ଏଣିକି ଗୋଟିଏ ପୋର୍ଟାଲରେ ମିଳିବ ଆଧାର, ପାନ୍, DL ପରି ୧୩ ହଜାରରୁ ଅଧିକ ସେବା

ବର୍ତ୍ତମାନର ଇଣ୍ଟରନେଟ୍‌ ଯୁଗରେ ସବୁ କିଛି ସହଜ ହୋଇଗଲାଣି । ଅନେକ କାମକୁ ଲୋକମାନେ ଘରେ ବସି ଅତି ସହଜରେ କରିପାରୁଛନ୍ତି । ସମୟ ଥିଲା କୌଣସି ସରକାରୀ କାମ ପାଇଁ ସରକାରୀ କାର୍ଯ୍ୟାଳୟକୁ ଯିବାକୁ ପଡ଼ୁଥିଲା । ଘଣ୍ଟା ଘଣ୍ଟା ଧରି ଅପେକ୍ଷା କରିବା ପରେ କାମସାରି ଫେରୁଥିଲେ ଗ୍ରାହକ । ହେଲେ ଅଜି ଇଣ୍ଟରନେଟ୍‌ ମାଧ୍ୟମରେ ସବୁକିଛି ସ୍ୱଳ୍ପ ସମୟରେ ହୋଇପାରୁଛି ।

ଏବେ ଇଣ୍ଟରନେଟ୍‌ ମାଧ୍ୟମରେ ବର୍ତ୍ତମାନ ଆଧାର କାର୍ଡ, ପାନ୍ କାର୍ଡ, ଡ୍ରାଇଭିଂ ଲାଇସେନ୍ସ ଠାରୁ ଆରମ୍ଭ କରି ବହୁ ଜରୁରୀ ସେବାଗୁଡିକର ଲାଭ ଉଠାଇ ପାରିବେ । ଅତି ସହଜରେ ସବୁ କିଛି ଡକ୍ୟୁମେଣ୍ଟ କରିପାରିବେ । ଯଦି ଆପଣ ଆପଣଙ୍କ ଆଧାର କାର୍ଡ ସହିତ ଜଡିତ କିଛି କାମ କରିବାକୁ ଚାହୁଁଛନ୍ତି, ତେବେ ଆପଣଙ୍କୁ UIDAIର ୱେବସାଇଟ୍‌କୁ ଯିବାକୁ ପଡିବ । ପରେ ଆପଣ ଆପଣଙ୍କ କାମକୁ ସୁରୁଖୁରୁରେ କରିପାରିବେ । ଆସନ୍ତୁ ଜାଣିବା ଏହି ପୋର୍ଟାଲ୍ ବିଷୟରେ...

ଅଧିକ ପଢ଼ନ୍ତୁ: ଆପଣ ପାନ୍‌ ସହ ଆଧାର ଲିଙ୍କ୍‌ କରିଛନ୍ତି ତ ? କିପରି ଜାଣିବେ…ଦେଖନ୍ତୁ ଷ୍ଟେପ୍

ନ୍ୟାସନାଲ୍ ପୋର୍ଟାଲ୍ ଅଫ୍ ଇଣ୍ଡିଆ ହେଉଛି ଭାରତ ସରକାରଙ୍କ ଏକ ସରକାରୀ ପୋର୍ଟାଲ୍ । ଯେଉଁଠାରେ ଆପଣ ଆଧାର, ପାନ୍, ଡ୍ରାଇଭିଂ ଲାଇସେନ୍ସ ଠାରୁ ଆରମ୍ଭ କରି ଅନେକ ସେବା ଏଥିରେ ପାଇପାରିବେ । ଏହି ପୋର୍ଟାଲ୍‌ ଆପଣଙ୍କୁ ୱିଣ୍ଡୋ ଆକ୍ସେସ୍ ଦେଇଥାଏ । ଯାହାଦ୍ୱାରା ଆପଣ ଭାରତ ସରକାରଙ୍କ ପକ୍ଷରୁ ପ୍ରଦାନ କରାଯାଉଥିବା ସମସ୍ତ ସୁବିଧା ପାଇପାରିବେ ।

ଏହି ୱେବସାଇଟ୍ କରିଦର୍ଶନ କରିବାକୁ ହେଲେ https://www.india.gov.in/ରେ ଯିବାକୁ ପଡ଼ିବ । ଏଥିରେ ଆପଣ ଆଧାର କାର୍ଡ, ପାନ୍ କାର୍ଡ, ଡ୍ରାଇଭିଂ ଲାଇସେନ୍ସ, ଜନ୍ମ ପ୍ରମାଣପତ୍ର, ମୃତ୍ୟୁ ପ୍ରମାଣପତ୍ର, ବିବାହ ପ୍ରମାଣପତ୍ର ଭଳି ଯେକୌଣସି ଡକ୍ୟୁମେଣ୍ଟ ପାଇଁ ଆବେଦନ କରିପାରିବେ । ଖାଲି ସେତିକି ନୁହେଁ ଏହି ୱେବସାଇଟ୍ ଦ୍ୱାରା ଆପଣ ଶିକ୍ଷା, ସ୍ୱାସ୍ଥ୍ୟସେବା, ବିଦ୍ୟୁତ୍, ଜଳ, ଚାକିରି, ପେନ୍‌ସନ୍ ପରି ଅନ୍ୟାନ୍ୟ ସେବା ମଧ୍ୟ ପାଇପାରିବେ ।

ଏହି ପୋର୍ଟାଲ ମଧ୍ୟରେ ମୋଟ୍‌ ୧୩ ହଜାରରୁ ଅଧିକ ସେବା ପାଇହେବ । ତେଣୁ ଆପଣ ବିଭିନ୍ନ ୱେବସାଇଟକୁ ଯାଇ କିଛି ଅପ୍‌ଡେଟ୍‌ କରିବୁ ଚିନ୍ତା କରିବାକୁ ପଡ଼ିବନାହିଁ । ଭାରତ ସରକାରଙ୍କ ପ୍ରାୟ ସମସ୍ତ ସେବା ଏଥିରେ ମିଳିପାରିବ ।