ଜାତୀୟ ପୂର୍ବାଞ୍ଚଳ ରୋଲ୍‌ ବଲ୍‌ ଚାମ୍ପିୟନସିପ୍‌ରେ ଓଡ଼ିଶା ବାଳିକା ଦଳ ଚାମ୍ପିୟନ

ଜାତୀୟସ୍ତରରେ ପୁଣି କମାଲ କରିଛନ୍ତି ଓଡ଼ିଶା ରୋଲ୍‌ ବଲ୍‌ ଦଳ । କୋଲକାତାର ଗୁରୁନାନକ କଲେଜ୍‌ ପରିସରରେ ଆୟୋଜିତ ଦ୍ୱିତୀୟ ୧୧ ବର୍ଷରୁ କମ୍‌ ଜାତୀୟ ପୂର୍ବାଞ୍ଚଳ ରୋଲ୍‌ ବଲ୍‌ ଚାମ୍ପିୟନସିପ୍‌ରେ ଓଡ଼ିଶା ବାଳିକା ଦଳ ଚାମ୍ପିୟନ ହୋଇଛନ୍ତି । ଅନ୍ୟପକ୍ଷରେ ବାଳକ ଦଳ ଆସାମଠାରୁ ପରାସ୍ତ ହୋଇ ରନର୍ସଅପ୍‌ ହୋଇଛନ୍ତି ।

ସେମିଫାଇନାଲରେ ବାଳିକା ଦଳ ପଶ୍ଚିମବଙ୍ଗକୁ ୧୧-୦ ରେ ପରାସ୍ତ କରି ଫାଇନାଲକୁ ପ୍ରବେଶ କରିଥିଲା । ଫାଇନାଲ୍‌ର ଆସାମକୁ ୫-୩ ଗୋଲ୍‌ରେ ପରାସ୍ତ କରି ଚାମ୍ପିୟନ ହୋଇଛନ୍ତି । ଫାଇନାଲରେ ଅଧିନାୟିକା ଅଶ୍ଲେଷା ପଣ୍ତା ପ୍ଲେୟାର ଅଫ୍‌ ଦ ଟୁର୍ଣ୍ଣାମେଣ୍ଟ ବିବେଚିତ ହୋଇଥିଲେ ।

ଅନ୍ୟପକ୍ଷେ, ବାଳକ ବିଭାଗରେ ଓଡ଼ିଶା ସେମି ଫାଇନାଲ୍‌ରେ ଝାଡ଼ଖଣ୍ଡକୁ ୨-୧ରେ ହରାଇ ଫାଇନାଲ୍‌ରେ ସ୍ଥାନ ପକ୍କା କରିଥିଲା। ଟାଇଟଲ ଲଢ଼େଇରେ ଦଳ ଆସାମ ନିକଟରୁ ୮-୨ ଗୋଲ୍‌ରେ ପରାଜିତ ହୋଇଥିଲା।