ଅକ୍ଟୋବର ୧ରୁ ଆର୍ଥିକ କ୍ଷେତ୍ରରେ ନୂଆ ନିୟମ

ନୂଆଦିଲ୍ଲୀ : ଅକ୍ଟୋବର ୧ରୁ ସରକାରୀ କ୍ଷେତ୍ରରେ ଅନେକ ନୂଆ ନିୟମ ସାମ୍ନାକୁ ଆସିବାକୁ ଯାଉଛି। ଏହି ନିୟମ ଲୋକଙ୍କର ଦୈନନ୍ଦୀନ ଜୀବନକୁ ପ୍ରଭାବିତ କରିପାରେ। ଏଥିରେ ଭତ୍ତା ନିୟମ ଠାରୁ ଆରମ୍ଭ କରି ବ୍ୟାଙ୍କ୍ ଚେକ୍ ବୁକ୍ ପର୍ଯ୍ୟନ୍ତ ରହିଛି। ତେବେ ଏହି ସବୁ ନୀତି ନିୟମ ବିଷୟରେ ଅବଗତ ହେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।

୧- ଭତ୍ତା ନିୟମରେ ପରିବର୍ତ୍ତନ :

ଅକ୍ଟୋବର ୧ରୁ ୮୦ ବର୍ଷରୁ ଅଧିକ ବୟସର ଭତ୍ତା ହିତାଧିକାରୀମାନେ ଦେଶର ସଂପୃକ୍ତ ମୁଖ୍ୟ ଡାକଘର “ଜୀବନ ପ୍ରମାଣ କେନ୍ଦ୍ର” ରେ ସେମାନଙ୍କର ଡିଜିଟାଲ୍ ପ୍ରମାଣପତ୍ର ଦାଖଲ କରିବାର ବିକଳ୍ପ ପାଇବେ। ଏହି ପ୍ରକ୍ରିୟାକୁ ଅଧିକ ସୁବିଧାଜନକ କରିବା ପାଇଁ, ନଭେମ୍ବର ୩୦ ତାରିଖ ସୁଦ୍ଧା “ଜୀବନ ପ୍ରମାଣ କେନ୍ଦ୍ର” ର IDଗୁଡିକ ପୁନଃ ସକ୍ରିୟ କରିବାକୁ ଭାରତୀୟ ଡାକ ବିଭାଗକୁ ନିର୍ଦ୍ଦେଶ ଦିଆଯାଇଛି।

Also Read

ଧୋକାବାଜ୍ ଦେଶ ପାକିସ୍ତାନ, ଆମେ ଭାରତ ସହ ବନ୍ଧୁତା ଚାହୁଁଛୁ : ତାଲିବାନୀ ନେତା

ଖରସ୍ରୋତା ମେଗା ଜଳଯୋଗାଣ ପ୍ରକଳ୍ପ: ରାଜ୍ୟ ସରକାରଙ୍କୁ ଟାର୍ଗେଟ୍‌ କଲେ ବିରୋଧୀ

ପାକିସ୍ତାନର ଅସଲ ମୁଖା ଖୋଲିଲା ଧରାପଡ଼ିଥିବା ଆତଙ୍କୀ

୨- ଚେକ୍ ବୁକ୍ ନିୟମରେ ପରିବର୍ତ୍ତନ :

ଆସନ୍ତା ମାସର ପ୍ରଥମ ଦିନରେ ପୁରୁଣା ଚେକ୍ ବୁକ୍ ଏବଂ MICR କୋଡ୍ ଅବୈଧ ହେବ। ଏହି ତାଲିକାରେ ଓରିଏଣ୍ଟାଲ୍ ବ୍ୟାଙ୍କ ଅଫ୍ କମର୍ସ, ୟୁନାଇଟେଡ୍ ବ୍ୟାଙ୍କ୍‌ ଅଫ୍ ଇଣ୍ଡିଆ ଏବଂ ଆହ୍ଲାବାଦ ବ୍ୟାଙ୍କ୍‌ ରହିଛି। ପଞ୍ଜାବ ନ୍ୟାସ୍‌ନାଲ୍‌ ବ୍ୟାଙ୍କ୍ ସହିତ ମିଶ୍ରିତ ହୋଇଥିବା ଓରିଏଣ୍ଟାଲ ବ୍ୟାଙ୍କ୍‌ ଏବଂ ୟୁନାଇଟେଡ୍ ବ୍ୟାଙ୍କ ସୂଚନା ଦେଇଛନ୍ତି ଯେ ଏପର୍ଯ୍ୟନ୍ତ ଅପ୍‌ଡେଟ୍ ନ ହୋଇଥିବା ପୁରୁଣା ଚେକ୍ ବୁକ୍ ଏବଂ ପୂର୍ବରୁ ଥିବା MICR ଏବଂ IFS (ଇଣ୍ଡିଆନ୍ ଫାଇନାନ୍ସିଆଲ୍ ସିଷ୍ଟମ୍) କୋଡ୍ ବନ୍ଦ ହୋଇଯିବ।

