ପୁଣି ଥରେ ରାଜ୍ୟ ବିଜେପି ସଭାପତି ନିର୍ବାଚିତ ହେବା ପରେ ମନମୋହନ ସାମଲ, ମୁଖ୍ୟମନ୍ତ୍ରୀଙ୍କ ସହ ଦିଲ୍ଲୀ ଗସ୍ତରେ ଯାଇ କେନ୍ଦ୍ରୀୟ ନେତୃତ୍ୱଙ୍କୁ ଭେଟି ଫେରିଛନ୍ତି । ଗସ୍ତ ବେଳେ ରାଜ୍ୟରେ ସରକାର ଏବଂ ସଂଗଠନ ସ୍ଥିତି ନେଇ ହୋଇଛି ଆଲୋଚନା । ଖୁବ୍ ଶୀଘ୍ର ବଡ଼ ନିଷ୍ପତ୍ତି ହେବା ନେଇ ଚର୍ଚ୍ଚା ହେଉଛି । ମନ୍ତ୍ରିମଣ୍ଡଳ ସଂପ୍ରସାରଣ ସହ ବୋର୍ଡ-ନିଗମ ଅଧ୍ୟକ୍ଷ ପଦବି ବି ପୂରଣ ନେଇ ଚଳିତ ମାସରେ ହୋଇପାରେ ନିଷ୍ପତ୍ତି ।
ଦିଲ୍ଲୀରୁ ଫେରିଲେ ମୋହନ-ମନମୋହନ । ଖୁବ୍ ଶୀଘ୍ର ସରକାରରେ ବଡ଼ ନିଷ୍ପତ୍ତି ! ଜୁଲାଇ ଭିତରେ ହୋଇପାରେ ମନ୍ତ୍ରିମଣ୍ଡଳ ସଂପ୍ରସାରଣ । ନିଗମ, ବୋର୍ଡ ଅଧ୍ୟକ୍ଷ ପଦବି ପୂରଣ ନେଇ ବି ଖୁବ୍ ଶୀଘ୍ର ହୋଇପାରେ ନିଷ୍ପତ୍ତି । ପୁଣି ଥରେ ରାଜ୍ୟ ବିଜେପି ସଭାପତି ଭାବେ ନିର୍ବାଚିତ ହେବା ପରେ ଦିଲ୍ଲୀ ଗସ୍ତରେ ଯାଇଥିଲେ ମନମୋହନ । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ବି ଦିଲ୍ଲୀ ଗସ୍ତରେ ଯାଇ ଦଳର ଶୀର୍ଷ ନେତୃତ୍ୱଙ୍କୁ ଭେଟିଛନ୍ତି । ପ୍ରଧାନମନ୍ତ୍ରୀଙ୍କୁ ଭେଟିଥିଲେ ମୁଖ୍ୟମନ୍ତ୍ରୀ, ସେପଟେ ରାଷ୍ଟ୍ରୀୟ ସଂଗଠନ ମନ୍ତ୍ରୀ ବିଏଲ୍ ସନ୍ତୋଷଙ୍କୁ ଭେଟିଲେ ମୋହନ-ମନମୋହନ । ପୂର୍ବରୁ ଦୁଇ ଦୁଇ ଥର ଓଡ଼ିଶା ଗସ୍ତରେ ଆସି ବୋର୍ଡ, ନିଗମ ଅଧ୍ୟକ୍ଷ ପଦବି ପୂରଣ ନେଇ ବୈଠକ ନେଇଥିବା ସାଧାରଣ ସଂପାଦକ ତରୁଣ ଚୁଗଙ୍କୁ ମଧ୍ୟ ଭେଟିଛନ୍ତି ମୁଖ୍ୟମନ୍ତ୍ରୀ । ତେଣୁ ଚଳିତ ମାସରେ କିଛି ବଡ଼ ନିଷ୍ପତ୍ତି ହୋଇପାରେ ବୋଲି କୁହାଯାଉଛି ।
Also Read
ମନ୍ତ୍ରିମଣ୍ଡଳରେ ଖାଲି ଥିବା 6ଟି ସ୍ଥାନରେ କାହାକୁ ସାମିଲ କରାଯିବ ତାକୁ ନେଇ ଆରମ୍ଭ ହୋଇଛି କଳ୍ପନାଜଳ୍ପନା । ରେସରେ ଥିବା ନେତାଙ୍କ ଭିତରେ ଆଗରେ ରହିଛି ବରିଷ୍ଠ ବିଧାୟକ ଜୟ ନାରାୟଣ ମିଶ୍ର, ବାବୁ ସିଂ, ଇରାଶିଷ ଆଚାର୍ଯ୍ୟ, ଅମର ନାୟକ, ଆଶ୍ରିତ ପଟ୍ଟନାୟକ, ସନାତନ ବିଜୁଳି, ପ୍ରତାପ ନାୟକ, ଛବି ମଲ୍ଲିକ, ଦୁର୍ଗାପ୍ରସନ୍ନ ନାୟକଙ୍କ ନାଁ । ଅନ୍ୟପଟେ ମନ୍ତ୍ରୀ ନଥିବା ଜିଲ୍ଲା କନ୍ଧମାଳ, କୋରାପୁଟରୁ ପ୍ରତିନିଧିତ୍ୱ ମିଳିପାରେ । ଏହା ସହ କିଛି ମନ୍ତ୍ରୀଙ୍କର ବିଭାଗ ମଧ୍ୟ ବଦଳିବା ନେଇ ଚର୍ଚ୍ଚା ବଢିଛି ।
ବର୍ଷେ ହେଲା ଫାଙ୍କା ପଡ଼ିଥିବା ବୋର୍ଡ, ନିଗମ ଅଧ୍ୟକ୍ଷ ପଦବି ପୂରଣ ବି ଖୁବ୍ ଶୀଘ୍ର ହେବାର ସମ୍ଭାବନା ରହିଛି । ଏହା ଭିତରେ ରାଷ୍ଟ୍ରୀୟ ସାଧାରଣ ସମ୍ପାଦକ ତରୁଣ ଚୁଗଙ୍କ ଅଧ୍ୟକ୍ଷତାରେ ଦୁଇ ଦୁଇ ଥର ବୈଠକ ବସିଛି । ପାଖାପାଖି ଦେଢ଼ ଶହ ନେତାଙ୍କୁ ନିଯୁକ୍ତି ନେଇ ବି ବ୍ଲୁ ପ୍ରିଣ୍ଟ ପ୍ରସ୍ତୁତ ହୋଇଛି । ତା ’ ଉପରେ ବି ଶୀଘ୍ର ଚର୍ଚ୍ଚା ଆଲୋଚନା କରି କାର୍ଯ୍ୟକାରୀ କରାଯିବ ବୋଲି କୁହାଯାଉଛି ।
ଭୁବନେଶ୍ୱରରୁ କ୍ୟାମେରାପର୍ସନ ପଙ୍କଜ ସାହୁଙ୍କ ସହ ସୌମ୍ୟ ରଞ୍ଜନ ସାହୁଙ୍କ ରିପୋର୍ଟ, ଓଟିଭି...