/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1738843989.jpg )
Follow Us/odishatv-khabar/media/post_attachments/uploadimage/library/16_9/16_9_0/IMAGE_1747832938.jpg)
Bengaluru Kannada Row
କର୍ଣ୍ଣାଟକ… ଭାରତ, କନ୍ନଡ… ହିନ୍ଦୀ, ଜଣେ କହୁଛନ୍ତି ଏଇଟା କର୍ଣ୍ଣାଟକ, ଆଉ ଜଣେ କହୁଛନ୍ତି, ତ କଣ ହେଲା ? ଏଇଟା ଇଣ୍ଡିଆ… ଏସବିଆଇ ଅଫିସର ଓ ଗ୍ରାହକଙ୍କ ମଧ୍ୟରେ ଏ ଟକରା-ଟକରୀ ସୋସିଆଲ ମିଡିଆରେ ଭାଇରାଲ୍ ହେଉଛି । ବିବାଦ ଏପରି ରୂପ ନେଇଛି ଯେ, କଥା ଯାଇ ମୁଖ୍ୟମନ୍ତ୍ରୀଙ୍କ କାନରେ ପଡ଼ିଛି । ଆଉ ଶେଷରେ ଏସବିଆଇ ବ୍ରାଞ୍ଚ ମ୍ୟାନେଜରଙ୍କୁ ବଦଳି ହେବାକୁ ପଡ଼ିଛି ।
କନ୍ନଡ ବନାମ ହିନ୍ଦୀ ଯୁଦ୍ଧ ଲାଗିଥିବା ଏ ରଣକ୍ଷେତ୍ର ହେଉଛି ବେଙ୍ଗାଲୁରୁ ଚାନ୍ଦପୁରାସ୍ଥିତ ଏସବିଆଇ ବ୍ରାଞ୍ଚ । ଜଣେ ଗ୍ରାହକ ଓ ଏସବିଆଇ ବ୍ରାଞ୍ଚ୍ ମ୍ୟାନେଜର ହେଲେ ରଣକ୍ଷେତ୍ରର ଯୋଦ୍ଧା । ଯୁଦ୍ଧ ଲାଗିଛି ଭାରତ ଭଳି ସାର୍ବଭୌମ ରାଷ୍ଟ୍ରରେ, ତାହା ପୁଣି ଭାଷାକୁ ନେଇ । ଦୀର୍ଘ ସମୟ ଧରି ଉଭୟଙ୍କ ମଧ୍ୟରେ ଚାଲିଥିଲା କନ୍ନଡ ବନାମ ହିନ୍ଦୀ ଟକ୍କର । ଭିଡିଓ ଅନୁସାରେ, ଗ୍ରାହକ ଜଣକ କର୍ଣ୍ଣାଟକର ଚାନ୍ଦପୁରା ବ୍ରାଞ୍ଚକୁ ଆସି ବ୍ୟାଙ୍କରେ କାମ କରୁଥିବାରୁ ଅଧିକାରୀଙ୍କୁ ତାଙ୍କ ସହ କନ୍ନଡରେ କଥା ହେବାକୁ କହିଥିଲେ । ସେମାନେ କଥା ନ ହେବାରୁ ଭିଡିଓ ଶୁଟ୍ କରିବା ଆରମ୍ଭ କରିଦେଇଥିଲେ । କିନ୍ତୁ ବ୍ୟାଙ୍କ କର୍ମଚାରୀ ହିନ୍ଦୀରେ ହିଁ କଥା ହେବାକୁ ଜିଦ୍ ଧରିଥିଲେ ।
ଅଧିକ ପଢ଼ନ୍ତୁ: ଶତ୍ରୁ ଦେଶକୁ ପୁରୀ ସହରର କୌଣସି ତଥ୍ୟ ଲିକ୍ କରିଛି କି ଗୁପ୍ତଚରୀ ?
ବ୍ୟାଙ୍କ ମ୍ୟାନେଜର କହିଥିଲେ, ଆପଣ ମୋତେ ଚାକିରି ଦେଇନାହାଁନ୍ତି ଯେ, ମୁଁ କେଉଁଥିରେ କଥା ହେବି କହିବେ । ଗ୍ରାହକ କହିଥିଲେ- ଗୋଟେ ମିନିଟ୍ ମ୍ୟାଡାମ୍, ଏଇଟା କର୍ଣ୍ଣାଟକ, ଆପଣ କନ୍ନଡରେ କଥା ହୁଅନ୍ତୁ… ତ କଣ ହେଲା, ଏଇଟା ଇଣ୍ଡିଆ, ହିନ୍ଦୀ କୁହନ୍ତୁ, ଏହାପରେ କନ୍ନଡ ଫାଷ୍ଟ୍ ବୋଲି ଗ୍ରାହକ ଜଣକ କହିବା ସହ, ଆରବିଆଇ ରୁମ୍ କଥା ମଧ୍ୟ ଉଠାଇଥିଲେ । ଏହି ସମୟର ଭିଡିଓ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହେଉଛି ।
କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟା ମଧ୍ୟ ଘଟଣାକୁ ନେଇ ପ୍ରତିକ୍ରିୟା ପ୍ରକାଶ କରିଛନ୍ତି। SBI ଅଧିକାରୀଙ୍କ ଆଚରଣକୁ ନିନ୍ଦା କରି କହିଛନ୍ତି, ସାଧାରଣ ନାଗରିକଙ୍କ ପ୍ରତି ବ୍ୟାଙ୍କ୍ କର୍ମଚାରୀ ଏପରି ଅସମ୍ମାନ ପ୍ରଦର୍ଶନ କରିବା ଅତ୍ୟନ୍ତ ନିନ୍ଦନୀୟ । SBI ତୁରନ୍ତ ପଦକ୍ଷେପ ସ୍ୱରୂପ ସମ୍ପୃକ୍ତ କର୍ମଚାରୀଙ୍କୁ ଟ୍ରାନ୍ସଫର୍ କରିବା ନିଷ୍ପତ୍ତିକୁ ମଧ୍ୟ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ। ଏହାବାଦ୍ ଆଗକୁ ଯେପରି ଏପରି ଘଟଣାର ପୁନରାବୃତ୍ତି ନ ହୁଏ, ସେଥିପ୍ରତି ଗୁରୁତ୍ୱାରୋପ କରିଛନ୍ତି ।
ଏଥିସହ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏବଂ ଆର୍ଥିକ ସେବା ବିଭାଗକୁ ସାରା ଭାରତରେ ସମସ୍ତ ବ୍ୟାଙ୍କ କର୍ମଚାରୀଙ୍କ ପାଇଁ ଆଞ୍ଚଳିକ ଭାଷା ତାମିଲକୁ ବାଧ୍ୟତାମୂଳକ କରିବାକୁ ଅନୁରୋଧ କରିଛନ୍ତି ମୁଖ୍ୟମନ୍ତ୍ରୀ ସିଦ୍ଧରମୈୟା ।
ବ୍ୟୁରୋ ରିପୋର୍ଟ, ଓଟିଭି