ବ୍ୟବସାୟୀଙ୍କ ଘରୁ ମିଳିଲା ୧୭କୋଟି : ଘର ଭିତରେ ଟଙ୍କାର ପାହାଡ଼

କୋଲକାତାରେ ଜଣେ ବ୍ୟବସାୟୀଙ୍କ ଘରୁ ମିଳିଲା ନଗଦ ୧୭ କୋଟି ଟଙ୍କା । ପୁଅର ଆପ୍ ଜାଲିଆତିର ଯାଞ୍ଚ କରୁ କରୁ ପ୍ରବର୍ତ୍ତନ ନିର୍ଦ୍ଦେଶାଳୟ ହାତରେ ଲାଗିଛି ବିପୁଳ ଟଙ୍କା । ଘର ଭିତରୁ ପାଞ୍ଚ ଶହ, ଦୁଇ ହଜାର ଏବଂ ଦୁଇ ଶହ ଟଙ୍କିଆର ବିଡ଼ା ବିଡ଼ା ବଣ୍ଡଲ ମିଳିଛି । ଏତେ ପରିମାଣର ଟଙ୍କା ମେସିନ ଲଗାଇ ଗଣିବା ପରେ ୫ଟି ଟ୍ରଙ୍କରେ ଭର୍ତ୍ତି କରି ନେଇଛନ୍ତି ଇଡି ଅଧିକାରୀ ।

କୋଲକାତାର ନାସିର ଖାନ ନାମକ ଜଣେ ଟ୍ରାନ୍ସପୋର୍ଟ ବ୍ୟବସାୟୀଙ୍କ ଘରୁ ଏହି ୧୭ କୋଟି ଟଙ୍କା ଜବତ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ଏକ ଗେମିଂ ଆପ୍ ଠକେଇର ଯାଞ୍ଚ କରୁ କରୁ ଏହି ଟଙ୍କା ସବୁ ମିଳିଛି ନାସିର । ଏ ସବୁ ଟଙ୍କା ନିଜ ଘରେ ଲୁଚାଇ ରଖିଥିଲେ । ନାସିରଙ୍କ ପୁଅ ଆମିର ଖାନ ଚଳାଇଉଥିବା ଏକ ମୋବାଇଲ ଆପରେ ଜାଲିଆତି କରୁଥିବା ନେଇ ଅଭିଯୋଗ ପରେ ଇଡି ଏହାର ଯାଞ୍ଚ କରିଥିଲା ।

Kolkata, West Bengal | A total of Rs 17.10 crores of cash were recovered in 5 trunks by ED officials from the Garden Reach residence of businessman Nisar Ahmed Khan

Several hours of ED raid were conducted in connection with an investigation relating to Mobile Gaming Application pic.twitter.com/xivg6zWdr5

— ANI (@ANI) September 10, 2022

E-Nuggets ନାମକ ଗେମିଂ ଆପ୍‌ ଜରିଆରେ ଲୋକଙ୍କୁ ଠକେଇ କରାଯାଇଥିବା ଅଭିଯୋଗ ହୋଇଥିଲା । ଏନେଇ ଫେଡରାଲ ବ୍ୟାଙ୍କ ପକ୍ଷରୁ ବ୍ୟବସାୟୀ ଆମିର ଖାନ ଓ ଅନ୍ୟ କିଛି ଲୋକଙ୍କ ବିରୋଧରେ ଇଡିକୁ ସୂଚନା ଦିଆଯାଇଥିଲା । ଏହି ଅଭିଯୋଗକୁ ଆଧାର କରି ଇଡି ପିଏମଏଲଏ ଅନୁସାରେ ମାମଲା ରୁଜୁ କରିଥିଲା । ସେହି ଅନୁସାରେ ରେଡ୍‌ କରାଯାଇଥିଲା  ।

ଆଳୁ ଖୋଳୁ ଖୋଳୁ ମହାଦେବ ଭଳି ଯାଞ୍ଚ ବେଳେ ଇଡ଼ି ମୋଟା ଅଙ୍କର କ୍ୟାସ୍ ଜବତ କରିଛି । ଏଥିସହ କୋଲକାତାର ୬ଟି ସ୍ଥାନରେ ରେଡ୍ କରିଛି ଇଡି ଏ ନେଇ ଅଧିକ ଛାନଭିନ୍ ଜାରି ରହିଛି ।