Odisha Groom: ବନ୍ୟା ପାଣି ଅଟକାଇ ପାରିଲାନି ବିବାହ, ସୋସିଆଲ ମିଡିଆରେ ଭିଡିଓ ଭାଇରାଲ

ନାହିଁ ନଥିବା ଅସୁବିଧାରେ ସମ୍ମୁଖୀନ ହେଉଛନ୍ତି ବନ୍ୟା ପ୍ରଭାବିତ ଲେ।କ । ଚୁଲିରେ ପାଣି ପଶି ଥିବାରୁ ରୋଷେଇ ବନ୍ଦ, ଜଳ ଉତ୍ସ ବୁଡି ରହିଥିବାରୁ ପାଣିର ବି ସୁବିଧା ନାହିଁ । ଏଭଳି ସ୍ଥିତିରେ ଭୋକ, ଓପାସରେ ଜଳବନ୍ଦୀ ଅବସ୍ଥାରେ ଦିନ କାଟୁଛନ୍ତି ଲୋକ । ଏହାରି ଭିତରେ ଗୋଟିଏ ଭିଡିଓ ଭାଇରାଲ ହେଉଛି । ଯାହାକୁ ଲୋକମାନେ ଖୁବ ପସନ୍ଦ କରୁଛନ୍ତି । 

ବଢି ପାଣିରେ କନିଆ ଘର ପାଖକୁ ଯାଇପାରିଲାନି ବର। ପହଁଚିପାରିଲାନି ବରଯାତ୍ରୀ। ଶେଷରେ ବିବାହ କରିବାକୁ ଡଙ୍ଗାରେ ଆସିଲା ବର। ସୁବର୍ଣ୍ଣରେଖା ନଦୀରେ ବନ୍ୟା ପରିସ୍ଥିତି ଯୋଗୁଁ ଏଭଳି ଦୃଶ୍ୟ ଦେଖିବାକୁ ମିଳିଛି।

ଅଧିକ ପଢନ୍ତୁ: କମୁନି ସୁବର୍ଣ୍ଣରେଖା ଦୁର୍ଗତଙ୍କ ଦୁର୍ଦ୍ଦଶା, ୬୦ରୁ ଊର୍ଦ୍ଧ୍ୱ ଗାଁ ଉବୁଟୁବୁ

ଗୋଟିଏ ପଟେ ଅଦିନିଆ ବର୍ଷ। ଲାଗିରହିଥିବା ବେଳେ ଅନ୍ୟପଟେ ଦାଉ ସାଧୁଛି ବନ୍ୟା । ବନ୍ୟା ଘେରରେ ରହିଛନ୍ତି ଲୋକ । ବନ୍ୟା ପାଣି ଘେରରେ ରହିଛି ମୟୂରଭଞ୍ଜ ଜିଲ୍ଲା ସାରସକଣା ବ୍ଲକ୍ ନେଦା ଗାଁ। ଲୋକମାନେ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ହେଲେ ଏହି ବନ୍ୟା ପାଣି ଅଟକାଇପାରିନଥିଲା ବିବାହ ଭଳି ମାଙ୍ଗଳିକ କାର୍ଯ୍ୟକୁ। ପୂର୍ବରୁ ଏହି ବିବାହ ଠିକ ହୋଇଥିଲା । ହଠାତ ବନ୍ୟା ଆସିବାରୁ ବିବାହକୁ ବାତିଲ କରାଯାଇନଥିଲା ।

ଗତ ଶୁକ୍ରବାର ଜଣେ ବର ବନ୍ୟା ପାଣିକୁ ଖାତିର ନକରି ବିବାହ କରିବାକୁ ଯାଇଥିଲେ । ବର ବେଶରେ ସଜେଇ ହୋଇ ଗାଁରୁ ଡଙ୍ଗାରେ ବାହାରିଥିଲେ ବର। ବରଯାତ୍ରୀ ବି ଡଙ୍ଗାରେ ଯାଇଥିଲେ। ଝାରଖଣ୍ଡର ଟାଟା ନଗରରେ ବିବାହ ହୋଇଛି । ବର୍ଷ। ଓ ବନ୍ୟାକୁ ଖାତିର ନକରି ବିବାହ ପାଇଁ ଯାଇଥିବାରୁ ବରର ପ୍ରଶଂସା କରୁଛନ୍ତି ସ୍ଥାନୀୟ ଲୋକ ।

ତେବେ ବଢିପାଣିରେ ବିବାହ ପାଇଁ ବର ଡଙ୍ଗାରେ ଯାଉଥିବା ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେଉଛି। ବନ୍ୟା ଯୋଗୁଁ କେତେକ ସ୍ଥାନରେ ଅଣ୍ଟାଏ ଲେଖାଏଁ ପାଣି ଥିବା ବେଳେ ଆଉ କେତେକ ସ୍ଥାନରେ ଆଣ୍ଠୁଏ ଲେଖାଏଁ ପାଣି ଜମି ରହିଛି । ଏଭଳି ସ୍ଥିତିରେ କେତେବେଳେ ବରଯାତ୍ରୀ ଚାଲି ଚାଲି ତ କେତେବେଳେ ଡଙ୍ଗା ସାହାଯ୍ୟରେ ବରକୁ କନ୍ୟା ଘର ପର୍ଯ୍ୟନ୍ତ ନେବାରେ ସାହାଯ୍ୟ କରିଥିଲେ ।

ଅଧିକ ପଢନ୍ତୁ: ନିଶା ରାତିରେ ପୋଲିସର ଚୋରା ପୀରତି, ଧରା ପକାଇଦେଲା ସିସିଟିଭି...