ପୁଅ ହେଉ କି ଝିଅ ତୃତୀୟ ସନ୍ତାନ ହେଲେ ମିଳିବ ୫୦ ହଜାର ଟଙ୍କା

ବିଶ୍ୱରେ ବଢ଼ିବାରେ ଲାଗିଛି ଜନସଂଖ୍ୟା । ସମସ୍ତ ଦେଶକୁ ଦେଖିବାକୁ ଗଲେ ଜନସଂଖ୍ୟା ତୁଳନାରେ ସବୁଠୁ ଆଗରେ ରହିଛି ଚୀନ । ଆଉ ଏହି ତାଲିକାର ଦ୍ୱିତୀୟ ସ୍ଥାନରେ ଭାରତ ରହିଛି । ଜନସଂଖ୍ୟା ଦ୍ରୁତ ଗତିରେ ବଢ଼ୁଥିବାରୁ ସରକାରଙ୍କ ପକ୍ଷରୁ କିଛି ନିମୟ ମଧ୍ୟ ଲାଗୁ କରାଯାଇଛି । ବିଶେଷକରି ଜନସଂଖ୍ୟାରେ ରୋକ୍‌ ଲଗାଇବାକୁ ସରକାର ଚିନ୍ତିତ ମଧ୍ୟ ରହିଛନ୍ତି ।

ଏମିତି କି ‘ଆମେ ଦୁଇ ଆମର ଦୁଇ’ ବୋଲି ନାରା ମଧ୍ୟ ଜାରି ରହିଛି । ହେଲେ ଏପରି ସମୟରେ ତୃତୀୟ ସନ୍ତାନରୁ ଅଧିକ ସନ୍ତାନ ଜନ୍ମ ଦେଲେ ଦମ୍ପତିଙ୍କୁ ଆର୍ଥିକ ରାଶି ମିଳିବା ନେଇ କୁହାଯାଇଛି । ଏପରି ଏକ ନିୟମ ରାଜସ୍ଥାନର ମାହେଶ୍ୱରୀ ସମାଜ ପକ୍ଷରୁ ଘୋଷଣା କରାଯାଇଛି । ଯାହା ଆପଣ ସମ୍ପୂର୍ଣ୍ଣ ଜାଣିବା ପରେ ନିଶ୍ଚୟ ଚକିତ ହୋଇଯିବେ ।

ମାହେଶ୍ୱରୀ ସମାଜ ପକ୍ଷରୁ କୁହାଯାଇଛି କି, ଯଦି କୌଣସି ଦମ୍ପତି ୨ରୁ ଅଧିକ ସନ୍ତାନ ଜନ୍ମଦିଅନ୍ତି ତାଙ୍କୁ ୫୦ ହଜାର ଟଙ୍କା ଫିକ୍ସଡ୍‌ ଡିପୋଜିଟ୍‌ ମିଳିବ । ଖାଲି ସେତିକି ନୁହେଁ, ଦିଆଯାଇଥିବା ତଥ୍ୟରେ ଦମ୍ପତିଙ୍କ ତୃତୀୟ କିମ୍ୱା ଚତୁର୍ଥ ସନ୍ତାନ ଜନ୍ମ ହେଲେ ଏହି ଟଙ୍କା ମିଳିବ ବୋଲି କୁହାଯାଇଛି ।

କେବଳ ଏତିକି ନୁହେଁ, ଏହି ଟଙ୍କା ଉଭୟ ପୁତ୍ର କିମ୍ୱା କନ୍ୟା ସନ୍ତାନ ହେଲେ ମିଳବ । ପୂର୍ବରୁ ମାହେଶ୍ୱରୀ ସମାଜ ପକ୍ଷରୁ ତୃତୀୟ ସନ୍ତାନ କନ୍ୟା ହେଲେ ଟଙ୍କା ମିଳିବଆ ନେଇ ଘୋଷଣା କରାଯାଇଥିଲା । ଏପରି ଏକ ପ୍ରସଙ୍ଗରେ ଅଖିଳ ଭାରତୀୟ ମାହେଶ୍ୱରୀ ସମାଜର ଅଧ୍ୟକ୍ଷ ରାମକୁମାର ଭୁତଡ଼ା ପ୍ରତିକ୍ରିୟା ରଖିଛନ୍ତି ।

ସେ କହିଛନ୍ତି ଜନସଂଖ୍ୟା ହ୍ରାସ ହେଉଥିବାରୁ ମାହେଶ୍ୱରୀ ସମାଜ ଚିନ୍ତାରେ ରହିଛି । ତେଣୁ ଦମ୍ପତିମାନେ ତୃତୀୟ କିମ୍ୱା ଚତୁର୍ଥ ସନ୍ତାନ ଜନ୍ମ ଦେଇପାରିବେ । ଲଥିଲାଗି ୫୦ ହଜାର ଟଙ୍କାର ଫିକ୍ସଡ୍‌ ଡିପୋଜିଟ୍‌ ଦିଆଯିବ ବୋଲି ସେ କହିଛନ୍ତି । ପୂର୍ବରୁ ତୃତୀୟ ସନ୍ତାନ କନ୍ୟା ହେଲେ ଏହି ଆର୍ଥିକ ରାଶି ଘୋଷଣା ହୋଇଥିଲା । ହେଲେ ବର୍ତ୍ତମାନ ଉଭୟ ପୁତ୍ର ଓ କନ୍ୟା ସନ୍ତାନ ପାଇଁ ମାହେଶ୍ୱରୀ ସମାଜ ଏହି ଘୋଷଣା କରିଛି ।