ନବ ଦାସ ହତ୍ୟା ମାମଲାରେ FBI ସହାୟତା ମଗାଯିବା ଦ୍ୱନ୍ଦ୍ୱ ପ୍ରସଙ୍ଗରେ MHAକୁ ଚିଠି କରାଯାଇଥିବା କହିଛି କ୍ରାଇମବ୍ରାଞ୍ଚ। ରାଜ୍ୟ ଗୃହ ବିଭାଗ ଏନେଇ MHAକୁ ଚିଠି ଲେଖିଥିବା କ୍ରାଇମବ୍ରାଞ୍ଚ କହିଛି । ଫେବ୍ରୁଆରୀ ୨୨ରେ ଚିଠି ନଂ 187/Cରେ ଚିଠି ହୋଇଥିବା କ୍ରାଇମବ୍ରାଞ୍ଚ ପକ୍ଷରୁ ବିସ୍ତୃତ ପ୍ରେସ୍ ରିଲିଜ୍ ଜାରି କରାଯାଇଛି।
ଗୋପାଳର ପରିବାର ଲୋକ ତାର ମାନସିକ ସ୍ଥିତି ଠିକ ନଥିବା କହିଥିଲେ । ମେଡିକାଲ ଟିମ୍ ଦ୍ବାରା ଯାଞ୍ଚରୁ ସେ ମେଣ୍ଟାଲି ଫିଟ୍ ଥିବା ଜଣାପଡ଼ିଥିଲା । ଅଧିକ ସ୍ପଷ୍ଟତା ପାଇଁ CFSL, SFL, SCBର ସହାୟତା ବି ନିଆଯାଇଥିଲା । ଅଧିକ ସ୍ପଷ୍ଟତା ପାଇଁ FBI ଦ୍ୱାରା ଯାଞ୍ଚ ପାଇଁ ସ୍ଥିର କରାଯାଇଥିଲା । ନିୟମାନୁସାରେ କୌଣସି ରାଜ୍ୟ ସରକାର ସିଧା FBIକୁ କହିପାରିବେନାହିଁ । ତେଣୁ ଏନେଇ କେନ୍ଦ୍ର ଗୃହ ମନ୍ତ୍ରାଳୟକୁ ଜଣାଇଥିଲୁ ବୋଲି କ୍ରାଇମବ୍ରାଞ୍ଚ କହିଛି ।
ଫେବ୍ରୁଆରୀ ୨୨ରେ କେନ୍ଦ୍ରକୁ ଏନେଇ ରାଜ୍ୟ ସରକାର ଚିଠି କରିଥିଲେ । ସୂଚନାଯୋଗ୍ୟ ଆମେ କିଛି ଚିଠି ପାଇନୁ ବୋଲି କହିଥିଲା ଗୃହ ମନ୍ତ୍ରାଳୟ । ଓଡ଼ିଶା ସରକାରଙ୍କ ଠାରୁ କିଛି ଚିଠି ମିଳିନଥିବା ଗୃହ ମନ୍ତ୍ରାଳୟ କହିଥିଲା । RTI ଆବେଦନ ଆଧାରରେ ଗୃହ ମନ୍ତ୍ରାଳୟ ଚିଠି ପାଇନଥିବା ଜଣାଇଥିଲା।