ବିଭାଜନ ସମୟରେ ଅଲଗା ହୋଇଯାଇଥିଲେ ଦୁଇ ଭାଇ ! ୭୪ ବର୍ଷ ପରେ ଏକାଠି ହେଲେ, ପରସ୍ପରକୁ ଆଲିଙ୍ଗନ କରି କାନ୍ଦିଲେ . .

ଭୁଲି ହେବନି ଦେଶ ବିଭାଜନ ବ୍ୟଥା । ଭାରତ ମାତା ଛାତିରେ ଶତାବ୍ଦୀ ଶତାବ୍ଦୀ ଧରି ରହିବ ବିଭାଜନର କ୍ଷତ । କେତେ ଯେ ପରିବାର ନିଜ ଲୋକଙ୍କ ଠାରୁ ଅଲଗା ହୋଇଯାଇଥିଲେ, ତାହା ଗଣିହେବ ନାହିଁ । ରକ୍ତର ନଦୀ ବହିଥିଲା । ଘୃଣା ଏବଂ ହିଂସା ଯୋଗୁଁ ଲକ୍ଷ ଲକ୍ଷ ଲୋକ ବିସ୍ଥାପିତ ହୋଇଥିଲେ ।୧୯୪୭ରେ ବିଭାଜନ ସମୟରେ ଅନେକ ପରିବାର ଅଲଗା ଅନେକ ଲୋକ ପାକିସ୍ତାନ ଚାଲି ଯାଇଥିବା ବଳେ କେତେକ ଭାରତରେ ରହିଯାଇଲେ । ହେଲେ ଏବେ ପାକିସ୍ତାନର କରତାରପୁର କରିଡରରେ ୭୪ ବର୍ଷ ପରେ ବିଭାଜନ ସମୟରେ ଅଲଗା ହୋଇଯାଇଥିବା ଦୁଇ ଭାଇଙ୍କ ଭେଟଘାଟ ହୋଇଛି ।

ପାକିସ୍ତାନର ମହମ୍ମଦ ସିଦ୍ଦିକ ଏବଂ ଭାରତର ହବିବ ଦୀର୍ଘ ୭ ଦଶନ୍ଧି ପରେ ଜଣେ ଜଣଙ୍କୁ ଦେଖିପାରିଛନ୍ତି ଓ ଆଉ ତା’ପରେ ଉଭୟେ ପରସ୍ପରକୁ ଆଲିଙ୍ଗନ କରି କାନ୍ଦି ଉଠିଛନ୍ତି । ସେମାନଙ୍କ ଆଖି କୋଣରେ ବିଭାଜନର ଯନ୍ତ୍ରଣା ଏବେ ବି ସତେଜ ଲାଗୁଛି । ଏହି ଦୁଇ ଭାଇଙ୍କ ସାକ୍ଷାତର ଚିତ୍ର ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ମହମ୍ମଦ ସିଦ୍ଦିକ ପାକିସ୍ତାନର ଫୈସଲାବାଦରେ ରହୁଥିବା ବେଳେ ତାଙ୍କ ଭାଇ ହବିବ ଭାରତର ପଞ୍ଜାବର ରୁହନ୍ତି। ୧୯୪୭ରେ ବିଭାଜନ ସମୟରେ ଉଭୟ ଭାଇ ଅଲଗା ହୋଇଯାଇଥିଲେ । ହେଲେ ଏବେ ଦୁଇ ଭାଇ ମହମ୍ମଦ ଓ ହବିବ ଏକାଠି ହୋଇଛନ୍ତି । କରତାରପୁର କରିଡର ଉଭୟଙ୍କୁ ଏକାଠି କରିଛି ।

Kartarpur Sahib corridor has reunited two elderly brothers across the Punjab border after 74 years. The two brothers had parted ways at the time of partition. A corridor of reunion 🙏 pic.twitter.com/g2FgQco6wG

— Gagandeep Singh (@Gagan4344) January 12, 2022

ସିଦ୍ଦିକି ୟୁଟ୍ୟୁବ୍ ଚ୍ୟାନେଲ୍ ମାଧ୍ୟମରେ ନିଜ ଭାଇଙ୍କୁ ଭେଟିବାକୁ ଅନୁରୋଧ କରିଥିଲେ । ତାଙ୍କ ଭିଡ଼ିଓ ଦେଖିବା ପରେ ଉଭୟ ପରିବାର ଯୋଗାଯୋଗ କରି ସାକ୍ଷାତ କରିଥିଲେ । ଚେଲା ବଡ଼ ଭାଇ ସିଦ୍ଦିକଙ୍କୁ ଭେଟିବା ପରେ ଅନେକ କଥା କହିଛନ୍ତି । ମା ଆଉ ଏହି ଦୁନିଆରେ ନାହାଁନ୍ତି ବୋଲି ଭାଇକୁ କହି କାନ୍ଦିଛନ୍ତି । ଚେଲା ଏପର୍ଯ୍ୟନ୍ତ ବିବାହ କରିନାହାଁନ୍ତି।କରତାରପୁର କରିଡର ଖୋଲିବା ସହ ଭିସା ମୁକ୍ତ ଯାତ୍ରା ସୁବିଧା ଯୋଗାଇ ଦେଇଥିବାରୁ ଏହି ଦୁଇ ଭାଇ ଭାରତ-ପାକିସ୍ଥାନ ସରକାରଙ୍କୁ ଧନ୍ୟବାଦ ଜଣାଇଛନ୍ତି ।

କରତାରପୁରର ଗୁରୁଦ୍ୱାର ସାହେବରେ ଏହି ଦୁଇ ଭାଇଙ୍କ ସାକ୍ଷାତର ଭିଡିଓ ଏବଂ ଚିତ୍ର ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭାରତ ଏବଂ ପାକିସ୍ତାନର ବହୁ ୟୁଜର ଏହି ଭିଡିଓ ଦେଖି ଭାବପ୍ରବଣ ମନ୍ତବ୍ୟ ଦେଇଛନ୍ତି ଏବଂ କରତାରପୁର କରିଡର ଖୋଲିବା ପାଇଁ ଭାରତ ଏବଂ ପାକିସ୍ଥାନ ସରକାରଙ୍କୁ ପ୍ରଶଂସା କରିଛନ୍ତି । ଭାରତ ଏବଂ ପାକିସ୍ଥାନର ବିଭାଜନର ଯନ୍ତ୍ରଣା ସହିତ ଜଡିତ ଏହିପରି ଅନେକ କାହାଣୀ ରହିଛି । ଯେଉଁଥିରେ ଅନେକ ପରିବାର ବର୍ଷ ବର୍ଷ ପରେ ଆତ୍ମୀୟସ୍ୱଜନଙ୍କୁ ଭେଟିବାକୁ ସୁଯୋଗ ପାଇଛନ୍ତି । ଏହି କାହାଣୀଗୁଡିକ ମଧ୍ୟରୁ କେତେକ ଉପରେ ପୁସ୍ତକ ଲେଖାଯାଇ ଥିବା ବେଳେ ଅତୀତରେ କେତେକ ଉପରେ ଚଳଚ୍ଚିତ୍ର ନିର୍ମାଣ କରାଯାଇଛି ।

OTV is now on Whatsapp

Join and get latest news update delivered to you via whatsapp

Join Now