ବର୍ମିଂହାମ୍ ରାଜ୍ୟଗୋଷ୍ଠୀ କ୍ରୀଡ଼ା ଉଦ୍‌ଘାଟିତ: ଭାଗ ନେଲେ ୭୨ ଦେଶର କ୍ରୀଡ଼ାବିତ୍ ଓ ଅଧିକାରୀ

ଇଂଲଣ୍ଡର ବର୍ମିଂହାମ୍‌ରେ ଉଦ୍‌ଘାଟିତ ହୋଇଛି ରାଜ୍ୟଗୋଷ୍ଠୀ କ୍ରୀଡ଼ା । ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ରାଜ୍ୟଗୋଷ୍ଠୀ କ୍ରୀଡ଼ା ଉଦ୍‌ଘାଟିତ ହୋଇଛି । ଭାରତୀୟ ସମୟ ରାତି ୧୧ଟା ୩୦ରେ ଆରମ୍ଭ ହୋଇଥିବା ଏହି ବର୍ଣ୍ଣାଢ୍ୟ ଉତ୍ସବରେ ୭୨ ଦେଶର କ୍ରୀଡ଼ାବିତ୍ ଓ ଅଧିକାରୀ ଅଂଶଗ୍ରହଣ କରିଥିଲେ ।କ୍ରୀଡ଼ାଗ୍ରାମରେ ତ୍ରିରଙ୍ଗା ଭାରତୀୟ ଉଡ଼ିଥିଲା । ପୁରୁଷ ହକି ଦଳର ଅଧିନାୟକ ମନପ୍ରୀତ ସିଂହ ଓ ବ୍ୟାଡମିଣ୍ଟନ ତାରକା ପି.ଭି. ସିନ୍ଧୁ ତ୍ରିରଙ୍ଗା ଧରି ଭାରତୀୟ ଦଳର ନେତୃତ୍ୱ ନେଇଥିଲେ । ଏହି ମହାସମର ୧୧ ଦିନ ଧରି ଚାଲିବ ।

ସୂଚନା ଅନୁସାରେ, ଭାରତ ପକ୍ଷରୁ ମୋଟ ୨୧୫ ଜଣିଆ ଶକ୍ତିଶାଳୀ ସ୍କ୍ୱାଡ ଏଥିରେ ଅଂଶଗ୍ରହଣ କରି ୧୫ଟି କ୍ରୀଡ଼ାରେ ମେଡାଲ ପାଇଁ ଲଢ଼େଇ କରିବେ । ବ୍ୟାଡମିଣ୍ଟନ, ବକ୍ସିଂ, ମହିଳା କ୍ରିକେଟ୍, ଆଥଲେଟିକ୍ସ, ଜୁଡୋ, ରେସଲିଂ, ସ୍କ୍ବାଶ୍, ସାଇକେଲିଂ, ଭାରୋତ୍ତୋଳନ, ହକି, ସ୍ୱିମିଂ ଏବଂ ଟେବୁଲ୍ ଟେନିସ ଭଳି କ୍ରୀଡାରେ ଭାରତୀୟ ଦଳ ସେମାନଙ୍କ ଶକ୍ତି ପ୍ରଦର୍ଶନ କରିବେ ।

ତେବେ ଚଳିତ ଥର ପ୍ରଥମ ଥର ପାଇଁ ଟି-ଟ୍ୱେଣ୍ଟି ମହିଳା କ୍ରିକେଟ୍‌କୁ ସାମିଲ କରାଯାଇଛି । ୨୦୧୮ରେ ଅଷ୍ଟ୍ରେଲିଆର ଗୋଲ୍‌ଡ କୋଷ୍ଟରେ ହୋଇଥିବା ଶେଷ ସଂସ୍କରଣରେ ଭାରତ ୨୬ଟି ସ୍ୱର୍ଣ୍ଣ, ୨୦ଟି ରୌପ୍ୟ ଓ ୨୦ଟି ବ୍ରୋଞ୍ଚ ସହିତ ମୋଟ ୬୪ ପଦକ ପାଇ ତୃତୀୟ ସ୍ଥାନରେ ରହିଥିଲା ।

