ଖବର ପଢ଼ୁ ପଢ଼ୁ ହଠାତ୍‌ ଗଳିପଡ଼ିଲେ ନ୍ୟୁଜ୍‌ ଆଙ୍କର; ଭାଇରାଲ ହେଉଛି ଭିଡିଓ

ଖବର ଜାଣିବାକୁ ସମସ୍ତେ ନ୍ୟୁଜ୍‌ ଦେଖନ୍ତି । ପ୍ରତି ଘଣ୍ଟାର ଖବର ଲୋକଙ୍କୁ ଜଣାଇବାକୁ ସାମ୍ୱାଦିକମାନେ ଖବର ପ୍ରସାରଣ କରିଥା’ନ୍ତି । ବି‍ଭିନ୍ନ ତରିକାରେ ଅନେକ ଭାଷାରେ ଲୋକମାନେ ଖବର ଟଭି ଓ ସୋସିଆଲ ମିଡିଆ ମାଧ୍ୟମରେ ଦେଖିଥା’ନ୍ତି । ବିଶେଷକରି ଖବର ପ୍ରସାରଣ କରିବା ସମୟରେ ଲୋକଙ୍କୁ ସିଧାସଳଖ ଖବର ଜଣାଇଥା’ନ୍ତି ଆଙ୍କର ।

କାରଣ ପ୍ରତ୍ୟେକଟି ଖବରକୁ ଲୋକଙ୍କ ନିକଟରେ ପହଞ୍ଚାଇବାରେ ନ୍ୟୁଜ୍‌ ଆଙ୍କର ମୁଖ୍ୟ ଭୂମିକା ନିଭାଇଥାଆନ୍ତି । ବଭିନ୍ନ ଖବରକୁ ଆଙ୍କରମାନେ ଗମ୍ଭୀରତାର ନେବାସହ ପଢ଼ିଥା’ନ୍ତି । ଯାହା ସିଧାସଳଖ ଲୋକଙ୍କ ନିକଟରେ ପହଞ୍ଚିଥାଏ । ଆଉ ସେହି ଖବର ପଢ଼ିବା ସମୟରେ ଯଦି ଜଣେ ଆଙ୍କର ହଠାତ୍‌ ତଳକୁ ପଡ଼ିଯା’ନ୍ତି । ତେବେ ପରିସ୍ଥିତି କ’ଣ ହେବ ଥରେ ଭାବନ୍ତୁ...

ହଁ ଆଜ୍ଞା ନିକଟରେ ଠିକ୍‌ ଏମିତି ଏକ ଘଟଣା ଘଟିଛି । ଜଣେ ଆଙ୍କର ଖବର ପରିବେଶଷଣ କରିବା ସମୟରେ ଷ୍ଟୁଡିଓରୁ ହଠାତ୍‌ ତଳକୁ ଖସିପଡ଼ିଛନ୍ତି । ଯାହାର ଭିଡିଓ ବର୍ତ୍ତମାନ ସାମାଜିକ ଗଣମାଧ୍ୟମରେ ଖୁବ୍‌ ଭାଇରାଲ ହେଉଛି । ଘଟଣାଟି ଘଟିଛି କାର୍ଲିଫନିଆର ଏକ ନ୍ୟୁଜ୍‌ ଚ୍ୟାନେଲରେ । KCAL News ଚ୍ୟାନେଲରେ ଆଙ୍କର ଖବର ପଢ଼ୁଥିବାବେଳେ ଏପରି ଏକ ଘଟଣା ସାମ୍ନାକୁ ଆସିଛି ।

ହଠାତ୍‌ ଶୋ’ରେ ଖସିପଡ଼ୁଥିବା ଆଙ୍କରଙ୍କ ନାଁ ହେଉଛି ଏଲିସା କାର୍ଲସନ୍‌ । ସେ ବର୍ତ୍ତମାନ ସୁସ୍ଥ ଥିବା ଜଣାପଡ଼ିଛି । ଦିଆଯାଇଥିବା ସୂଚନା ଅନୁସାରେ ନ୍ୟୁଜ୍‌ ଷ୍ଟୁଡିଓରେ ଦୁଇଜଣ ସାଥୀ ଆଙ୍କର ଏଲିସା କାର୍ଲସନ୍‌ଙ୍କୁ ପାଣିପାଗ ସମ୍ୱଦ୍ଧୀୟ ଅଧିକ ତଥ୍ୟ ପଚାରୁ ଥିଲେ । ହେଲେ ସେ କିଛି କହିବା ପୂର୍ବରୁ ଏପରି ଆଘଟଣ ଘଟିଥିଲା ।