PM Modi on Ambedkar Issue: ଆମ୍ବେଦକର ପ୍ରସଙ୍ଗ, ଜୋର ଧରିଲା ରାଜନୀତି; ବିରୋଧୀଙ୍କୁ ଧୋଇଲେ ପ୍ରଧାନମନ୍ତ୍ରୀ

ଆମ୍ବେଦକର ପ୍ରସଙ୍ଗରେ ଜୋର ଧରିଲା ରାଜନୀତି। ରାଜ୍ୟସଭାରେ କେନ୍ଦ୍ରମନ୍ତ୍ରୀ ଅମିତ ଶାହଙ୍କ ମନ୍ତବ୍ୟକୁ ନେଇ ବିରୋଧୀଙ୍କ ଟାର୍ଗେଟ ପରେ ସୋସିଆଲ ମିଡିଆରେ ସିରିଜ୍ ପୋଷ୍ଟ କରି ଧୋଇଲେ ପ୍ରଧାନମନ୍ତ୍ରୀ ମୋଦି । ୬ ପଏଣ୍ଟ ଉଲ୍ଲେଖ କରି କଟୁ ସମାଲୋଚନା କରିଛନ୍ତି ମୋଦି । ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି, ସମ୍ବିଧାନକୁ ବାରମ୍ବାର ଅସମ୍ମାନ କରିଥିବା କଂଗ୍ରେସ ଓ ଏହାର ଖରାପ ଇକୋସିଷ୍ଟମ ଏହାକୁ ଲୁଚାଇ ପାରିବନି ।

ବର୍ତ୍ତମାନ ଲୋକେ ଦେଖୁଛନ୍ତି, କଂଗ୍ରେସ କିଭଳି ପ୍ରତିଟି କୌଶଳ ଆପଣାଇ ପାରେ । ବି.ଆର. ଆମ୍ବେଦକରଙ୍କ ସହ ଏସ୍‌ସି, ଏସଟି ଲୋକଙ୍କୁ ଅପମାନିତ ଭଳି ଟ୍ରିକସ ଆପଣାଉଛି କଂଗ୍ରେସ । କଂଗ୍ରେସ ଏବଂ ତାଙ୍କର ଖରାପ ଇକୋସିଷ୍ଟମ ବଡ଼ ଭୁଲ କରି ଆସୁଛି । ଏଭଳି ମିଥ୍ୟା କଥା କହି ଯଦି ଆମ୍ବେଦକରଙ୍କ ପ୍ରତି ସେମାନଙ୍କ ଥିବା ମନୋଭାବ ବଦଳାଇବାକୁ ଚାହୁଁଛନ୍ତି, ତାହା ହୋଇପାରିବନି ।

ଡକ୍ଟର ଆମ୍ବେଦକରଙ୍କ ପ୍ରତି କଂଗ୍ରେସର ମନୋଭାବ ନେଇ ଅନେକ ଲିଷ୍ଟ ରହିଛି । ସେତେବେଳେ ପଣ୍ଡିତ ନେହରୁ କିଭଳି ଆମ୍ବେଦକଙ୍କ ବିରୋଧରେ ଯାଇଥିଲେ ଏବଂ ତାଙ୍କର ସମ୍ମାନକୁ ନଷ୍ଟ କରିଥିଲେ ତାହା ଉଲ୍ଲେଖ କରିଛନ୍ତି ମୋଦି ।

ଅଧିକ ପଢ଼ନ୍ତୁ: ବିଶ୍ୱର ସର୍ବୋଚ୍ଚ ଚେନାବ ରେଲୱେ ବ୍ରିଜ୍‌ରେ OTV , ଅଂଜି ବ୍ରିଜର ମଧ୍ୟ ପରଖିଲା ସ୍ଥିତି

ସେପଟେ କିଛିଦିନ ତଳେ ସମ୍ବିଧାନ ଉପରେ ସଂସଦରେ ବିତର୍କ ଭାଷଣରେ ଗାନ୍ଧି ପରିବାର ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଚଣ୍ଡ ହମଲା କରିଥିଲେ । ସାମ୍ବିଧାନିକ ମୂଲ୍ୟବୋଧକୁ ବାରମ୍ବାର ଆଘାତ ପାଇଁ ନେହରୁ, ଇନ୍ଦିରା ଓ ରାଜୀବଙ୍କଠୁ ନେଇ ରାହୁଲଙ୍କୁ ବି ନିଜ ଅଭିଭାଷଣରେ ନିଶାନା କରିଥିଲେ ମୋଦି ।

ପରିବାରବାଦ କଥା ଉଠାଇ ମୋଦି କହିଥିଲେ- ଏହି ପରିବାର ସମ୍ବିଧାନକୁ ଚ୍ୟାଲେଞ୍ଜ କରି ଆସିଛି । ୧୯୫୧ରେ ନିର୍ବାଚିତ ସରକାର ନ ଥିଲେ, ସେ ସମୟରେ ଅଧ୍ୟାଦେଶ ଆଣି ସମ୍ବିଧାନ ବଦଳାଇ ଦେଲେ । ଯାହା ସମ୍ବିଧାନ ନିର୍ମାତାଙ୍କ ପ୍ରତି ଘୋର ଅପମାନ । ମୁଖ୍ୟମନ୍ତ୍ରୀମାନଙ୍କୁ ତତକାଳୀନ ପ୍ରଧାନମନ୍ତ୍ରୀ ନେହରୁ ଚିଠି ଲେଖି ସମ୍ବିଧାନ ଆମ ରାସ୍ତାରେ ପ୍ରତିବନ୍ଧକ ହେଲେ ବଦଳାଇବାକୁ ହେବ ବୋଲି କହିଥିଲେ, ଯାହାକୁ ସେତେବେଳେ ରାଷ୍ଟ୍ରପତି ରାଜେନ୍ଦ୍ର ପ୍ରସାଦ ବିରୋଧ କରିଥିଲେ ।

