LIVE TV
ଗୋଟିଏପଟେ ଆଜି ସାରାଦେଶ ଜାତୀୟ କ୍ରୀଡ଼ା ଦିବସ ପାଳୁଥିବା ବେଳେ ଅନ୍ୟପକ୍ଷେ, ପୋଖତ୍ ଖେଳାଳି କିନ୍ତୁ ଅବହେଳିତ। ଜାତୀୟ ଅନ୍ତର୍ଜାତୀୟ ସ୍ତରର ଫୁଟବଲ୍ ପ୍ଲେୟାର ଆଜି ସମସ୍ତଙ୍କ ଦୃଷ୍ଟି ଆଢୁଆଳରେ। ନା ତାଙ୍କୁ କେହି ଚିହ୍ନନ୍ତି ନା ତାଙ୍କୁ କେହି ଜାଣନ୍ତି।
କୋରାପୁଟ ଜିଲ୍ଲା ପଦ୍ମପୁର ପଞ୍ଚାୟତ ବଡ଼ଦେଉଳାନୂଆ ଗାଁର ଦୃଷ୍ଟିବାଧିତ ଜାତୀୟ ଫୁଟବଲ୍ ଖେଳାଳି ସମରା ନନ୍ଦୀବାଡିଙ୍କ ଜୀବନ ଏବେ ଦୁର୍ବିସହ ହୋଇପଡିଛି। ଏକଦା ଜାତୀୟ ଦୃଷ୍ଟିବାଧିତ ଟିମ୍ରେ ସାମିଲ ହୋଇ ଜାପାନ ଭଳି ଦେଶକୁ ଧୂଳି ଚଟେଇ ଆସିଥିଲେ ଆଦିବାସୀ ଅଧ୍ୟୁଷିତ ଅଞ୍ଚଳର ଏହି ଫୁଟବଲ୍ ବଏ ସମରା। ହେଲେ ଆଜି କିନ୍ତୁ ସେ ଅତ୍ୟନ୍ତ ଅବହେଳିତ।
Also Read
ସରକାରୀ ପ୍ରୋତ୍ସାହନ ଅଭାବରୁ ନିଜ ଭାଗ୍ୟକୁ ଆଦରି ସେ ଆଜି ଘରେ ବସିଛନ୍ତି। ଖେଳିବାର କୌଣସି ସୁଯୋଗ ପାଉ ନାହାନ୍ତି। ଦିନେ ଯେଉଁ ସମରା କୋଲକାତା, କେରଳ, ଝାଡଖଣ୍ଡ, ଛତିଶଗଡ଼ ଭଳି ଏକାଧିକ ରାଜ୍ୟ ସହ ଓଡିଶାରୁ କମ୍ପିଟ୍ କରିଥିଲେ ଆଜି ସେ ଦୟନୀୟ ଅବସ୍ଥାରେ ଜୀବନ ବଞ୍ଚୁଛନ୍ତି।
