LIVE TV
ତେଲେଙ୍ଗାନା ମୁଖ୍ୟମନ୍ତ୍ରୀଙ୍କୁ ଓପନ ଚ୍ୟାଲେଞ୍ଜ ! କହିଲେ ଦମ୍ ଅଛି ତ ମୋ ସହ ପଦଯାତ୍ରାରେ ଆସନ୍ତୁ । ଏଭଳି ଓପନ ଚ୍ୟାଲେଞ୍ଜ କରିଛନ୍ତି ଯୁବଜନ ଶ୍ରମିକ ରିଥୁ ତେଲାଙ୍ଗାନା ପାର୍ଟି ମୁଖ୍ୟ ୱାଇ ଏସ୍ ସର୍ମିଲା । ସେ ସିଧାସଳଖ ମୁଖ୍ୟମନ୍ତ୍ରୀ କେସିଆର୍ଙ୍କ ଉଦେଶ୍ୟରେ ଗଣମାଧ୍ୟମ ଆଗରେ ଚ୍ୟାଲେଞ୍ଜ କରିଛନ୍ତି ଯେ, ମୁଖ୍ୟମନ୍ତ୍ରୀଙ୍କ ଦମ୍ ଅଛନ୍ତି ତ ମୋ ସହ ପଦଯାତ୍ରାରେ ଯୋଗ ଦିଅନ୍ତୁ । ଏହି ପଦଯାତ୍ରା ଯେଉଁଠି ସରିଥିଲା ସେଇଠୁ ହିଁ ଆରମ୍ଭ ହେବ । ଏହାସହ ଗଣମାଧ୍ୟମ ଆଗରେ ଏକ ନୂଆ ଜୋତା ଦେଖାଇ କହିଥିଲେ, ମୁଖ୍ୟମନ୍ତ୍ରୀ ପଦଯାତ୍ରରେ ସାମିଲ ହେଲେ ମୁଁ ଏହାକୁ ଉପହାର ଦେବି । ଗୁରୁବାର ସେ ଏହି ଚ୍ୟାଲେଞ୍ଜ କରିଛନ୍ତି ।
Also Read
#WATCH | YSRTP chief YS Sharmila shows a shoe box and asks Telangana CM KCR to join Padayatra with her and know the public problems. pic.twitter.com/tU8Cxn13jE
— ANI (@ANI) February 2, 2023
କଥା ସେତିକିରେ ସରି ନାହିଁ । କେସିଆର୍ଙ୍କ ବୟାନ୍କୁ ନେଇ ସେ ଆହୁରି ମଧ୍ୟ କହିଛନ୍ତି ଯେ, ‘କେସିଆର କହୁଛନ୍ତି ଆମ ରାଜ୍ୟରେ ଲୋକଙ୍କର ସମସ୍ୟା ନାହିଁ । ସେ ମୋ ସହ ଆସନ୍ତୁ ମୁଁ ତାଙ୍କୁ ଲୋକଙ୍କର ଅନେକ ସମସ୍ୟା ରହିଥିବା ପ୍ରମାଣ ଦେବି । ଆଉ ଯଦି ପ୍ରମାଣ ନଦେଇ ପାରିଲି ତେବେ ରାଜନୀତି ଛାଡ଼ିଦେବି ।’ ଶର୍ମିଲା ଏହା ମଧ୍ୟ କହିଛନ୍ତି ଯେ, ‘ଯଦି ମୁଁ ଲୋକଙ୍କର ସମସ୍ୟା ସାମ୍ନାକୁ ଆଣିଲି ତେବେ କେସିଆର୍ ନିଜ କଥା ରଖି ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବେ ତ ? କେସିଆର୍ ନିଜେ କହିଥିଲେ ଲୋକଙ୍କର ସମସ୍ୟା ଥିଲେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ସହ ଜଣେ ଦଳିତଙ୍କୁ ତାଙ୍କ ସ୍ଥାନରେ ବସାଇବେ । ଏହା କରିପାରିବେ ତ କେସିଆର୍ ?’ ଗଣମାଧ୍ୟମ ଆଗରେ ଏଭଳି କଡ଼ା ଭାଷାରେ ମୁଖ୍ୟମନ୍ତ୍ରୀଙ୍କୁ ଚ୍ୟାଲେଞ୍ଜ କରିଛନ୍ତି ଶର୍ମିଲା ।
ଅଧିକ ପଢ଼ନ୍ତୁ: ଓଡ଼ିଶାରେ ଏଣ୍ଟ୍ରି ମାରିବାକୁ KCRଙ୍କ ବ୍ଲୁ ପ୍ରିଣ୍ଟ୍, ନବନିର୍ମାଣ କୃଷକ ସଂଗଠନ ଦେଇପାରେ ସମର୍ଥନ...
#WATCH | Today I challenge Telangana CM KCR to walk with me in Padyatra & we presented a shoe box to him. If there are no problems in the state, then I'll retire from politics but if this is not true, KCR has to resign and apologise to people of the state: YSRTP Chief YS Sharmila pic.twitter.com/OrzYoQYRAj
— ANI (@ANI) February 2, 2023
ଏହି ଘଟଣା ପରେ ସାରା ରାଜ୍ୟରେ ରାଜନୀତି ସରଗରମ ହୋଇଛି । ମୁଖ୍ୟମନ୍ତ୍ରୀ କେସିଆର୍ଙ୍କୁ ନେଇ ଅନେକ ଆଲୋଚନା ପର୍ଯ୍ୟାଲୋଚନା ଆରମ୍ଭ ହୋଇଛି । ତେବେ ଶର୍ମିଲାଙ୍କ କଥା ଏତିକିରେ ବି ସରିନଥିଲା । ସେ ଗଣମାଧ୍ୟମ ଆଗରେ ସିଧାସଳଖ କହିଥିଲେ ଯେ, ମୁଖ୍ୟମନ୍ତ୍ରୀ ଯାହା ଯାହା ଲୋକଙ୍କ ପାଇଁ କରିବେ ବୋଲି ପ୍ରତିଶ୍ରୁତି ଦେଇଥିଲେ ତାହା ସେ କରି ନାହାନ୍ତି ।
