ପ୍ରକୃତିର କରାଳ ରୂପ; ଭୁଶୁଡ଼ିଲା ଡିଫେନ୍ସ କଲେଜ ବିଲ୍ଡିଂ, ଦେଖନ୍ତୁ ଛାତିଥରା ଭିଡିଓ

ବାଦଲ ଫଟା ବର୍ଷା ବିତ୍ପାତ ଆଣିଛି । ହିମାଚଳ ପ୍ରଦେଶରେ ୨୪ ଘଣ୍ଟା ମଧ୍ୟରେ ୧୬ ଜଣ ଲୋକଙ୍କ ମୃତ୍ୟୁ ହୋଇଛି । ପ୍ରବଳ ବର୍ଷା ଯୋଗୁଁ ବିଭିନ୍ନ ସ୍ଥାନରେ ଭୂସ୍ଖଳନ ହୋଇଥିବା ମଧ୍ୟ ଦେଖିବାକୁ ମିଳିଛି । ସୋଲନ ଜିଲ୍ଲାର ଜାଡୋନ ଗାଁରେ ବାଦଲ ଫଟା ବର୍ଷା ଯୋଗୁଁ ୭ଜଣଙ୍କ ମୃତ୍ୟୁ ହୋଇଥିବା ବେଳେ କିଛି ଲୋକ ଆହତ ମଧ୍ୟ ହୋଇଛନ୍ତି । ସିମଲା ସମର ହିଲ୍ ଶିବମନ୍ଦିର ପାଖରେ ଭୂସ୍ଖଳନରେ ୯ ଜଣଙ୍କ ମୃତ୍ୟୁ ହୋଇଛି ।

ସିମଲାରେ ଦୁଇଟି ପୃଥକ ପୃଥକ ସ୍ଥାନରେ ହୋଇଥିବା ଭୂସ୍ଖଳନରେ ମାଟି ଅତଡା ତଳେ ୨୦ରୁ ୩୦ ଜଣ ଦବି ରହିଥିବା ସୂଚନା ମିଳିଛି । ଅନେକ ଘର ମାଟିତଲେ ଦବିଯାଇଛି । ସେପଟେ ଉତ୍ତରାଖଣ୍ଡ ଡେରାଡୁନରେ ନଦୀ କୂଳରେ ଥିବା ଡିଫେନ୍ସ କଲେଜ ବିଲ୍ଡିଂ ଭୁଶୁଡିବା ସହ ଭାସି ଯାଇଛି ।

ଅଧିକ ପଢ଼ନ୍ତୁ: ହିମାଚଳରେ ବାଦଲଫଟା ବର୍ଷା: ଅକାଳରେ ଚାଲିଗଲା ୭ ଜୀବନ, ଧୋଇଗଲା ଘର

ଡିଫେନ୍ସ କଲେଜ ବିଲ୍ଡିଂ ଭୁଶୁଡିବାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ୍‌ ଭାଇରାଲ ହେବାର ଲାଗିଛି । ଭିଡିଓରେ ଦେଖିବାକୁ ମିଳୁଛି, କଲେଜ ଆଗରେ ବହୁତ ଜୋର୍‌ରେ ପାଣି ଚାଲୁଛି । ପାଣିର ପ୍ରଖର ସ୍ରୋତର ଶବ୍ଦ ମଧ୍ୟ ଶୁଣାଯାଉଛି । ମାତ୍ର କିଛି ସେକେଣ୍ଡ ପରେ ଡିଫେନ୍ସ କଲେଜ ବିଲ୍ଡିଂ ଧୀରେ ଧୀରେ ଦବିବାକୁ ଲାଗୁଛି । ପରେ ହଠାତ୍‌ ଭୁଶୁଡ଼ି ପଡ଼ୁଛି ।

ପ୍ରକୃତିର ଏହି ତାଣ୍ଡବକୁ ଯେ କେହିବି ଦେଖିବେ ସେହି ସମୟର ଚିତ୍ର କେତେଯେ ଭୟଙ୍କର ତା’କୁ ଅନୁଭବ କରିପାରିବେ । ପିଟିଆଇ ପକ୍ଷରୁ ଭିଡିଓଟିକୁ ସୋସିଆଲ ମିଡିଆ Xରେ ସେୟାର କରାଯାଇଛି । ଯାହାକି ବର୍ତ୍ତମାନ ଖୁବ୍‌ ଭାଇରାଲ ହେଉଛି । ଅନେକ ଦର୍ଶକ ଭିଡିଓଟିରେ ସେମାନଙ୍କ ମତାମତ ରଖିଛନ୍ତି ।