LIVE TV
ଆସନ୍ତା ଏପ୍ରିଲ ମାସରେ ହୋଇପାରେ ସାଧାରଣ ନିର୍ବାଚନ । ନିର୍ବାଚନ କମିଶନଙ୍କ ‘ଏକ୍ସ’ ମେସେଜ୍ ନେଇ ବଢ଼ିଲା ସମ୍ଭାବନା । ଏପ୍ରିଲ ୧୬ ସମ୍ଭାବ୍ୟ ଭୋଟ ଗ୍ରହଣ ତାରିଖ କି ବୋଲି ପ୍ରଶ୍ନ ଉଠିଥିଲା । ଏନେଇ ଆସୁଥିବା ପ୍ରଶ୍ନରେ ସ୍ପଷ୍ଟୀକରଣ ରଖିଲେ ଇସିଆଇ(ECI) । ଏହି ତାରିଖଟି କେବଳ ଅଫିସରମାନଙ୍କ ପାଇଁ ରେଫରେନ୍ସ ଥିବା କହିଲେ ଇସିଆଇ । ନିର୍ବାଚନ ନେଇ ପ୍ଲାନ କରିବାକୁ ଏହା ରେଫରେନ୍ସ ଥିବା କହିଛନ୍ତି ମୁଖ୍ୟ ନିର୍ବାଚନ ଅଧିକାରୀ ।
Also Read
ଧାର୍ଯ୍ୟ ହେଲା କି ଲୋକସଭା ନିର୍ବାଚନ ତାରିଖ ? ଦିଲ୍ଲୀ ମୁଖ୍ୟ ନିର୍ବାଚନ ଅଧିକାରୀଙ୍କ ଦ୍ୱାରା ଜାରି ହୋଇଥିଲା ସର୍କୁଲାର୍ । ଏନେଇ ୧୧ ଜିଲ୍ଲାର ନିର୍ବାଚନୀ ଅଧିକାରୀ(DEO)ଙ୍କୁ ନିକଟକୁ ସର୍କୁଲାର ପଠାଯାଇଥିଲା । ଯେଉଁ ସର୍କୁଲାରରେ ଆଗାମୀ ଏପ୍ରିଲ ୧୬ରେ ଲୋକସଭା ନିର୍ବାଚନ ହେବା ନେଇ ତାରିଖ ଧାର୍ଯ୍ୟ ହୋଇଥିବା ଚର୍ଚ୍ଚା ହେଉଛି ।
କିନ୍ତୁ ଏହା ଉପରେ ସ୍ପଷ୍ଟୀକରଣ ରଖିଛନ୍ତି ଦିଲ୍ଲୀ ମୁଖ୍ୟ ନିର୍ବାଚନ ଅଧିକାରୀ ଟି. ମିଶାଓ । ସେ କହିଛନ୍ତି ନିର୍ବାଚନ କମିଶନ ପକ୍ଷରୁ ୨୪ ଲୋକସଭା ନିର୍ବାଚନ କୌଣସି ତାରିଖ ଧାର୍ଯ୍ୟ ହୋଇନାହିଁ । ଏହା କେବଳ ଏକ ରେଫରେନ୍ସ ଡେଟ୍ । ଯାହାକି ନିର୍ବାଚନ ଅଧିକାରୀଙ୍କୁ ଆଗାମୀ ସାଧାରଣ ନିର୍ବାଚନ ପ୍ରସ୍ତୁତି ପାଇଁ ଦିଆଯାଇଛି । ଏହାରି ମଧ୍ୟରେ ସେମାନେ ନିର୍ବାଚନର ଆରମ୍ଭ, ଶେଷ ଓ ମତଦାନ ତାରିଖ ପାଇଁ ଯୋଜନା ପ୍ରସ୍ତୁତ କରିବେ ।
Some media queries are coming referring to a circular by @CeodelhiOffice to clarify whether 16.04.2024 is tentative poll day for #LSElections2024
— CEO, Delhi Office (@CeodelhiOffice) January 23, 2024
It is clarified that this date was mentioned only for ‘reference’for officials to plan activities as per Election Planner of ECI.
ତେବେ ମୁଖ୍ୟ ନିର୍ବାଚନ ଅଧିକାରୀଙ୍କ ପୋଷ୍ଟକୁ ନେଇ କଳ୍ପନା ଜଳ୍ପନା ଆରମ୍ଭ ହୋଇଯାଇଛି । ଏପ୍ରିଲ୍ରେ ନିର୍ବାଚନ ହେବା ନେଇ ଲୋକଙ୍କ ମଧ୍ୟରେ ବ୍ୟଗ୍ରତା ବଢ଼ିଛି । ନିର୍ବାଚନ କମିଶନ ପକ୍ଷରୁ ଦିଆଯାଇଥିବା ତାରିଖ ନିର୍ବାଚନର ସଠିକ୍ ତାରିଖ ନା ଆନୁମାନିକ ତାରିଖ, ସେନେଇ ସୋସିଆଲ୍ ମିଡିଆରେ ପ୍ରଶ୍ନ ଉଠିଛି ।
