ଅବସର ନେଲା ଜର୍ସି ନମ୍ବର ୧୬ । ହକି ଇଣ୍ଡିଆ ବୁଧବାର ଭେଟେରାନ ଗୋଲକିପର ପିଆର ଶ୍ରୀଜେଶଙ୍କ ଜର୍ସିକୁ ଅବସର ଦେଇଛି । ଫଳରେ ସିନିୟର ହକି ଟିମ ଇଣ୍ଡିଆର କୌଣସି ଖେଳାଳି ଆଉ ଏହି ଜର୍ସିକୁ ପିନ୍ଧିପାରିବେ ନାହିଁ । ନିକଟରେ ପ୍ୟାରିସ୍ ଅଲିମ୍ପିକ୍ସର ବ୍ରୋଞ୍ଜ ମେଡାଲ ମ୍ୟାଚ୍ ସହ ହକିକୁ ବିଦାୟ କହିଥିଲେ ଶ୍ରୀଜେଶ ।
ମ୍ୟାଚରେ ଶ୍ରୀଜେଶଙ୍କ ମ୍ୟାଚ ବିଜୟ ପ୍ରଦର୍ଶନ ପରେ ଲଗାତାର ଦୁଇଟି ଅଲିମ୍ପିକ୍ସରେ ହକିରେ ପଦକ ଜିତିବାକୁ ଦୀର୍ଘ ବର୍ଷ ପରେ ସଫଳ ହୋଇଛି ଭାରତ । ଏଥିସହିତ ଭାରତୀୟ ହକି ଟିମର ଭେଟେରାଲ ଗୋଲକିପରଙ୍କୁ ନୂଆ ଦାୟିତ୍ୱ ମଧ୍ୟ ମିଳିଛି । ଜୁନିୟର ହକି ଟିମ ଇଣ୍ଡିଆର ମୁଖ୍ୟ କୋଚ୍ ହେବାକୁ ଯାଉଛନ୍ତି ଶ୍ରୀଜେସ୍।
ଅଧିକ ପଢ଼ନ୍ତୁ: ସସ୍ପେଣ୍ଡ ହେବାପରେ କ'ଣ କହିଲେ ବ୍ୟାଡମିଣ୍ଟନ ଖେଳାଳି ପ୍ରମୋଦ ଭଗତ
Also Read
ହକି ଇଣ୍ଡିଆ ସାଧାରଣ ସମ୍ପାଦକ ଭୋଳାନାଥ ସିଂହ ଘୋଷଣା କରିଛନ୍ତି ଯେ, "ପ୍ରାୟ ଦୁଇ ଦଶନ୍ଧୀ ଧରି ଭାରତୀୟ ହକି ପାଇଁ ଜର୍ସି ନମ୍ବର ୧୬ର ପ୍ରମୁଖ ଅବଦାନ ରହିଛି । ସେଥିପାଇଁ ଜର୍ସି ନମ୍ବର ୧୬କୁ ଅବସର ଦେଉଛୁ । ଶ୍ରୀଜେଶ ଏବେ ଜୁନିୟର ଟିମର ମୁଖ୍ୟ କୋଚ୍ ଭାବେ କାମ କରିବେ । ଜୁନିୟର ଟିମରେ ଜର୍ସି ନମ୍ବର ୧୬କୁ ଅବସର ଦିଆଯାଇନି ।"