Collector Visits Paddy Mandi: ଧାନ ମଣ୍ଡିରେ ଅଚାନକ ପହଞ୍ଚିଲେ ଜିଲ୍ଲାପାଳ,ଅନିୟମିତତା ଦେଖି ଅଧିକାରୀଙ୍କୁ ନୋଟିସ୍

ଚାଷୀଙ୍କ ସମସ୍ୟା ପରଖିବାକୁ ହାପ୍ ପ୍ୟାଣ୍ଟ ଓ ଟି-ସାର୍ଟ ପିନ୍ଧି ନିଜ ପରିଚୟ ଗୋପନ ରଖି ଧାନମଣ୍ଡି ବୁଲିଲେ ଜିଲ୍ଲାପାଳ । ଧାମନଗର ବ୍ଲକ ଅଧୀନ କଟସାହି ମଣ୍ଡିରେ ଏମିତି ବେଶ ପୋଷାକରେ ପହଞ୍ଚିଥିଲେ ଜିଲ୍ଲାପାଳ ଯେ, କେହି ବି ଚିହ୍ନିପାରିନଥିଲେ । ଅଚାନକ ମଣ୍ଡିରେ ପହଞ୍ଚି ସ୍ଥିତି ପରଖିଥିଲେ ଭଦ୍ରକ ଜିଲ୍ଲାପାଳ ଦିଲ୍ଲୀପ ରାଉତରାୟ ।

ବଜାର ଠାରୁ ଦୂରରେ ଗାଡ଼ି ରଖି ମଣ୍ଡିକୁ ଯାଇଥିଲେ । ଦୀର୍ଘ ସମୟ ଜିଲ୍ଲାପାଳ ମାର୍କେଟରେ ବି ବୁଲିଥିଲେ । ଚାଷୀଙ୍କୁ ଧାନ ବିଷୟରେ ପଚାରିଥିଲେ । ମଣ୍ଡିରେ ପହଞ୍ଚି ଅନ୍ୟ ଏକ ଚାଷୀଙ୍କ ନାଁରେ ସେ ତାଙ୍କ ଟୋକନରେ ଧାନ ବିକ୍ରି ପାଇଁ କହିଥିଲେ । ସମବାୟ ଦାୟିତ୍ବରେ ଥିବା ବାବୁ କହିଥିଲେ ଯେ ପ୍ରାୟ ୮ କିଲୋ ପର୍ଯ୍ୟନ୍ତ କଟନି ଛଟନି ହେବ। ସଙ୍ଗେ ସଙ୍ଗେ ଜିଲ୍ଲାପାଳ ସେହି ଠାରୁ ଅଧିକାରୀଙ୍କୁ କାରଣ ଦର୍ଶାଅ ନୋଟିସ ଜାରି କରିଛନ୍ତି।...