Hardcore Maoist Arrested: ହାର୍ଡକୋର ମାଓନେତା ଗିରଫ: ୭ଟି ବଡ଼ ହିଂସାକାଣ୍ଡରେ ଥିଲା ସମ୍ପୃକ୍ତ, ଜାଣନ୍ତୁ କିଏ...

ପୋଲିସକୁ ବଡ଼ ସଫଳତା । ହାର୍ଡକୋର୍ ମାଓବାଦୀ କୁଞ୍ଜମ ହିଡ୍‌ମା ଗିରଫ । କୋରାପୁଟ ଜିଲ୍ଲା ବୈପାରୀଗୁଡ଼ା ଥାନା ପେଟଗୁଡ଼ା ଜଙ୍ଗଲରୁ ହିଡମାକୁ କାବୁ କରିଛି ପୋଲିସ । ଏହି କୁଖ୍ୟାତ ମାଓବାଦୀଠାରୁ AK-47 ସମେତ ବିପୁଳ ପରିମାଣର ମାଓ ସାମଗ୍ରୀ ଜବତ ହୋଇଛି । ACM କୁଞ୍ଜମ ହିଡମା ୭ଟି ବଡ଼ ହିଂସାକାଣ୍ଡରେ ସମ୍ପୃକ୍ତ ଥିବା ନେଇ ସୂଚନା ରହିଛି । ମାଓନେତା ହିଡମା ନାଁରେ କୋରାପୁଟ ଓ ମାଲକାନଗିରର ବିଭିନ୍ନ ଥାନାରେ ଏକାଧିକ ମାମଲା ରହିଛି । ସେହିପରି ସୁରକ୍ଷାକର୍ମୀ ଓ ମାଓବାଦୀମାନଙ୍କ ଗୁଳିବିନିମୟ ସମୟରେ ମଧ୍ୟ ତା'ର ସମ୍ପୃକ୍ତି ରହିଥିଲା । 

ମାଓ ଦମନରେ ପୋଲିସକୁ ଗୋଟିଏ ପରେ ଗୋଟିଏ ସଫଳତା ମିଳୁଛି । ଗତ ୨୬ତାରିଖରେ ଝାଡଖଣ୍ଡର ଲାତେହାରରେ ସୁରକ୍ଷାକର୍ମୀଙ୍କ ଏନକାଉଣ୍ଟରରେ ୫ ଲକ୍ଷ ଟଙ୍କାର ପୁରସ୍କାର ଥିବା ଜଣେ ମାଓବାଦୀ ନିହତ ହୋଇଥିବାବେଳେ ୧୦ ଲକ୍ଷ ଟଙ୍କାର ପୁରସ୍କାର ରାଶି ଥିବା ଜଣେ ମାଓବାଦୀ ଗିରଫ ହୋଇଥିଲା  । ସେହିପରି ଗତ ୨୩ତାରିଖରେ ମହାରାଷ୍ଟ୍ର ଗଡ଼ଚିରୋଲିରେ ୪ ହାର୍ଡକୋର୍ ମାଓବାଦୀ ନିହତ ହୋଇଥିଲେ । ଆଜି ହାର୍ଡକୋର୍ ମାଓବାଦୀ କୁଞ୍ଜମ ହିଡ୍‌ମାକୁ ଗିରଫ କରିବାରେ ସଫଳ ହୋଇଛି ପୋଲିସ । 

ଅଧିକ ପଢନ୍ତୁ :  ନକ୍ସଲ ମୁକ୍ତ ହେଲା ବସ୍ତର, ୬ ଜିଲ୍ଲାକୁ ରେଡ୍ ଲିଷ୍ଟରୁ ହଟାଇଲା ଗୃହ ମନ୍ତ୍ରାଳୟ