LIVE TV
କୁହାଳିଆ ମନ୍ତ୍ରୀଙ୍କ ପାଇଁ ଅକଳରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ମହାମହିମ୍ ରାଷ୍ଟ୍ରପତିଙ୍କ ପ୍ରତି ଅଶାଳୀନ ମନ୍ତବ୍ୟ ଦେଇଥିବା ମନ୍ତ୍ରୀଙ୍କ ପାଇଁ ଶେଷରେ କ୍ଷମା ମାଗିଛି ଦଳ ଟିଏମ୍ସି । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ପ୍ରତି ପଶ୍ଚିମବଙ୍ଗ ମନ୍ତ୍ରୀ ଅଖିଳ ଗିରିଙ୍କ ମନ୍ତବ୍ୟକୁ ଦଳ ପକ୍ଷରୁ କଡା ନିନ୍ଦା କରାଯାଇଛି । ଟିଏମ୍ସିର ଟ୍ୱିଟର ହ୍ୟାଣ୍ଡେଲରୁ ଏକ ଟୁଇଟ୍ କରି କୁହାଯାଇଛି, ରାଷ୍ଟ୍ରପତିଙ୍କ ପ୍ରତି ତୃଣମୂଳ କଂଗ୍ରେସର ଯଥେଷ୍ଟ ସମ୍ମାନ ରହିଛି । ମନ୍ତ୍ରୀ ଅଖିଳ ଗିରି ଦେଇଥିବା ଦୁର୍ଭାଗ୍ୟଜନକ ମନ୍ତବ୍ୟକୁ ଦଳ ଦୃଢ ଭାବେ ନିନ୍ଦା କରାଯାଉଛି । ଏଭଳି ମନ୍ତବ୍ୟ ସ୍ୱୀକାର ଯୋଗ୍ୟ ନୁହେଁ ବୋଲି ଦଳ ସ୍ପଷ୍ଟ କରୁଛି । ନାରୀ ସଶକ୍ତୀକରଣର ଯୁଗରେ ଏଭଳି ନାରୀବିଦ୍ୱେଷ ମନ୍ତବ୍ୟ ଗ୍ରହଣନୀୟ ନୁହଁ ବୋଲି ଦଳ ପକ୍ଷରୁ ଟୁଇଟ୍ କରାଯାଇଛି ।
Also Read
We have the utmost respect for Hon'ble President of India, Smt. Droupadi Murmu.
— All India Trinamool Congress (@AITCofficial) November 12, 2022
Our party strongly condemns the unfortunate remarks made by MLA @AkhilGiriAITC and clarifies that we condone such statements.
In the era of women's empowerment, such misogyny is unacceptable.
ତେବେ ରାଷ୍ଟ୍ରପତିଙ୍କ ପ୍ରତି ଏପରି ମନ୍ତବ୍ୟ ଦେବା ପରେ ଅଖିଳ ଗିରି ବି କ୍ଷମା ପ୍ରାର୍ଥନା କରିଛନ୍ତି । ସେ କହିଛନ୍ତି, ରାଷ୍ଟ୍ରପତିଙ୍କ ପ୍ରତି ତାଙ୍କର ସମ୍ମାନ ଅଛି । ଶୁଭେନ୍ଦୁ ଅଧିକାରୀଙ୍କ ମନ୍ତବ୍ୟକୁ ନେଇ ସେପରି ମତ ଦେଇଥିବା ସେ ସଫେଇ ଦେଇଛନ୍ତି । କେକ୍ରୋଧାନ୍ୱିତ ହୋଇ ଏପରି କହିଥିବାରୁ ସେ ଅନୁତପ୍ତ ।
ସେପଟେ ରାଷ୍ଟ୍ରପତିଙ୍କ ପ୍ରତି ପଶ୍ଚିମବଙ୍ଗର ତୃଣମୂଳ କଂଗ୍ରେସ ନେତା ତଥା ମନ୍ତ୍ରୀ ଅଖିଳ ଗିରିଙ୍କ ଅଶାଳୀନ ମନ୍ତବ୍ୟକୁ ନେଇ କଡା ପ୍ରତିକ୍ରିୟା ପ୍ରକାଶ ପାଇଛି । ଏନେଇ ଜାତୀୟ ମହିଳା କମିଶନଙ୍କୁ ଚିଠି ଲେଖି ତୁରନ୍ତ କାର୍ଯ୍ୟାନୁଷ୍ଠାନ ପାଇଁ ଦାବି କରିଛି ବିଜେପି । ଟିଏମସି ନେତା ଅଖିଳ ଗିରିଙ୍କୁ ତୁରନ୍ତ ଗିରଫ ସହ ତାଙ୍କ ବିଧାୟକ ପଦ ରଦ୍ଦ କରିବାକୁ ବିଜେପି ସାଂସଦ ସୌମିତ୍ର ଖାନ୍ ଦାବି କରିଛନ୍ତି ।
ଅନ୍ୟପଟେ ଟିଏମସି ମନ୍ତ୍ରୀଙ୍କ ମନ୍ତବ୍ୟ ପାଇଁ ପଶ୍ଚିମବଂଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ସର୍ବସାଧାରଣରେ କ୍ଷମା ମାଗନ୍ତୁ ବୋଲି ଅର୍ଜୁନ ମୁଣ୍ଡା ଦାବି କରିଛନ୍ତି । ସେପଟେ ଅଖିଳ ଗିରିଙ୍କ ମନ୍ତବ୍ୟକୁ ନେଇ ବିଜେପି ପକ୍ଷରୁ ପଶ୍ଚିମବଂଗରେ ବିଭିନ୍ନ ସ୍ଥାନରେ ପ୍ରତିବାଦ ଜୋର ଧରିଛି । ସେମାନେ ମନ୍ତ୍ରୀଙ୍କ କୁଶପୁତ୍ତଳିକା ଦାହ କରିବା ସହ ବିକ୍ଷୋଭ କରିଛନ୍ତି ।