ଗତ ୬ ଦଶନ୍ଧିରେ ୭୫ ଥର ସମ୍ବିଧାନକୁ ବଦଳାଯାଇଛି ଓ ୧୯୭୧ରେ ଇନ୍ଦିରା ଗାନ୍ଧି ସମ୍ବିଧାନ ସଂଶୋଧନ କରି ନ୍ୟାୟପାଳିକାର ଅଙ୍ଗ ଛେଦନ କରିଥିଲେ ବୋଲି ଆକ୍ଷେପ କରିଥିଲେ ମୋଦି । ନ୍ୟାୟପାଳିକା ଇନ୍ଦିରାଙ୍କୁ ଅଯୋଗ୍ୟ କରିବାରୁ ୧୯୭୫ରେ ଏମର୍ଜେନ୍ସି ଲଗାଇଲେ, ତେଣୁ କଂଗ୍ରେସ ତାର ଅତୀତର ପାପକୁ ଧୋଇପାରିବ ନାହିଁ ବୋଲି ପ୍ରଧାନମନ୍ତ୍ରୀ କହିବା ସହ ନେହରୁ ଯେଉଁ ପରମ୍ପରା ଆରମ୍ଭ କରିଥିଲେ, ଇନ୍ଦିରା ତାହା ବଜାୟ ରଖିଲେ ବୋଲି କହିଥିଲେ ।

ନେହରୁ, ଇନ୍ଦିରାଙ୍କ ପରେ ରାଜୀବ ଏହାକୁ ଶକ୍ତି ଯୋଗାଇଲେ ଓ ପରପିଢ଼ି ମଧ୍ୟ ଏହି ରାସ୍ତାରେ ଆଗକୁ ବଢ଼ୁଛନ୍ତି ବୋଲି ଦର୍ଶାଇ ରାହୁଲ ଗାନ୍ଧିଙ୍କ ନାଁ ନ ନେଇ ବର୍ଷିଥିଲେ ପ୍ରଧାନମନ୍ତ୍ରୀ । ଏମିତିକି କ୍ୟାବିନେଟ୍ ନିଷ୍ପତ୍ତିକୁ ପତ୍ରକାରଙ୍କ ଆଗରେ ଫାଡିଦେଲେ ବୋଲି ଦର୍ଶାଇ କଂଗ୍ରେସ ନିରନ୍ତର ଭାବେ ସମ୍ବିଧାନ ପ୍ରତି ଧୋକା ଦେଇ ଆସୁଛି ବୋଲି କହିଥିଲେ ମୋଦି ।

ଜରୁରୀକାଳୀନ ପରିସ୍ଥିତି ଲାଗୁ କରାଯାଇ ସାମ୍ବିଧାନିକ ବ୍ୟବସ୍ଥା ରଦ୍ଦ କରାଯାଇଥିଲା। ଦେଶ ଜେଲଖାନାରେ ପରିଣତ ହୋଇଥିଲା । ନାଗରିକଙ୍କ ଅଧିକାର ଲୁଟ୍‌ କରାଯାଇଥିଲା । କଂଗ୍ରେସର କପାଳରେ ଥିବା ଏହି ପାପ କେବେ ଧୋଇବାରେ ସକ୍ଷମ ହେବ ନାହିଁ ବୋଲି ପ୍ରଧାନମନ୍ତ୍ରୀ କହିଛନ୍ତି ।

ଆହୁରି ମଧ୍ୟ ପ୍ରଧାନମନ୍ତ୍ରୀ କହିଛନ୍ତି ଯେ, ଯେତେବେଳେ ବି ଦେଶର ଗଣତନ୍ତ୍ରକୁ ନେଇ ବିଶ୍ୱରେ ଆଲୋଚନା ହେବ, କଂଗ୍ରେସର ଏହି ପାପ ନିଶ୍ଚିତ ଭାବରେ ଚର୍ଚ୍ଚା ହେବ । କାରଣ ସେତେବେଳେ ଗଣତନ୍ତ୍ରର କଣ୍ଠରୋଧ କରାଯାଇଥିଲା । ଭାରତର ସମ୍ବିଧାନର ନିର୍ମାତାଙ୍କ ତପସ୍ୟାକୁ ନଷ୍ଟ କରିବାକୁ ଚେଷ୍ଟା କରାଯାଇଥିଲା । ଗଣମାଧ୍ୟମର ସ୍ୱାଧୀନତାକୁ ଲୋପ କରିଦିଆଯାଇଥିଲା, କଂଗ୍ରେସ ନିଜ ମୁଣ୍ଡରେ ଥିବା ଏହି ପାପକୁ କେବେବି ଧୋଇପାରିବ ନାହିଁ ।

ଅଧିକ ପଢ଼ନ୍ତୁ: ଯୋଗୀଙ୍କ ବୁଲଡୋଜର ଭୟ, ନିଜ ଘର ନିଜେ ଭାଙ୍ଗୁଛନ୍ତି ଜବରଦଖଲକାରୀ ବାସିନ୍ଦା