ତୈଳ ଚାବୁକ୍ : ପ୍ରତିଦିନ ବଢ଼ୁଛି ଇନ୍ଧନ ମୂଲ୍ୟ, ଜାଣନ୍ତୁ ଆଜି କେତେ ?

ନୂଆଦିଲ୍ଲୀ : ପୁଣି ବଢ଼ିଲା ତେଲ ଦର । ସଙ୍କଟ ସମୟରେ ଖାଉଟିଙ୍କ ଉପରେ ମହଙ୍ଗା ମାଡ଼ । ଦିନକୁ ଦିନ ହୁ ହୁ ହୋଇ ବଢ଼ିଚାଲିଛି ତୈଳ ଦର । ଉଭୟ ପେଟ୍ରୋଲ ଏବଂ ଡିଜେଲ ଦର ରେକର୍ଡ ସ୍ତରରେ ପହଞ୍ଚିଛି । ଅକ୍ଟୋବରରେ ପେଟ୍ରୋଲ ଏବଂ ଡିଜେଲ ଦର ପ୍ରତିଦିନ ବୃଦ୍ଧି ପାଉଛି । ଭାରତୀୟ ତୈଳ କମ୍ପାନୀଗୁଡ଼ିକ ଆଜି (ରବିବାର) ଅର୍ଥାତ୍ ଅକ୍ଟୋବର ୦୩ ରେ ପେଟ୍ରୋଲର ମୂଲ୍ୟ ଲିଟର ପିଛା ୨୫ ପଇସା ଏବଂ ଡିଜେଲ ଲିଟର ପିଛା ୩୦ ପଇସା ବୃଦ୍ଧି କରିଛନ୍ତି । କ୍ରମାଗତ ଚତୁର୍ଥ ଦିନ ପାଇଁ ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ସହିତ ଦେଶରେ ଇନ୍ଧନ ମୂଲ୍ୟ ରେକର୍ଡ ସ୍ତରରେ ପହଞ୍ଚିଛି ।

ପେଟ୍ରୋଲିୟମ ମାର୍କେଟିଂ କମ୍ପାନୀଗୁଡିକର ସଦ୍ୟତନ ତଥ୍ୟ ଅନୁସାରେ ଆଜି ପେଟ୍ରୋଲର ମୂଲ୍ୟ ଲିଟର ପିଛା ୨୫ ପଇସା ବୃଦ୍ଧି କରାଯାଇଛି । କେବଳ ଏତିକି ନୁହେଁ ଡିଜେଲ ଲିଟର ପିଛା ୩୦ ପଇସା ମହଙ୍ଗା ହୋଇଛି । ଆଇଓସିଏଲ୍ ଅନୁସାରେ ମୁମ୍ବାଇରେ ବର୍ତ୍ତମାନ ସବୁଠାରୁ ଅଧିକ ରହିଛି ପେଟ୍ରୋଲ ଏବଂ ଡିଜେଲ ଦର ।

Also Read

ଆଜି ମମତାଙ୍କ ଭାଗ୍ୟ ପରୀକ୍ଷା

ମଝି ସମୁଦ୍ରରେ ଜାହାଜରେ ଚାଲିଥିଲା ଡ୍ରଗ୍ସ ପାର୍ଟି, ଅଚାନକ ରେଡ୍‌ କଲା NCB; ବଲିଉଡ୍‌ ସୁପରଷ୍ଟାରଙ୍କ ପୁଅ ଅଟକ

ତାଲିବାନ୍‌ ଟାର୍ଗେଟ୍‌ରେ ସାମ୍ୱାଦିକ; ବନ୍ଦ ହେଲା ୧୫୦ଟି ଗଣମାଧ୍ୟମ ସଂସ୍ଥା !

ପ୍ରମୁଖ ସହରରେ ଆଜି ପେଟ୍ରୋଲ ଦର

ସହର ନାମ      ପେଟ୍ରୋଲ         ଡିଜେଲ

ଦିଲ୍ଲୀ              ୧୦୨.୩୯       ୯୦.୭୭

ମୁମ୍ବାଇ            ୧୦୮.୪୩        ୯୮.୪୮

କୋଲକାତା       ୧୦୩.୦୭        ୯୩.୮୭

ଚେନ୍ନାଇ           ୧୦୦.୦୧        ୯୫.୩୧

ଭୋପାଳ          ୧୧୦.୮୮        ୯୯.୭୩

ବେଙ୍ଗାଲୁରୁ        ୧୦୫.୯୫         ୯୬.୩୪

ପାଟନା           ୧୦୫.୨୪           ୯୭.୧୦

ଚଣ୍ଡିଗଡ଼           ୯୮.୫୬            ୯୦.୫୦

ରାଞ୍ଚି               ୯୭.୧୪            ୯୫.୮୩

ଆନ୍ତର୍ଜାତୀୟ ସ୍ତରରେ ଅଶୋଧିତ ତୈଳ ମୂଲ୍ୟରେ ବୃଦ୍ଧି ହେତୁ ଦେଶରେ ତେଳ ଦର ହୁହୁ ହୋଇ ବୃଦ୍ଧି ପାଉଛି । ଗତ କିଛି ଦିନ ମଧ୍ୟରେ ଭାରତ ଆମଦାନୀ କରୁଥିବା ଅଶୋଧିତ ତେଲର ହାରାହାରି ମୂଲ୍ୟ ବ୍ୟାରେଲ ପିଛା ୭୮ ଡଲାରରେ ପହଞ୍ଚି ଯାଇଛି । ଦେଶର ଅନେକ ପ୍ରମୁଖ ସହରରେ ପେଟ୍ରୋଲ ଲିଟର ପିଛା ୧୦୦ ଟଙ୍କା ଅତିକ୍ରମ କରିଛି । ସୂଚନାଯୋଗ୍ୟ ରାଜ୍ୟ ତଥା ରାଜ୍ୟ ସରକାରଙ୍କ ଦ୍ୱାରା ଲାଗୁ ହୋଇଥିବା ଟିକସ ଏବଂ ପରିବହନ ମୂଲ୍ୟ ହେତୁ ରାଜ୍ୟରେ ପେଟ୍ରୋଲ ଏବଂ ଡିଜେଲ ମୂଲ୍ୟରେ ପାର୍ଥକ୍ୟ ହୋଇଥାଏ ।