Superstition:ପୁଅ ଶବ ଜଗିଲା ମା’, ୨୬ ଘଣ୍ଟା ପରେ ଉଠିଲା ଶବ

୨୬ ଘଣ୍ଟା ପରେ ଉଠିଲା ଶବ । ଅନ୍ଧବିଶ୍ବାସ ଓ ସାମାଜିକ କୁପ୍ରଥା କାରଣରୁ ୨୬ ଘଣ୍ଟା ପରେ ଉଠିଲା ଶବ। ୨ ଦିନ ଧରି ପୁଅର ମୃତଦେହକୁ ଜଗି ବସିଲା ମାଆ। ଏଭଳି ଅଭାବନୀୟ ଘଟଣା ଘଟିଛି ବାଲେଶ୍ବର ଜିଲ୍ଲା ଜଳେଶ୍ବର ବ୍ଲକ୍ ନାମ୍ପୋ ଅଞ୍ଚଳରେ।

ଅଭିଯୋଗ ଅନୁସାରେ, ଅନ୍ଧବିଶ୍ବାସକୁ ଆଧାର କରି ଏକ ପରିବାରକୁ ୧୦ ବର୍ଷ ଧରି ନିଆଁପାଣି ବନ୍ଦ କରିଥିଲେ ଗାଁ ଲୋକେ। ଗୁରୁବାର ସେହି ପରିବାରର ଜଣେ ୨୬ ବର୍ଷୀୟ ଯୁବକଙ୍କ ମୃତ୍ୟୁ ପରେ, କେହି କାନ୍ଧ ଦେବାକୁ ରାଜି ନହେବାରୁ ୨ ଦିନ ଧରି ପଡ଼ି ରହିଲା ମୃତଦେହ। ଶେଷରେ ସ୍ଥାନୀୟ କିଛି ସ୍ବେଚ୍ଛାସେବୀ ମୃତଦେହକୁ ନେଇ ସସମ୍ମାନେ ଜଳେଶ୍ବରରେ ଶେଷ ସତ୍କାର କରିଥିଲେ ।

ତେବେ ଏନେଇ ସ୍ଥାନୀୟ ପ୍ରଶାସନର ପ୍ରତିକ୍ରିୟା ମିଳିପାରିନାହିଁ । ତେବେ ଆଜିର ସମୟରେ ବି ଏଭଳି ଘଟଣା ଘଟୁଛି ଯାହା ଶୁଣିଲେ ଆଶ୍ଚର୍ଯ୍ୟ ଲାଗୁଛି ।