ଶୀତରେ ଥରୁଥିବା ଲୋକକୁ ନିଜ ଜ୍ୟାକେଟ୍‌ ଦେଇଦେଲେ ଉପମୁଖ୍ୟମନ୍ତ୍ରୀ

ଉପମୁଖ୍ୟମନ୍ତ୍ରୀଙ୍କ ଉଦାରତା । ନିଜ ଦାମୀ ଭେଷ୍ଟ ଜ୍ୟାକେଟ୍‌ କରିଦେଲେ ଦାନ । ଲକ୍ଷ୍ନୌର ବଳରାମପୁର ମେଡିକାଲରେ ଜଣେ ବ୍ୟକ୍ତି ଡାକ୍ତରଙ୍କୁ ଅପେକ୍ଷା କରିଥିବା ବେଳେ ଶୀତରେ ଥରୁଥିଲେ । ଏହାକୁ ଦେଖି ତରଳିଗଲା ଉପମୁଖ୍ୟମନ୍ତ୍ରୀ ବ୍ରଜେଶ ପାଠକ୍‌ଙ୍କ ହୃଦୟ । ସଙ୍ଗେ ସଙ୍ଗେ ନିଜ ଜ୍ୟାକେଟ୍‌ ଖୋଲିଦେଇ ଉକ୍ତ ବ୍ୟକ୍ତିଙ୍କୁ ଘୋଡ଼ାଇଦେଲେ ।

(Brajesh Pathak)

ମଙ୍ଗଳବାର ବ୍ରଜେଶ ପାଠକ ମେଡିକାଲରେ ଚାଲିଥିବା କୋଭିଡ୍ ମୁକାବିଲାର ମକ୍‌ଡ୍ରିଲ୍‌ ଅନୁଧ୍ୟାନ କରିବାକୁ ଯାଇଥିଲେ । ଆଗାମୀ ଦିନରେ ଦେଶରେ କୋଭିଡ୍‌ ସଂକ୍ରମଣ ବଢ଼ିପାରେ, ତେଣୁ ଏହାର ମୁକାବିଲା ପାଇଁ  ସବୁଠି ମକ୍‌ଡ୍ରିଲ୍‌ କରାଯାଉଛି । ଏହାର ଅନୁଧ୍ୟାନ କରିବାକୁ ଯାଇଥିଲେ ଉତ୍ତରପ୍ରଦେଶ ଉପମୁଖ୍ୟମନ୍ତ୍ରୀ ବ୍ରଜେଶ ପାଠକ ।

କେବଳ ମେଡିକାଲ ନୁହେଁ, ମେଡିକାଲ କଲେଜ ତଥା ବଡ଼ ବଡ଼ ସ୍ୱାସ୍ଥ୍ୟକେନ୍ଦ୍ରରେ ବି କରାଯାଉଛି ମକ୍‌ଡ୍ରିଲ୍‌ ।

(Brajesh Pathak)