Viral Video: ପୋଲିସ ଗାଡ଼ି ବନେଟ୍‌ ଉପରେ କେକ୍‌ କାଟିଲେ DSPଙ୍କ ପତ୍ନୀ, ଭିଡିଓ ଦେଖି ତାତିଲେ ଲୋକେ

ରାସ୍ତାରେ ଛିଡା ହୋଇଛି ନୀଳବତୀ କାର୍ । କଳା ଚଷମା, ଷ୍ଟାଇଲିସ୍ ଡ୍ରେସ ପିନ୍ଧି ଗାଡି ବନେଟ୍ ଉପରେ ବେଲୁନ ଧରି ବସିଛନ୍ତି ବାବୁଆଣୀ । କେକ୍‌ ଥୁଆ ହୋଇଛି । ବାର୍ଥ ଡେ ଗୀତ ବାଜୁଛି, ସ୍ପ୍ରେ ବି ଉଡୁଛି । ଏହି ମହିଳା ଏମିତି ସେମିତି ଲୋକ ନୁହଁନ୍ତି, ବରଂ ଜଣେ ଡିଏସପିଙ୍କ ଧର୍ମପତ୍ନୀ । ଆଉ ସେ ବସିଥିବା ଗାଡିଟି ଏକ ସରକାରୀ ପୋଲିସ୍ ଗାଡ଼ି । ଛତିଶଗଡ ବୋଲଦ ଜିଲ୍ଲାରୁ ଡିଏସପି ବାବୁଙ୍କ ପତ୍ନୀଙ୍କ ଏପରି ବାର୍ଥ ଡେ ସେଲିବ୍ରେସନର ଭିଡିଓ ଏବେ ସୋସିଆଲ ମିଡିଆରେ ଖୁବ୍‌ ଭାଇରାଲ ହେଉଛି ।

ମହିଳା ହେଲେ ଫରିନ୍ ଖାନ୍, ବୋଲୋଦ ଜିଲ୍ଲାରେ ପୋଲିସ ବାଟାଲିୟନ DSP ତସଲିମ ଆରିଫଙ୍କ ପତ୍ନୀ । ଭାଇରାଲ ଭିଡ଼ିଓରେ ଫରିନ୍ ପୋଲିସ ଗାଡିର ବନେଟ ଉପରେ ବସିଥିବାର ଦେଖିବାକୁ ମିଳୁଛି । 

ଗାଡିରେ ଏକ ବ୍ଲୁ ଲାଇଟ୍ ଅଛି, ଯାହା ସାଧାରଣତଃ ଉଚ୍ଚସ୍ତରୀୟ ସରକାରୀ ଅଧିକାରୀଙ୍କ ଗାଡିରେ ଲାଗେ । ଭିଡିଓରେ ଦେଖିବାକୁ ମିଳୁଛି, ଗାଡି ବନେଟ୍‌ ଉପରେ ଡିଏସପିଙ୍କ ପତ୍ନୀ କେକ୍‌ କାଟୁଛନ୍ତି । ଆଉ କିଛି ମହିଳା ଗାଡିରେ ବସିଛନ୍ତି । ଦୁଇ ଜଣ ଗାଡି ଡୋର୍‌ରେ ଝୁଲୁଥିବା ବେଳେ, ଆଉ ଦୁଇ ମହିଳା ସନରୁଫ୍‌ରେ ବସିଛନ୍ତି ।

ଏହି ଘଟଣାକୁ ନେଇ ବିରୋଧୀ ସରକାରକୁ ତୀବ୍ର ସମାଲୋଚନା କରିଛନ୍ତି । ଏହି ମାମଲାରେ କୌଣସି କାର୍ଯ୍ୟାନୁଷ୍ଠାନ ହେବ ନା ପ୍ରଭାବଶାଳୀଙ୍କ ପାଇଁ ପୁଣିଥରେ ନିୟମ ବଦଳିଯିବ ବୋଲି ପ୍ରଶ୍ନ କରିଛି କଂଗ୍ରେସ । 

ସେପଟେ ପୋଲିସ ଏହି ଘଟଣାରେ 'ଅଜ୍ଞାତ ଡ୍ରାଇଭର' ନାଁରେ ଏକ ମାମଲା ରୁଜୁ କରିଛି । କିନ୍ତୁ ଖୁଲମ୍‌ଖୁଲା ସରକାରୀ ସମ୍ପତ୍ତିର ଅପବ୍ୟବହାର ଏବଂ ଟ୍ରାଫିକ୍ ନିୟମର ଉଲ୍ଲଙ୍ଘନ ସତ୍ତ୍ୱେ ପୋଲିସ FIRରେ ଡିଏସପି କିମ୍ବା ତାଙ୍କ ପତ୍ନୀଙ୍କ ନାଁ ଉଲ୍ଲେଖ କରିନାହିଁ ।

ଅଧିକ ପଢ଼ନ୍ତୁ:  ୧୮୦ ମିଟର ଯିବାକୁ ଓଲା ବାଇକ୍‌ ବୁକ୍ କଲେ ମହିଳା, କାରଣ ଜାଣିଲେ ହସି ହସି ଗଡ଼ିଯିବେ...