LIVE TV
ମହିଳା କ୍ରିକେଟ ବିଶ୍ୱକପ୍ରେ ପାକିସ୍ତାନକୁ ପରାସ୍ତ କଲା ଭାରତ । ୧୦୭ ରନ୍ର ବିରାଟ ବ୍ୟବଧାନରେ ଭାରତ ବିଜୟୀ ହୋଇଛି । ଟସ୍ ଜିତିବା ପରେ ପ୍ରଥମେ ବ୍ୟାଟିଂ କରି ଭାରତୀୟ ଟିମ୍ ନିର୍ଧାରିତ ୫୦ ଓଭରରେ ୭ ୱିକେଟ ହରାଇ ୨୪୪ ରନ୍ କରିଥିଲା । ସ୍ମୃତି ମାନ୍ଧାନା ୫୨, ପୂଜା ବତ୍ରାକର ୬୭, ସ୍ନେହ ରାଣା ନଟ୍ଆଉଟ୍ ୫୩ ରନ୍ କରିଥିଲେ ।
୨୪୫ ରନ୍ ବିଜୟ ଲକ୍ଷ୍ୟର ପିଛା କରି ପାକିସ୍ତାନ ମାତ୍ର ୧୩୭ ରନ୍ କରି ଅଲ୍ଆଉଟ ହୋଇଛି । ରାଜେଶ୍ୱରୀ ଗାଏଡୱାର୍ଡ ୪ଟି ୱିକେଟ ନେଇଛନ୍ତି । ଆଜିର ବିଜୟ ସହିତ ଭାରତୀୟ ମହିଳା ଟିମ୍ ପାକିସ୍ତାନ ବିରୋଧରେ ୧୧ଟି ମ୍ୟାଚ ଖେଳି ପୁରା ୧୧ଟିରେ ବିଜୟୀ ହୋଇଛି ।
Also Read
ପାକିସ୍ତାନ ଦଳ ପ୍ରଥମ ୧୦ ଓଭରରେ ଗୋଟିଏ ୱିକେଟ୍ ହରାଇ ନଥିଲା। ସିଡ୍ରା ଅମିନ ଏବଂ ଜାଭେରିଆ ଖାନ ପ୍ରଥମ ୱିକେଟ୍ ପାଇଁ ୨୮ ରନ୍ ଯୋଡିଥିଲେ। ରାଜେଶ୍ୱରୀ ଏକାଦଶ ଓଭରରେ ଜାଭେରିଆଙ୍କୁ ଆଉଟ୍ କରି ଭାରତୀୟ ଦଳକୁ ପ୍ରଥମ ସଫଳତା ଦେଇଥିଲେ। ଏହା ପରେ ପାକିସ୍ତାନ ଦଳ ଧରାସାୟୀ ହୋଇପଡ଼ିଲା ଏବଂ ସ୍କୋର ୩ ୱିକେଟ୍ ପାଇଁ ୫୮ ଏବଂ ପରେ ୫ ୱିକେଟ୍ ପାଇଁ ୭୦ ହୋଇଗଲା।
