LIVE TV
ଦିନକୁ ୨ ଥର ଉଭାନ୍ ହୋଇଯାଆନ୍ତି ମହାଦେବ । ଶୁଣିବାକୁ ଆଶ୍ଚର୍ଯ୍ୟ ଲାଗୁଥାଇପାରେ ହେଲେ ଏହା ନିରାଟ ସତ । ଗୁଜୁରାଟରେ ଠିକ୍ ସେହିପରି ଏକ ମନ୍ଦିର ରହିଛି । ଯାହା ବିଷୟରେ ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । କାରଣ ଏହି ମନ୍ଦିରଟି ପ୍ରତିଦିନ ଦୁଇ ଥର ଅଦୃଶ୍ୟ ହୋଇଯାଏ । ଏହି ବିରଳ ଦୃଶ୍ୟ ଦେଖିବାକୁ ହଜାର ହଜାର ସଂଖ୍ୟକ ଭକ୍ତ ଏଠାକୁ ଆସିଥାନ୍ତି ।
ଗୁଜୁରାଟ ବରୋଦାରେ ଥିବା ସ୍ତମ୍ଭେଶ୍ୱର ମନ୍ଦିରଟି ସମୁଦ୍ରରେ ରହିଛି । ଏହି ମନ୍ଦିରଟି ଦିନକୁ ଦୁଇଥର ଏହା ପାଣିରେ ବୁଡ଼ିଯାଇଥାଏ । ଦିନକୁ ୨ ଥର ଶିବ ମନ୍ଦିର ବୁଡିବାର ବିରଳ ଦୃଶ୍ୟକୁ ଦେଖିବାକୁ ଭକ୍ତଙ୍କ ଭିଡ଼ ଜମିଥାଏ । ଏନେଇ ଭକ୍ତ କହିଛନ୍ତି ଯେ, ମହାଦେବଙ୍କ ଜଳାଭିଷେକ ସମୁଦ୍ର ଦ୍ୱାରା ହୋଇଥାଏ । ଜଳସ୍ତର ବଢି ମନ୍ଦିର ବୁଡିବା ସମୟରେ ଏହି ସ୍ଥାନରେ ଭକ୍ତ ମାନଙ୍କ ପ୍ରବେଶ ଉପରେ ରୋକ୍ ଲଗାଯାଇଥାଏ ।
କଥାରେ ଅଛି ଶ୍ରାବଣ ମାସରେ ଶିବଙ୍କ ଦର୍ଶନ କଲେ କୋଟି ପୂଣ୍ୟ ମିଳିଥାଏ । ତେଣୁ ଏହି ମାସରେ ବିଭିନ୍ନ ଶୈବପୀଠରେ ଭକ୍ତଙ୍କର ଭିଡ ଲାଗିରହିଥାଏ । ହେଲେ ଆପଣ ଜାଣନ୍ତି କି ଏମିତି ଅନେକ ପ୍ରାଚୀନ ମନ୍ଦିର ରହିଛି ଯାହାର ଇତିହାସ ଜାଣିବାକୁ କାହିଁ କେଉଁ ଦୂରରୁ ଭକ୍ତମାନେ ଆସିଥାନ୍ତି । ସେମାନଙ୍କ ମଧ୍ୟରୁ ସ୍ତମ୍ଭେଶ୍ୱର ମନ୍ଦିର ଅନ୍ୟତମ ଅଟେ ।
Also Read
କାହିଁକି ଉଭାନ୍ ହୁଏ ମନ୍ଦିର ?
ଶାସ୍ତ୍ର ଅନୁଯାୟୀ, ଏହି ମନ୍ଦିରକୁ ଶିବଙ୍କ ପୁଅ କାର୍ତ୍ତିକ ସ୍ଥାପନା କରିଥିଲେ । ଏହି ମନ୍ଦିରଟି ସମୁଦ୍ର ମଝିରେ ରହିଥିବାରୁ ଦୈନିକ ୨ ଥର ଏହା ପାଣି ଭିତରେ ବୁଡି ଯାଇଥାଏ । ଜୁଆର କମିବା ପରେ ପୁଣିଥରେ ଦେଖିବାକୁ ମିଳେ । ଏହି ଦୃଶ୍ୟ ପ୍ରତିଦିନ ସନ୍ଧ୍ୟା ଓ ସକାଳେ ଦେଖିବାକୁ ମିଳିଥାଏ । ତେବେ ରାକ୍ଷସ ତାଡକାସୁରଙ୍କ ବଧ କରିବା ପରେ କାର୍ତ୍ତିକ ଏଠାରେ ଏକ ଶିବ ମନ୍ଦିରର ସ୍ଥାପନା କରିଥିବାର ବିଶ୍ୱାସ ରଖାଯାଇଛି । ସମୟ ବିତିବା ସହ ମନ୍ଦିରଟି ସମୁଦ୍ର ଗର୍ଭରେ ଲୁଚି ଯାଇଥିଲା । ହେଲେ ଦୀର୍ଘ ୧୫୦ ବର୍ଷ ପୂର୍ବେ ଏହି ମନ୍ଦିରକୁ ପୁଣି ଥରେ ଖୋଜି ବାହାର କରାଯାଇଥିଲା ବୋଲି ବିଶ୍ୱାସ କରାଯାଇଥାଏ ।
