ଏ କେମିତିକା ଡାକ୍ତର; ଖରାପ ବଦଳରେ ଅପରେସନ୍‌ କରିଦେଲେ ଭଲ କିଡନୀ...

ରାଜସ୍ଥାନରେ କିଡନୀ ପ୍ରତିରୋପଣକୁ ନେଇ ବଡ଼ ଅଘଟଣ । ଖରାପ କିଡନୀ କାଢିବା ବଦଳରେ କାଢିଲେ ଭଲ କିଡନୀ । ଯାହାଫଳରେ ଗୁରୁତର ଅବସ୍ଥାରେ ଚିକିତ୍ସା ହେଉଛନ୍ତି ରୋଗୀ । ଏହି ଘଟଣା ଘଟିବା ପରେ ସାରା ଅଞ୍ଚଳରେ ଚାଞ୍ଜଲ୍ୟ ଖେଳି ଯାଇଛି । ରାଜସ୍ଥାନର ଏକ ଘରୋଇ ଡାକ୍ତରଖାନାର ଜଣେ ଡାକ୍ତର ସଂକ୍ରମିତ କିଡନୀ କାଢିବା ପରିବର୍ତ୍ତେ ଜଣେ ମହିଳା ରୋଗୀଙ୍କର ଡାହାଣ କିଡନୀ କାଢିଥିଲେ। ଏହି ପରିପ୍ରେକ୍ଷୀରେ, ଝୁନ୍‌ଝୁନ୍‌ ଜିଲ୍ଲାର ନୂଆ ନିବାସୀ ଇଦ୍ ବାନୋ ଠିକ୍ ସମୟରେ ଚିକିତ୍ସା ନ ପାଇ ସ୍ବାସ୍ଥ୍ୟ ଅବସ୍ଥା ଗୁରୁତର ରହିଛି ।

କିଡନୀ ଫେଲ ହେତୁ ଇଦ୍ ବାନୋଙ୍କୁ ଝୁନ୍‌ଝୁନ୍‌ ଜିଲ୍ଲାର ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତରଖାନା ମାଲିକ ଡଃ ସଞ୍ଜୟ ଧନଖର ଇଦ୍ ବାନୋରଙ୍କର କିଡନୀ ଅପରେସନ୍ କରିଥିଲେ । ଅପରେସନ୍ ପରେ ମଧ୍ୟ ଇଦ୍ ବାନୋଙ୍କ ଯନ୍ତ୍ରଣା କମି ନଥିଲା ଏବଂ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା ତେଣୁ ଧନଖର ଇଦ୍ ବାନୋଙ୍କ ସମ୍ପର୍କୀୟଙ୍କୁ ତାଙ୍କୁ ଜୟପୁରର ରାଜ୍ୟର ସବୁଠାରୁ ବଡ ସାୱାଇ ମାନସିଂହ ଡାକ୍ତରଖାନାକୁ ନେବାକୁ କହିଥିଲେ । ଏହା ଉପରେ ସମ୍ପର୍କୀୟମାନେ ୨୧ ମଇରେ ଇଦ୍ ବାନୋକୁ ସାୱାଇ ମାନସିଂହ ଡାକ୍ତରଖାନାକୁ ଆଣିଥିଲେ । ଯାହାପରେ ଏଭଳି ଘଟଣା ସାମ୍ନାକୁ ଆସିଛି  । 

ଅଧିକ ପଢ଼ନ୍ତୁ: ଅଭାବନୀୟ...ଆଙ୍ଗୁଠି ସର୍ଜରୀ ପାଇଁ ଆସିଥିଲେ, ଜିଭ ସର୍ଜରୀ କରିଦେଲେ ଡାକ୍ତର

ଯେତେବେଳେ ଡାକ୍ତରମାନେ ପରୀକ୍ଷା କଲେ, ଦେଖାଗଲା ଯେ ଧନଖର ସଂକ୍ରମିତ କିଡନୀ ପରିବର୍ତ୍ତେ ତାଙ୍କ ଡାହାଣ ପଟ କିଡନୀକୁ ବାହାର କରି ଦେଇଛନ୍ତି । ସଂକ୍ରମଣ ବାମ କିଡନୀରେ ଥିଲା ଏବଂ ଧନଖର ଡାହାଣ କିଡନୀକୁ ବାହାର କରିଦେଇଥିଲେ । ଭୁଲ କିଡନୀ ପ୍ରତିରୋପଣ ବିଷୟରେ ସୂଚନା ପାଇବା ପରେ ଇଦ୍ ବାନୋଙ୍କ ସ୍ୱାମୀ ଶବବୀର ପୋଲିସକୁ ସୂଚନା ଦେଇଥିଲେ। 

ଏହା ଉପରେ ଧନଖର ଇଦ୍ ବାନୋଙ୍କ ସମ୍ପର୍କୀୟଙ୍କ ସହ ଯୋଗାଯୋଗ କରି ଚିକିତ୍ସା ପାଇଁ ଖର୍ଚ୍ଚ ଦେବାକୁ ପ୍ରସ୍ତାବ ଦେଇଥିଲେ। ଏହି ସମୟରେ ସୋମବାର ଯେତେବେଳେ ଏହି ମାମଲା ସାର୍ବଜନୀନ ହେଲା ସେତେବେଳେ ପୋଲିସ ଏକ ମାମଲା ରୁଜୁ କରିଥିଲା । ଏହାପରେ ସରକାରୀ ଯୋଜନା ତାଲିକାରୁ ଡାକ୍ତରଖାନାର ନାମ ମଧ୍ୟ ହଟାଇ ଦିଆଯାଇଛି । ଜିଲ୍ଲା କଲେକ୍ଟର ଚିନ୍ମୟ ଗୋପାଳ କହିଛନ୍ତି ଯେ ଡାକ୍ତରଖାନାର ଉପରେ ତଦନ୍ତ ଚାଲିଛି । ଅନ୍ୟପକ୍ଷରେ ଜୟପୁରରେ ଇଦ୍ ବାନୋ ଚିକିତ୍ସିତ ହେଉଛନ୍ତି । ତାଙ୍କ ଅବସ୍ଥା ବିଗିଡି ଯାଇଛି ।

ଅଧିକ ପଢ଼ନ୍ତୁ: ନିଃଶ୍ୱାସ ନେବା ବେଳେ ଫୁସ୍‌ଫୁସ୍‌କୁ ଚାଲିଗଲା ନାକଫୁଲ; ଏମିତି ବାହାର କଲେ ଡାକ୍ତର