ଅନ୍ୟପକ୍ଷେ, ତାମିଲନା଼ଡୁର ଚେନ୍ନାଇ ନିକଟ ମାମଲ୍ଲାପୁରମ୍‌ରେ ୪୪ତମ ଚେସ୍ ଅଲମ୍ପିୟାଡ୍ ଆରମ୍ଭ ହୋଇଛି । ରଙ୍ଗାରଙ୍ଗ ଉଦଘାଟନୀ ସହ ଏହାର ଶୁଭାରମ୍ଭ ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଅନ୍ତର୍ଜାତୀୟ ଚେସ୍ ପ୍ରତିଯୋଗିତାର ଉଦ୍‌ଘାଟନ କରିଛନ୍ତି ।

ଜବାହରଲାଲ ନେହରୁ ଇନ୍‌ଡୋର ଷ୍ଟାଡିୟମରେ ଟୁର୍ଣ୍ଣାମେଣ୍ଟର ଆୟୋଜିତ ଏହି ସମାରୋହରେ ବିଶ୍ୱ ଚାମ୍ପିୟନ ବିଶ୍ୱନାଥନ ଆନନ୍ଦ ପ୍ରଧାନମନ୍ତ୍ରୀଙ୍କୁ ରିଲେ ଟର୍ଚ୍ଚ ପ୍ରଦାନ କରିଥିଲେ । ପରେ ପ୍ରଜ୍ଞାନାନନ୍ଦ ଏହାକୁ ପ୍ରଜ୍ଜ୍ୱଳନ କରି ପ୍ରତିଯୋଗିତାର ଶୁଭାରମ୍ଭ କରିଥିଲେ ।

ବିଶ୍ୱ ଚେସ୍‌ରେ ଏହି ସମ୍ମାନଜନକ ଟୁର୍ଣ୍ଣାମେଣ୍ଟ ପ୍ରଥମ ଥର ପାଇଁ ଭାରତରେ ଆୟୋଜନ ହେଉଛି । ରୁଷିଆର ମସ୍କୋର ଏହି ପ୍ରତିଯୋଗିତା ହେବାର ଥିଲା । କିନ୍ତୁ ପରେ ଫିଡେ ଭାରତକୁ ଏହି ଟୁର୍ଣ୍ଣାମେଣ୍ଟ ସ୍ଥାନାନ୍ତର କରିଥିଲା । ଟୁର୍ଣ୍ଣାମେଣ୍ଟରେ ୧୮୭ଟି ଦେଶର ୩୪୩ ଟିମ୍ ଭାଗ ନେଉଛନ୍ତି । ଏଥର ରୁଷିଆ କି ଚୀନ୍ ଭାଗ ନେଉନଥିବାରୁ ସ୍ୱର୍ଣ୍ଣପଦକର ଦାବିଦାର ହେଉଛି । ଭାରତ ଘରୋଇ ପରିବେଶରେ ଭରତୀୟ ପ୍ରତିଯୋଗୀ ଭଲ ପ୍ରଦର୍ଶନ କରିବେ ବୋଲି ଆଶା କରାଯାଉଛି । ଭାରତର ଅଛନ୍ତି ୨୫ ଜଣ ପ୍ରତିଯୋଗୀ ତେବେ ନିକଟରେ ବିଶ୍ୱର ଏକ ନମ୍ବର ଚେସ ଖେଳାଳି ମ୍ୟାଗନସ କାର୍ଲସନଙ୍କୁ ପରାସ୍ତ କରି ହଇଚଇ ସୃଷ୍ଟି କରିଥିବା ପ୍ରଜ୍ଞାନାନନ୍ଦଙ୍କ ଉପରେ ନଜର ରହିବ ।