ଓଡ଼ିଶାରେ ନିର୍ବାଚନ ଜଗିବାକୁ ଆସିବେ ଅଧିକ ୭୫ କମ୍ପାନୀ କେନ୍ଦ୍ରୀୟ ଫୋର୍ସ

ମୁକ୍ତ ଏବଂ ନିରପେକ୍ଷ ସାଧାରଣ ନିର୍ବାଚନ ପାଇଁ ରାଜ୍ୟକୁ ଆସିଛନ୍ତି ୭୫ କମ୍ପାନୀ ଅଧିକ କେନ୍ଦ୍ରୀୟ ଫୋର୍ସ । କେନ୍ଦ୍ର ସରକାରଙ୍କ ଗୃହ ବିଭାଗ ଅନୁମୋଦନ କ୍ରମେ ଏହି ଫୋର୍ସ ରାଜ୍ୟକୁ ଆସିଛନ୍ତି । ଯେଉଁଥିରେ ୩୫ କମ୍ପାନୀ CRPF, ୩୫ କମ୍ପାନୀ ବିଏସ୍ଏଫ୍ ଏବଂ ୫ କମ୍ପାନୀ ସିଆଇଏସ୍ଏଫ୍ ରହିଛନ୍ତି । ଯେଉଁମାନେ ନିର୍ବାଚନ ସମୟରେ ବିଭିନ୍ନ ସ୍ଥାନରେ ହିଂସାକାଣ୍ଡ ନିୟନ୍ତ୍ରଣ ସହ ମାଓ ଅଞ୍ଚଳରେ ହିଂସାମୁକ୍ତ ନିର୍ବାଚନ ପରିଚାଳନାରେ ସହାୟକ ହେବେ।

ଏଥିସହ ରାଜ୍ୟରେ ମାଓ ଉପଦ୍ରବ ଜିଲା ବୌଦ୍ଧ, କଳାହାଣ୍ଡି, କନ୍ଧମାଳ, ମାଲକାନଗିରି ଆଦି ଜିଲ୍ଲାରେ ପାଟ୍ରୋଲିଂ ବ୍ୟବସ୍ଥାକୁ କଡାକଡି କରାଯାଇଛି । crpf ମୁତୟନ ଥିବା ଜିଲ୍ଲା ଗୁଡିକରେ ଲୋକଙ୍କ ଆସ୍ଥା ଭାଜନ ହେବା ନେଇ crpf ଆଇଜିଙ୍କ ପକ୍ଷରୁ ଅଭିଯାନ ଆରମ୍ଭ ହୋଇଛି । ଏଥିସହ ଓଡ଼ିଶା ଛତିଶଗଡ ସୀମାରେ ୪ଟି ନୂଆ କ୍ୟାମ୍ପ କରାଯିବା ସହ ମାଓ ଗତିବିଧି ଉପରେ ନଜର ରଖାଯାଇଛି ।

ରାଜ୍ୟରେ ନକ୍ସଲ କାର୍ଯ୍ୟକଳାପକୁ ରୋକିବା ପାଇଁ CRPFର ସ୍ପେଶାଲ କମାଣ୍ଡୋ ୟୁନିଟ୍ 'COBRA' ମଧ୍ୟ ଏହି ଶିବିରରେ ନିୟୋଜିତ କରାଯାଇଛି ।