୭୪ ରନ୍ ସ୍କୋର୍‌ କରିବାରେ ସକ୍ଷମ ହୋଇଥିଲା। ଦକ୍ଷିଣ ଆଫ୍ରିକା ପାଇଁ ମାସାବାଟା କ୍ଲାସ୍‌ ଏବଂ ଶବମ ଇସମାଇଲ ୨-୨ ୱିକେଟ୍ ନେବାରେ ସଫଳ ହୋଇଥିଲେ।

ଭାରତ ମହିଳା ଦଳ ଏକାଦଶ: ସ୍ମୃତି ମନ୍ଧାନା, ଶୈଫାଲୀ ବର୍ମା, ୟାସ୍ତିକା ଭାଟିଆ, ମିତାଲି ରାଜ (କ୍ୟାପ୍‌ଟେନ), ହରମନପ୍ରୀତ କୌର, ଋଚା ଘୋଷ (ୱିକେଟ୍ କିପର୍), ପୂଜା ଭସ୍ତ୍ରାକର, ସ୍ନେହ ରାଣା, ଦୀପ୍ତି ଶର୍ମା, ମେଘନା ସିଂ, ରାଜେଶ୍ୱରୀ ଗାୟକୱାଡ।

ଦକ୍ଷିଣ ଆଫ୍ରିକା ମହିଳା ଦଳ ଏକାଦଶ: ଲିଜେଲ ଲି, ଲୌରା ୱୋଲୱାର୍ଡ, ଲାରା ଗୁଡାଲ, ସୁନେ ଲୁକ୍‌ (କ୍ୟାପ୍‌ଟେନ୍), ମିଗ୍ରାନ୍ ଡୁ ପ୍ରିଜ୍, ମାରିଜେନ୍ କପ୍, କ୍ଲୋ ଟ୍ରାୟାନ୍, ତ୍ରିଶା ଚେଟ୍ଟୀ (ୱିକେଟ୍ କିପର୍), ଶବନୀମ୍ ଇସ୍‌ମାଇଲ୍, ମସାବାତା କ୍ଲାସ୍, ଅୟାବୋଙ୍ଗା ଖାକା।