ଚିଲିକାରେ ଫସିଲା ଯାତ୍ରୀବାହୀ ଡଙ୍ଗା, ଫସିଛନ୍ତି ୬୦ ଯାତ୍ରୀ

ମଝି ଚିଲିକାରେ ଫସିଲା ଡଙ୍ଗା, ଅଟକି ରହିଛନ୍ତି ୬୦ ଯାତ୍ରୀ । ପୁରୀ ସାତପଡ଼ାରୁ ଜହ୍ନିକୁଦା ଯିବା ବେଳେ ଚିଲିକା ମଝିରେ ଡଙ୍ଗା ଫସି ରହିଛି । ଅଧ ଘଣ୍ଟାରୁ ଅଧିକ ସମୟ ଧରି ଚିଲିକା ମଝିରେ ଏମିତି ଡଙ୍ଗା ଫସି ରହିଛି । ମିଳିଥିବା ସୂଚନା ମୁତାବକ, ଡଙ୍ଗାରେ କିଛି ଯାନ୍ତ୍ରିକ ତ୍ରୁଟି ହୋଇଥିବା ଯୋଗୁଁ ଆଗକୁ ଆଉ ବଢ଼ି ପାରୁନି। ଚିଲିକାରେ ଫସିଥିବା ଏହି ଡଙ୍ଗାରେ ଯାତ୍ରୀଙ୍କ ସହ ୩୦ରୁ ଅଧିକ ଗାଡ଼ି ମଧ୍ୟ ରହିଥିବା ସୂଚନା ରହିଛି ।