Tick Fear: ଗାଈଗୋରୁ ନୁହେଁ, ମଣିଷ ଦେହରେ ଲାଗୁଛି ଟିଙ୍କ : ସନ୍ଧ୍ୟା ହେଲେ ଲୋକଙ୍କ ରକ୍ତ ଶୋଷୁଛନ୍ତି

ଗାଁରେ ମାତିଛନ୍ତି ଟିଙ୍କ । ଦିନରେ ପ୍ରବଳ ଗରମ ଓ ଗୁଳୁଗୁଳିରେ ଲୋକେ ହନ୍ତସନ୍ତ ହେଉଥିବାବେଳେ ସନ୍ଧ୍ୟା ହେଲେ ଟିଙ୍କ ଆତଙ୍କରେ ଆତଙ୍କିତ ହେଉଛନ୍ତି ଲୋକେ ।  ଅନୁଗୋଳ ଜିଲ୍ଲା ପାଳଲହଡା ଉପଖଣ୍ଡ ବତିସୁଆଁର ଶ୍ରୀରାମପୁର ଗ୍ରାମରେ ଟିଙ୍କ ଆତଙ୍କ ଦେଖିବାକୁ ମିଳିଛି । ସନ୍ଧ୍ୟା ହେଲେ ଟିଙ୍କମାନେ ବହୁ ସଂଖ୍ୟାରେ ଆସୁଥିବା ଦେଖିବାକୁ ମିଳୁଛି  । କୁନି କୁନି ପିଲାମାନଙ୍କଠାରୁ ଆରମ୍ଭ କରି ବଡ ଲୋକଙ୍କ ଠାରୁ ରକ୍ତ ଶୋଷି ନେଉଛନ୍ତି ଟିଙ୍କ। ଏହାକୁ ପତରିଆ ଟିଙ୍କ ବୋଲି କୁହାଯାଉଛି । 

ଦିନରେ ପ୍ରବଳ ଗୁଳୁଗୁଳି ଏବଂ ରାତିରେ ପତରିଆ ଟିଙ୍କମାନଙ୍କ ଆତଙ୍କ ଜନସାଧାରଣଙ୍କ ବଞ୍ଚିବା ମୁସ୍କିଲ କରିଦେଇଛି । ଦିନକୁ ଦିନ ପତରିଆ ଟିଙ୍କ ସଂଖ୍ୟା ବୃଦ୍ଧି ପାଉଛି, ଏମାନଙ୍କ ଦାଉରୁ ରକ୍ଷା ପାଇବା ପାଇଁ ପ୍ରତିକାର ବ୍ୟବସ୍ଥା ନିମନ୍ତେ ଗ୍ରାମବାସୀ ପ୍ରଶାସନ ନିକଟରେ ଦାବି ରଖିଛନ୍ତି । ଶତାଧିକ ଲୋକ ଟିଙ୍କମାନଙ୍କ ଆକ୍ରମଣରେ ଆତଙ୍କିତ ହେଲେଣି । ସେପଟେ ସ୍ଥାନୀୟ ସରପଞ୍ଚଙ୍କ ପ୍ରତିକ୍ରିୟା ଅନୁସାରେ ଆଜି ଏକ ଟିମ୍ ଏହି ଗାଁକୁ ଯାଇ ସ୍ଥିତି ଅନୁଧ୍ୟାନ କରିପାରେ । 

ଅଧିକ ପଢନ୍ତୁ : ଆପଣଙ୍କ ଶରୀରରେ ଅଛି କି କାର୍ବୋକ୍ସିଲିକ ଏସିଡ୍‌? ଜାଣନ୍ତୁ ମଶା ସହ କ’ଣ ରହିଛି ସମ୍ପର୍କ