୩- ଅଟୋ ଡେବିଟ୍ ସୁବିଧା ନିୟମରେ ପରିବର୍ତ୍ତନ :

ଅକ୍ଟୋବର ୧ ରୁ ରିଜର୍ଭ ବ୍ୟାଙ୍କ୍‌ ଅଫ୍ ଇଣ୍ଡିଆର ନିର୍ଦ୍ଦେଶ ଅନୁଯାୟୀ, ଡେବିଟ୍ / କ୍ରେଡିଟ୍ କାର୍ଡରୁ ଅଟୋ-ଡେବିଟ୍ ସୁବିଧାଗୁଡ଼ିକରେ ପରିବର୍ତ୍ତନ କରାଯିବ। ତେବେ ଏ କ୍ଷେତ୍ରରେ “ଅତିରିକ୍ତ ଫ୍ୟାକ୍ଟର୍ ଦୃଢିକରଣ” କରିବାକୁ ବ୍ୟାଙ୍କଗୁଡିକୁ ଆର୍‌ବିଆଇ ଦ୍ୱାରା ନିର୍ଦ୍ଦେଶ ଦିଆଯାଇଛି, ଅର୍ଥାତ୍ ଗ୍ରାହକଙ୍କ ଅନୁମୋଦନ ବିନା ଓଭର-ଦ-ଟପ୍ (OTT) ପ୍ଲାଟ୍‌ଫର୍ମଗୁଡିକର ସଦସ୍ୟତା ପାଇଁ ମାସିକ ଦେୟ ବନ୍ଦ ହୋଇଯିବ। ଏହି ପରିପ୍ରେକ୍ଷୀରେ ଦେୟର ୨୪ ଘଣ୍ଟା ପରେ ଗ୍ରାହକଙ୍କୁ ଏକ ସୂଚନା ପଠାଯିବ ଏବଂ ଅନୁମୋଦନ ପରେ କାର୍ଯ୍ୟକାରୀ ହେବ।

ଅକ୍ଟୋବର ୧ରୁ ଆର୍ଥିକ କ୍ଷେତ୍ରରେ ନୂଆ ନିୟମ

୪- ଅର୍ଥ ବିନିଯୋଗ ନିୟମରେ ପରିବର୍ତ୍ତନ :

ସିକ୍ୟୁରିଟି ଆଣ୍ଡ୍‌ ଏକ୍ସଚେଞ୍ଜ୍ ବୋର୍ଡ ଅଫ୍ ଇଣ୍ଡିଆ (SEBI) ଦ୍ୱାରା ଘୋଷିତ ହୋଇଛି ଯେ ପରିଚାଳନା ଅଧୀନରେ କୌଣସି କାର୍ଯ୍ୟାଳୟରେ କାମକରୁଥିବା କନିଷ୍ଠ କର୍ମଚାରୀମାନେ ସେମାନଙ୍କ ମୋଟ ବେତନର ୧୦ ପ୍ରତିଶତ ସେହି ମ୍ୟୁଚୁଆଲ୍ ଫଣ୍ଡ୍‌ର ୟୁନିଟ୍‌ରେ ବିନିଯୋଗ କରିବା ଆବଶ୍ୟକ। ଅକ୍ଟୋବର ୨୦୨୩ରୁ ଏହା ୨୦ ପ୍ରତିଶତକୁ ବୃଦ୍ଧି ପାଇବ।

୫- ଘରୋଇ ମଦ ଦୋକାନରେ ଲଗାମ :

କେନ୍ଦ୍ରାଞ୍ଚଳ ସରକାରର ନୂତନ ଅବକାରୀ ନୀତି ଅନୁଯାୟୀ ଦିଲ୍ଲୀରେ ନଭେମ୍ବର ୧୬ ପର୍ଯ୍ୟନ୍ତ କୌଣସି ଘରୋଇ ମଦ ଦୋକାନ ଖୋଲିବାକୁ ଦିଆଯିବ ନାହିଁ। ଏହି ସମୟ ମଧ୍ୟରେ କେବଳ ସରକାରୀ ମଦ ଦୋକାନ ଖୋଲା ରହିବ।

OTV is now on Whatsapp

Join and get latest news update delivered to you via whatsapp

Join Now