କୋରକୋଣ୍ଡା ଜିଲ୍ଲା ପରିଷଦ ଜୋନ-୨ ପ୍ରାର୍ଥୀ ଥାନାର ଦ୍ୱାରସ୍ଥ : ଅପହରଣ ପରେ ମାରିଦେବାକୁ ଧମକ ଦେଇଥିବା ଅଭିଯୋଗ

ରାଜନୀତିର ସାପ-ଶିଡ଼ି ଖେଳରେ ସବୁ ଅସମ୍ଭବ ହୋଇଯାଉଛି ସମ୍ଭବ । ନିର୍ବାଚନ ପାଖେଇ ଆସୁଥିବା ବେଳେ ସରଗରମ ହେଉଛି ରାଜନୀତି। ଏପରିକି ବିଭିନ୍ନ ଆଡ଼େ ରାଜନୈତିକ ହିଂସା ଘଟୁଥିବାର ବି ଦେଖିବାକୁ ମିଳୁଛି । ମାଲକାନଗିରି କୋରକୋଣ୍ଡା ଜିଲ୍ଲା ପରିଷଦ ଜୋନ-୨ ପ୍ରାର୍ଥୀ ପ୍ରଦୀପ କୁମାର ମାଡକାମୀଙ୍କୁ ଅପହରଣ ଏବଂ ତାଙ୍କ ପରିବାରକୁ ଧମକ ନେଇ ଅଭିଯୋଗ ହୋଇଛି । କିଛି ଦୁର୍ବୃତ୍ତ ପ୍ରଦୀପକୁ ଅପହରଣ କରିବା ସହ ତାଙ୍କୁ ଓ ତାଙ୍କ ପରିବାରକୁ ମାରିଦେବାର ଭୟ ଦେଖାଇବା ନେଇ ସେ ବାଲିମେଳା ଥାନାରେ ଅଭିଯୋଗ କରିଛନ୍ତି ପ୍ରଦୀପ ।

ଗତ ୨୧ ତାରିଖ ସକାଳେ ନିଜ ଧାନ ମଣ୍ଡିରେ ୩ଜଣ ହତ୍ୟା ଧମକ ଦେଇ ଚାଲିଯାଇଥିବା ବେଳେ ସୋମବାର ବାଲିମେଳା ପେଟ୍ରୋଲ ପମ୍ପରେ ତେଲ ପକାଇ ଫେରୁଥିବା ସମୟରେ ତାଙ୍କ ମୁଁହରେ କପଡା ବାନ୍ଧି ଏକ ଗାଡ଼ିରେ ବସାଇ ଚିତ୍ରକୋଣ୍ଡା ଆଡକୁ ନେଇଯାଇଥିଲେ ।

ପ୍ରଚାର ନକରିବାକୁ ରାସ୍ତାରେ ଧମକ ଦେଇଥିଲେ । ଏନେଇ ତାଙ୍କର ଓ ତାଙ୍କ ପରିବାର ପ୍ରତି ବିପଦ ଥିବା ଥାନାରେ ଅଭିଯୋଗ କରିଛନ୍ତି ପ୍ରଦୀପ । ପ୍ରଦୀପ ବିଜେପିର ପ୍ରାର୍ଥୀ ହୋଇଥିବା ବେଳେ ଶାସକ ଦଳର ଲୋକେ ଏଭଳି କରିଥିବା ଜିଲ୍ଲା ବିଜେପି ଅଭିଯୋଗ କରିଛି । ବିଜେଡି ଅଭିଯୋଗକୁ ଖଣ୍ଡନ କରିଛି ।