LIVE TV
ବିଚ୍ ରାସ୍ତାରେ ଯୁବତୀଙ୍କୁ ମାଡ଼ । ମାଡ଼ ମାରିବା ପରେ ସର୍ବସମ୍ମୁଖରେ ଯୁବତୀଙ୍କୁ ଟାଣିନେଇ କ୍ୟାବ୍ରେ ବସାଇ ନେଇଗଲେ ଦୁଇ ଯୁବକ । ରାଜଧାନୀ ଦିଲ୍ଲୀର ଜନଗହଳି ପୂର୍ଣ୍ଣ ଟ୍ରାଫିକ୍ରେ ପୁଣି ଏଭଳି ଏକ ଦୃଶ୍ୟ ଦେଖିବାକୁ ମିଳିଛି । ଏହି ମାମଲା ମଙ୍ଗଲପୁରୀ ଫ୍ଲାଏ ଓଭର ନିକଟରେ ଘଟିଛି । ବର୍ତ୍ତମାନ ସେହି ସମୟରେ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଭିଡିଓରେ ଦେଖିବାକୁ ମିଳୁଛି, ଦିଲ୍ଲୀର ମଙ୍ଗଳପୁରୀ ଅଞ୍ଚଳରେ ହଠାତ୍ ଶହ ଶହ ଲୋକଙ୍କ ଗହଳି ଭିରେ ଫ୍ଲାଏଓଭର୍ ଉପରେ ଜଣେ ଯୁବତୀଙ୍କୁ ଦୁଇ ଜଣ ଯୁବକ ମାଡ଼ ମାରୁଛନ୍ତି । ଆଉ ତା’ପରେ ଜୋର ଜବରଦସ୍ତି ଟାଣି ନେଇ କାର୍ରେ ବସାଉଛନ୍ତି । ବର୍ତ୍ତମାନ ଗାଡ଼ି ଓ ତା’ର ଚାଳକଙ୍କ ପତ୍ତା ମିଳିଛି ।
Also Read
Viral video of Girl being kidnapped from Mangolpuri.
— Atulkrishan (@iAtulKrishan) March 19, 2023
If it was for making reels strict action should be taken
Sharing thread of Investigation: pic.twitter.com/C54bDjZ1dN
ଦୁଇଜଣ ପୁଅ ଓ ଜଣେ ଝିଅ ରୋହିଣୀରୁ ବିକାଶପୁରୀ ଯିବା ପାଇଁ ଉବେର୍ କ୍ୟାବ୍ ବୁକ୍ କରିଥିଲେ । ବାଟରେ କୌଣସି କାରଣରୁ ଯୁକ୍ତିତର୍କ ହୋଇଥିଲା। ଯୁକ୍ତିତର୍କ ପରେ ଝିଅଟି ରାଗରେ ତଳକୁ ଓହ୍ଲାଇ ଚାଲିଯିବାକୁ ଚାହିଁଥିଲେ । ଫଳରେ ସେଥି ମଧ୍ୟରୁ ଜଣେ ଯୁବକ ଗାଡ଼ିରୁ ବାହାରି ଯୁବତୀଙ୍କୁ ମାଡ଼ ମାରି ଜୋରଜବରଦସ୍ତି ଗାଡ଼ିରେ ବସାଇ ଦେଇଥିଲେ । ସୋସିଆଲ ମିଡିଆରେ ଭିଡିଓ ଭାଇରାଲ୍ ହେବା ପରେ ଘଟଣା ସମ୍ପର୍କରେ ଅଧିକ ତଦନ୍ତ ଚାଲିଛି ବୋଲି ଜଣେ ପୋଲିସ୍ ଅଧିକାରୀ କହିଛନ୍ତି।
ଏହି ଘଟଣାର ତଦନ୍ତ ପାଇଁ ଦିଲ୍ଲୀ ପୋଲିସ ଏକ ଟିମ୍ ଗଠନ କରିବା ସହ ତଦନ୍ତ ନିର୍ଦ୍ଦେଶ ଦେଇଛି । କାର ଡ୍ରାଇଭର ଏବଂ ଘଟଣା ସମ୍ପର୍କରେ ଅଧିକ ତଥ୍ୟ ସଂଗ୍ରହ କରୁଛନ୍ତି ଦିଲ୍ଲୀ ପୋଲିସ୍ । ଭିଡିଓରେ ଦେଖିବାକୁ ମିଳୁଥିବା ଦୁଇ ପୁଅ ଓ ଝିଅର ଠିକଣା ଜାଣିବା ପାଇଁ କ୍ୟାବ୍ ଚଳାଉଥିବା ଡ୍ରାଇଭର୍ ନିକଟରେ ପହଞ୍ଚିବାକୁ ଉଦ୍ୟମ କରାଯାଉଛି । ତେବେ ଏହି ଭିଡିଓ ସାମ୍ନାକୁ ଆସିବା ପରେ ରାଜଧାନୀ ଦିଲ୍ଲୀରେ ମହିଳାଙ୍କ ସୁରକ୍ଷାକୁ ନେଇ ପୁଣି ଥରେ ଚିନ୍ତା ବଢ଼ିଛି ।
