ବିଶ୍ୱକପ୍‌ ଫାଇନାଲକୁ ଯିବ କିଏ, ଭବିଷ୍ୟବାଣୀ କଲେ ଗାଙ୍ଗୁଲି

ଟି-ଟ୍ୱେଣ୍ଟି ବିଶ୍ୱକପ୍‌କୁ କ୍ରିକେଟ୍‌ ପ୍ରେମୀଙ୍କ ମଧ୍ୟରେ ଉତ୍ସାହ। ଟାଇଟଲ୍ ନେବ କିଏ? ବିଶ୍ୱକପ୍‌ର ବିଜେତା କିଏ ହେବ? ଏନେଇ ଅନେକ ଆଶଙ୍କା ମନକୁ ଆସିଥିବା ବେଳେ ଭାରତୀୟ କ୍ରିକେଟ୍‌ ଦଳର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି ଭବିଷ୍ୟବାଣୀ କରିଛନ୍ତି।

ବିଶ୍ୱକପ୍‌ରେ ଷ୍ଟେଜ୍‌-୧୨ରେ ଭାରତ ଲଗାତାର ୨ଟି ମ୍ୟାଚ ଜିତିଥିବା ବେଳେ ତୃତୀୟ ମ୍ୟାଚ୍‌ ହାରିଯାଇଛି। ଭାରତ ପ୍ରଥମ ମ୍ୟାଚରେ ପାକିସ୍ତାନ ଓ ଦ୍ୱିତୀୟ ମ୍ୟାଚରେ ନେଦରଲ୍ୟାଣ୍ଡକୁ ହରାଇଥିଲା। କିନ୍ତୁ ସାଉଥଆଫ୍ରିକା ବିପକ୍ଷ ସଂଘର୍ଷପୂର୍ଣ୍ଣ ମ୍ୟାଚରେ ଭାରତ ହାରିଯାଇଥିଲା। ତେବେ ଆଗକୁ ଭାରତ ଦିଗ କୁଆଡେ ଯିବ, ଅନେକ ପ୍ରଶ୍ନ ମଧ୍ୟରେ ଗାଙ୍ଗୁଲିଙ୍କ ମତ ନୂଆ ଉନ୍ମାଦନା ସୃଷ୍ଟି କରିଛି।

ଭାରତ ଫାଇନାଲକୁ ଯିବ ବୋଲି ଭବିଷ୍ୟବାଣୀ କରିଛନ୍ତି ଗାଙ୍ଗୁଲି । କାହିଁକିନା ୨୦୦୩ ବିଶ୍ୱକପ୍‌ ଫାଇନାଲରେ ନେତୃତ୍ୱ ଗାଙ୍ଗୁଲି ନେଇଥିଲେ। ହେଲେ ପର୍ଥରେ ସାଉଥଆଫ୍ରିକା ଠୁ ହାରିବା ପରେ ଭାରତ ଟପ୍‌ ଅର୍ଡର ଉପରେ ପ୍ରଶ୍ନ ଉଠିଛି। 

ଏଭଳି ସ୍ଥିତିରେ ଗାଙ୍ଗୁଲି କହିଛନ୍ତି ଯେ ଭାରତ ମାତ୍ର ଗୋଟିଏ ମ୍ୟାଚ୍‌ ହିଁ ହାରିଛି। ଭାରତ ନିଶ୍ଚିତ କ୍ୱାଲିଫାଏ କରିବ। ସମସ୍ତେ ଭଲ ଖେଳୁଛନ୍ତି। ଭାରତ କ୍ୱାଲିଫାଏ କରିବ ବୋଲି ମୋର ଆଶା। ଭାରତ ଫାଇନାଲକୁ ଯିବା ନେଇ ମୁଁ ବହୁତ ଆଶାବାଦୀ।