PM Modi Slams Congress: ମୋ ମୃତ ମାଆଙ୍କୁ ବି ରାଜନୀତିକୁ ଟାଣିଲେ

ରାଜନୀତିରେ ମାଆଙ୍କୁ ନେଇ ହୀନ ରାଜନୀତି । ଆଉ ଏଭଳି ହୀନ ରାଜନୀତି କରିଥିବା କଂଗ୍ରେସକୁ ଆଜି ଚରମବାଣୀ ଶୁଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମାଆଙ୍କୁ କଂଗ୍ରେସର ନେତାମାନେ ଅଶାଳୀନ ମନ୍ତବ୍ୟ ଦେଉଛନ୍ତି ଆଉ ଏହାକୁ ବିରୋଧ କରି କଡ଼ା ଭାଷାରେ ସମାଲୋଚନା କରିଛନ୍ତି । ଏହା ସହ ଗାଳି ରାଜନୀତିକୁ ସମାଲୋଚନା କରି ପ୍ରଧାନମନ୍ତ୍ରୀ ମୋଦି ପଚାରିଛନ୍ତି, ମୋ ମାଆଙ୍କୁ ବିରୋଧୀ ଗାଳିଦେଲେ, ତାଙ୍କର କଣ ଭୁଲ୍ ଥିଲା । ମୋ ମୃତ ମାଆଙ୍କୁ ବି ରାଜନୀତିକୁ ଟାଣିଲେ । ରାଜନୀତିରେ କିଛି ସମ୍ପର୍କ ନଥାଇ ବି ସ୍ବର୍ଗୀୟ ମାଆଙ୍କୁ ରାଜନୀତିକୁ ଟାଣିଲେ  । ଆଉ ଏହା ସ୍ପଷ୍ଟ କରୁଛି ଯେ କେମିତି ପଦାରେ ପଡ଼ିଛି ବିରୋଧୀଙ୍କ ମହିଳା ବିରୋଧୀ ଆଭିମୁଖ୍ୟ ।

ପ୍ରଧାନମନ୍ତ୍ରୀ ମୋଦି ଏହା ବି କହିଛନ୍ତି ଯେ,  ଖାଲି ମୋ ମାଆଙ୍କୁ ନୁହେଁ ଦେଶର ମାଆ ଭଉଣୀଙ୍କ ପ୍ରତି ଅପମାନ କରୁଛନ୍ତି ବିରୋଧୀ । କଂଗ୍ରେସ ପ୍ରତ୍ୟେକ ମାଆକୁ ଗାଳି ଦେଇଛି । ପିଏମ୍ ଏ କଥା ମଧ୍ୟ କହିଛନ୍ତି ଯେ, ଆଜି ମୁଁ ଯାହା ବି କିଛି ଅଛି, ସେଥିରେ ମୋ ମାଆର ଭୂମିକା ଗୁରୁତ୍ବପୂର୍ଣ୍ଣ । ଅନେକ କଷ୍ଟ ସହି ମୋ ମାଆ ଆମକୁ ଲାଳନପାଳନ କରିଥିଲା । ରାଜନୀତିରେ ମୋ ମାଆର କୌଣସି ଭୂମିକା ନାହିଁ, ତଥାପି ଗାଳି କଲେ ।

RJD ଶାସନରେ ବିହାରରେ ମହିଳା ରାସ୍ତାକୁ ବାହାରି ପାରି ନଥିଲେ । ବିହାରବାସୀ ଲମ୍ବା ଲଢ଼େଇ କରି ଅନ୍ଧାରରୁ ମୁକ୍ତି ପାଇଛନ୍ତି । RJD-କଂଗ୍ରେସ ବିହାରରେ ମହିଳାଙ୍କୁ ଡରିଯାଇଛନ୍ତି । ଏହି ମହିଳାମାନେ ଏଥର ନିର୍ବାଚନରେ ସେମାନଙ୍କୁ ଜବାବ ଦେବେ ବୋଲି କହିଛନ୍ତି ପିଏମ୍ । RJD କେବେ ମହିଳାଙ୍କୁ ଆଗକୁ ଛାଡୁ ନଥିଲା ଏପରିକି ଗରିବ, ଆଦିବାସୀ ମହିଳା ରାଷ୍ଟ୍ରପତି ହେବା ପରେ କଂଗ୍ରେସ ଅପମାନିତ କରିଛି । ଏମିତି ପିଏମ୍ କହିଛନ୍ତି , ମାଆର ଅପମାନକୁ କେବେ ବରଦାସ୍ତ କରିବନି ମାତୃଭୂମି ।