/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1747138115.jpeg )
Follow Us/odishatv-khabar/media/post_attachments/uploadimage/library/16_9/16_9_0/IMAGE_1747657674.JPG)
SC Rejects Minister's Apology
ବଢିଲା ମଧ୍ୟପ୍ରଦେଶ ମନ୍ତ୍ରୀ ବିଜୟ ଶାହଙ୍କ ଅଡୁଆ । କର୍ଣ୍ଣେଲ ସୋଫିଆ କୁରେସିଙ୍କ ବିଷୟରେ ଆପତ୍ତିଜନକ ମନ୍ତବ୍ୟ ଏବେ ବିଜୟଙ୍କୁ ହରଡ଼ଘଣାରେ ପକାଇଛି । ଆପତ୍ତିଜନକ ଟିପ୍ପଣୀ ପାଇଁ ବିଜୟ କ୍ଷମା ପ୍ରାର୍ଥନା କରିଥିବାବେଳେ ତାହାକୁ ଗ୍ରହଣ କରିନାହାନ୍ତି ସର୍ବୋଚ୍ଚ ଅଦାଲତ । ଏହାକୁ କୁମ୍ଭୀର କାନ୍ଦଣା କହି କଡ଼ା ଭର୍ତ୍ସନା କରିବା ସହ SIT ଗଠନ ପାଇଁ ନିର୍ଦ୍ଦେଶ ଦେଇଛନ୍ତି ।
ଅପରେସନ ସିନ୍ଦୁର ସମୟରେ ନେତୃତ୍ୱ ନେଇ ଚର୍ଚ୍ଚାକୁ ଆସିଥିଲେ କର୍ଣ୍ଣେଲ ସୋଫିଆ କୁରେସି । ସେପଟେ ମଧ୍ୟପ୍ରଦେଶ ମନ୍ତ୍ରୀ ବିଜୟ ଶାହ ସୋଫିଆଙ୍କ ନାଁରେ ଆପତ୍ତିଜନକ ମନ୍ତବ୍ୟ ଦେଇଥିଲେ । ବିଜୟ ଶାହଙ୍କ ଏହି ମନ୍ତବ୍ୟକୁ କଡ଼ା ଭର୍ତ୍ସନା କରିଥିଲେ ସୁପ୍ରିମକୋର୍ଟ । ପରେ ବିଜୟ ଶାହ କ୍ଷମା ପ୍ରାର୍ଥନା କରିଥିବା ଜଣାପଡ଼ିଛି । ହେଲେ ଏହାକୁ ଗ୍ରହଣ କରିନାହାନ୍ତି ସର୍ବୋଚ୍ଚ ଅଦାଲତ । ଖାଲି ସେତିକି ନୁହେଁ, ଏହା କୁମ୍ଭୀର କାନ୍ଦଣା ବୋଲି କହି ବର୍ଷିଛନ୍ତି ସୁପ୍ରିମକୋର୍ଟ ।
ସୂଚନା ଅନୁସାରେ, ଏନେଇ ସୁପ୍ରିମକୋର୍ଟ ଏକ ସ୍ୱତନ୍ତ୍ର ତଦନ୍ତକାରୀ ଟିମ୍ ( SIT ) ଗଠନ ପାଇଁ ନିର୍ଦ୍ଦେଶ ଦେଇଛନ୍ତି । ଯେଉଁଥିରେ ୩ ଜଣ ବରିଷ୍ଠ ଆଇପିଏସ ଅଫିସରଙ୍କୁ ଦାୟିତ୍ୱ ଦିଆଯାଇଛି । ଏହି ଟିମରେ ଜଣେ ମହିଳା ଅଧିକାରୀଙ୍କୁ ସାମିଲ ପାଇଁ ମଧ୍ୟ ନିର୍ଦ୍ଦେଶ ରହିଛି । ମଧ୍ୟପ୍ରଦେଶ ମନ୍ତ୍ରୀ ବିଜୟ ଶାହଙ୍କ ଉପରେ ବର୍ଷିବା ସହ ସର୍ବୋଚ୍ଚ ନ୍ୟାୟାଳୟ କହିଛନ୍ତି, "ଆମକୁ ଆପଣଙ୍କ କ୍ଷମାର କୌଣସି ଆବଶ୍ୟକତା ନାହିଁ । ଆମେ ଜାଣୁ, ନ୍ୟାୟିକ ବ୍ୟବସ୍ଥା ଅନୁସାରେ କ’ଣ ସବୁ କରାଯାଇପାରିବ ।"