LIVE TV
୨୦୨୪ ସାଧାରଣ ନିର୍ବାଚନ ପୂର୍ବରୁ ତେଲେଙ୍ଗାନା ମୁଖ୍ୟମନ୍ତ୍ରୀ ରେବନ୍ତ ରେଡିଙ୍କ ବଡ଼ ଖୁଲାସା । ସୋନିଆ ଗାନ୍ଧି ଓ ପ୍ରିୟଙ୍କା ଗାନ୍ଧିଙ୍କ ନିର୍ବାଚନ ଲଢ଼ିବାକୁ ନେଇ ବଡ଼ ଖୁଲାସା କରିଛନ୍ତି ରେବନ୍ତ ରେଡ୍ଡୀ । ରେବନ୍ତ କହିଛନ୍ତି, ଆସନ୍ତା ନିର୍ବାଚନରେ ସୋନିଆ ଗାନ୍ଧି ଓ ପ୍ରିୟଙ୍କା ଗାନ୍ଧି ନିର୍ବାଚନ ଲଢ଼ିବେ ।
ସୋନିଆ ଗାନ୍ଧି ତେଲେଙ୍ଗାନାରୁ ନିର୍ବାଚନ ଲଢ଼ିବାକୁ ଥିବାବେଳେ ପ୍ରିୟଙ୍କା ଗାନ୍ଧି ରାୟବରେଲିରୁ ନିର୍ବାଚନ ଲଢ଼ିବେ ବୋଲି ସିଧାସିଧା କହିଛନ୍ତି ରେବନ୍ତ । ପ୍ରେସମିଟ୍ ଯୋଗେ ରେବନ୍ତ ରେଡ୍ଡୀ ଏହି ସୂଚନା ଦେବା ସହ ଗଣମାଧ୍ୟମ ଆଗରେ ଆହୁରି କିଛି କହିଥିବା ଶୁଣିବାକୁ ମିଳିଛି ।
Also Read
ଗତ ଡିସେମ୍ବର ୭ ତାରିଖରେ ତେଲେଙ୍ଗାନା ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ ରେବନ୍ତ ରେଡ୍ଡୀ । ହେଲେ ରେବନ୍ତଙ୍କର ମୁଖ୍ୟମନ୍ତ୍ରୀ ପଦ ପାଇଁ ଯାତ୍ରା ଏତେ ସହଜ ନଥିଲା । ତେଲେଙ୍ଗାନାରେ ଏହି ରାଜନୈତିକ ପଟ୍ଟ ପରିବର୍ତ୍ତନରେ ରେବନ୍ତ ରେଡ୍ଡୀଙ୍କ ମୁଖ୍ୟ ଭୂମିକା ରହିଥିଲା । ତେଲେଙ୍ଗାନା କଂଗ୍ରେସ ମୁଖ୍ୟ ଭାବରେ ରେବନ୍ତ ରେଡ୍ଡୀଙ୍କ କାର୍ଯ୍ୟ ଶୈଳୀ ଦଳକୁ ସୁଦୃଢ଼ କରିଥିଲା ।
"सोनिया गांधी तेलंगाना से चुनाव लड़ेंगी"
— News24 (@news24tvchannel) January 31, 2024
"प्रियंका गांधी रायबरेली से लड़ेंगी चुनाव"
◆ तेलंगाना के कांग्रेस CM रेवंत रेड्डी ने कहा @revanth_anumula | #RevanthReddy | #SoniaGandhi | Sonia Gandhi pic.twitter.com/hYgf1ut9kS
ଏବିଭିପିରୁ ଛାତ୍ର ରାଜନୀତି ଆରମ୍ଭ କରିଥିବା ୫୪ ବର୍ଷୀୟ ରେବନ୍ତ ତେଲେଙ୍ଗାନା ଗଠନ ପୂର୍ବରୁ ଟିଡିପିରୁ ବିଧାୟକ ବନିଥିଲେ । ପରେ କଂଗ୍ରେସରେ ଯୋଗ ଦେଇ ୨୦୧୯ ନିର୍ବାଚନରେ ମାଲକାଜଗିରିରୁ ସାଂସଦ ଭାବେ ନିର୍ବାଚିତ ହୋଇଥିଲେ । ସେ ୨୦୨୧ରେ ପିସିସି ସଭାପତି ଦାୟିତ୍ୱ ସମ୍ଭାଳିବା ପରେ ତେଲେଙ୍ଗାନାରେ ପଦଯାତ୍ରା ତାଙ୍କୁ ସବୁଠୁ ଚର୍ଚ୍ଚିତ ନେତା କରିଥିଲା ।
ରେବନ୍ତଙ୍କ କାର୍ଯ୍ୟ ଶୈଳୀକୁ ପୂରା କଂଗ୍ରେସ ପ୍ରଶଂସା କରିଥିବାବେଳେ ତାଙ୍କୁ ତେଲେଙ୍ଗାନାର ମୁଖ୍ୟମନ୍ତ୍ରୀ କରାଇଥିଲା । ଆଉ ଏବେ ପୁଣି ରେବନ୍ତଙ୍କ ରାଜ୍ୟରୁ ନିଜେ ସୋନିଆ ଓ ପ୍ରିୟଙ୍କା ଲଢ଼ିବାକୁ ଯାଉଥିବା ନିଜେ ରେବନ୍ତ ଖୁଲାସା କରିଛନ୍ତି । ଯାହାକି ଏବେ ତେଲେଙ୍ଗାନା ରାଜ୍ୟ ରାଜନୀତିରେ ଚର୍ଚ୍ଚାର ବିଷୟ ପାଲଟିଛି ।
