LIVE TV
ସମ୍ବଲପୁରର ୮୭ ବର୍ଷିୟା ସମାଜସେବୀ ଡାକ୍ତର ନାରାୟଣୀ ପଣ୍ଡାଙ୍କ ଆଉ ଏକ ବଡ ଉତ୍ସର୍ଗ । ବିଭିନ୍ନ ସମୟରେ ନିଜର ଅର୍ଥ ଓ ସମ୍ପତ୍ତି ଭିନ୍ନ ଭିନ୍ନ ସଂସ୍ଥାକୁ ଦାନ କରିଥିବା ବେଳେ ଶେଷରେ ସେ ରହୁଥିବା ନିଜର ବାସ ଭବନଟିକୁ ଦାନ କରି ଦେଇଛନ୍ତି ସମ୍ବଲପୁର ସରକାରୀ ମହିଳା ମହାବିଦ୍ୟାଳୟକୁ । ସହରର ଭୁତାପଡ଼ାସ୍ଥିତ ୮ ଡେସିମିଲ ପରିମିତ ଜାଗାରେ ନିର୍ମିତ ୨ ମହଲା ଘରଟିକୁ ଦାନ କରିଦେଇଛନ୍ତି ।
Also Read
ଡାକ୍ତର ପଣ୍ଡାଙ୍କର ସେହି ଘରଟିକୁ ସରକାରୀ ମହିଳା ମହାବିଦ୍ୟାଳୟର ହଷ୍ଟେଲ ଭାବେ ବ୍ୟବହାର କରାଯାଉଛି। ଏହି ଘରକୁ ୪ରୁ ୫ ମାସ ପୂର୍ବେ ହଷ୍ଟେଲ ଭାବେ ବ୍ୟବହାର କରାଯାଇଆସୁଛି । ଗତକାଲି ଡାକ୍ତର ପଣ୍ଡା ମହିଳା ମହାବିଦ୍ୟାଳୟକୁ ଯାଇ କାଗଜପତ୍ର ହସ୍ତାନ୍ତର କରିଛନ୍ତି ।
ପୂର୍ବରୁ ମଧ୍ୟ ଗଙ୍ଗାଧର ମେହେର କଲେଜକୁ ୩୦ ଲକ୍ଷ ଟଙ୍କା ଦାନ କରି ଚର୍ଚ୍ଚାକୁ ଆସିଥିଲେ ନାରାୟଣୀ ପଣ୍ଡା। ସମାଜସେବାରେ ନିଜକୁ ଉତ୍ସର୍ଗ ପାଇଁ ଗତ ବର୍ଷ ନାରାୟଣୀ ପଣ୍ଡାଙ୍କୁ OTV citizen award ପ୍ରଦାନ କରାଯାଇଥିଲା।
