ହାତ ମୁଠାକୁ ଆସିଲା ଚନ୍ଦ୍ର, ଏବେ ସୂର୍ଯ୍ୟର ପାଳି..

ଆସନ୍ତା ସେପ୍ଟେମ୍ବର ମାସରେ ଇସ୍ରୋର ସୂର୍ଯ୍ୟ ମିଶନ । ସୂର୍ଯ୍ୟ ମିଶନ ଆଦିତ୍ୟ L-1 ପାଇଁ ସମସ୍ତ ପ୍ରସ୍ତୁତି ସରିଛି । ହେଲେ ଗଗନୟାନ ମିଶନ ପାଇଁ କାର୍ଯ୍ୟ ଆଗେଇ ଚାଲିଛି । ଗଗନୟାନ ମିଶନ ପାଇଁ ସେପ୍ଟେମ୍ବର କିମ୍ବା ଅକ୍ଟୋବରରେ କ୍ର୍ୟୁ ମଡ୍ୟୁଲ ଏବଂ କ୍ର୍ୟୁ ଏସକେପ୍ ପ୍ରଦର୍ଶନ ପାଇଁ କାର୍ଯ୍ୟ ଚାଲିଛି।

ସବୁ କିଛି ଠିକଠାକ ଚାଲିଲେ ଆସନ୍ତା ୨୦୨୫ ବେଳକୁ ପ୍ରଥମ ମାନବ ମହାକାଶଯାନ ପ୍ରେରଣ ପାଇଁ ଇସ୍ରୋ ଯୋଜନା କରୁଛି । ଏହା କହିଛନ୍ତି ଇସ୍ରୋ ମୁଖ୍ୟ ଏସ. ସୋମନାଥ । ସେହିପରି ଚନ୍ଦ୍ରର ଦକ୍ଷିଣ ମେରୁରେ ଚନ୍ଦ୍ରୟାନ-୩ ମିଶନ ସଫଳ ହୋଇଥିବାରୁ ଆଗକୁ ଏନେଇ ଇସ୍ରୋ ଅନେକ ଆଶା ରଖିଛି ।

ଅଧିକ ପଢ଼ନ୍ତୁ: ଚନ୍ଦ୍ରପୃଷ୍ଠରେ ପାଦ ଥାପିଲା ଭାରତ; ସଫଳତା ପଛରେ ରହିଛି କେଉଁ ମହିଳାଙ୍କ ହାତ, ଜାଣନ୍ତୁ..

ବୈଜ୍ଞାନିକ ଦୃଷ୍ଟି କୋଣରୁ ଦକ୍ଷିଣ ମେରୁ ହେଉଛି ଅତି ଗୁରୁତ୍ୱପୂର୍ଣ୍ଣ ସ୍ଥାନ । ଦକ୍ଷିଣ ମେରୁରେ ସୂର୍ଯ୍ୟଙ୍କ ଆଲୋକ ଅତି କମ୍ ପଡିଥାଏ । ଏଠାରେ ବାସୋପଯୋଗୀ ପାଇଁ ସମ୍ଭାବନା ଥିବାରୁ ଦକ୍ଷିଣ ମେରୁରେ ବୈଜ୍ଞାନିକମାନେ ଗବେଷଣା ପାଇଁ ଆଗ୍ରହ ରଖନ୍ତି ବୋଲି କହିଛନ୍ତି ଇସ୍ରୋ ମୁଖ୍ୟ ।