ଏତେ ଖରା ଗରମରେ କେମିତି କରୁଛନ୍ତି ଡ୍ୟୁଟି ! ଦେଖନ୍ତୁ ଭିଡିଓ...

ରାଜସ୍ଥାନର ତତଲା ମରୁରେ କେମିତି ଡ୍ୟୁଟି କରନ୍ତି ଯବାନ ? ସୋସିଆଲ ମିଡିଆରେ ଭାଇରାଲ୍ ହେଉଥିବା ଭିଡିଓରୁ ଆପଣ ଜାଣିପାରୁଥିବେ। ମାତ୍ର ୩୫ ସେକେଣ୍ଡରେ ଜଣେ ବିଏସ୍‌ଏଫ୍‌ ଯବାନ ରାଜସ୍ଥାନ ବିକାନେରର ତତଲା ବାଲିରେ ପାମ୍ପଡକୁ ଭାଜି ଦେଖାଇଛନ୍ତି ।

ବାଲିରେ ମାତ୍ର ୩୫ ସେକେଣ୍ଡ ଘୋଡ଼ାଇ ରଖି ବାହାର କରିବା ପରେ ପାମ୍ପଡ ପୁରା ଭାଜି ହୋଇଯାଇଛି । ଯେତେବେଳେ ସାରା ଦେଶରେ ଗ୍ରୀଷ୍ମ ଲହରୀରେ ଲୋକେ ତତଲା କଡ଼େଇରେ ଭାଜି ହେଉଛନ୍ତି ଠିକ୍ ସେତିକି ବେଳେ ଭାରତ-ପାକିସ୍ତାନ ସୀମାରେ ଡ୍ୟୁଟିରେ ଥିବା ଜଣେ ବିଏସଏଫ ଯବାନ ପ୍ରମାଣିତ କରୁଛନ୍ତି ଯେ, ସ୍ଥିତି ଯେତେ ପ୍ରତିକୂଳ ହେଉନା କାହିଁକି ଦେଶ ସୁରକ୍ଷା ପ୍ରଥମ । ସୋସିଆଲ ମିଡିଆରେ ଖୁବ୍ ଭାଇରାଲ ହେଉଥିବା ଏହି ଭିଡିଓ ଏବଂ ଏଥିରେ ନଜର ଆସୁଥିବା ଯବାନଙ୍କୁ ଢେର ପ୍ରଶଂସା କରାଯାଉଛି ।