ସାଧାରଣଜନତାଙ୍କ ଉପରେ ଆଉ ଏକ ମହଙ୍ଗା ମାଡ଼, ପୁଣି ବଢ଼ିଲା LPG ସିଲିଣ୍ଡର ଦାମ୍‌

ପୁଣି ବଢ଼ିଲା ଏଲ୍‌ପିଜି ସିଲିଣ୍ଡର ଦାମ୍‌। ଘରୋଇ LPG ସିଲିଣ୍ଡର ପିଛା ୩ ଟଙ୍କା ୫୦ ପଇସା ବୃଦ୍ଧି ପାଇଛି। ସେହିପରି କମର୍ସିଆଲ୍‌ LPG ସିଲିଣ୍ଡର ଦାମ୍‌ରେ ୮ ଟଙ୍କା ବୃଦ୍ଧି ଘଟିଛି। ମାସକ ମଧ୍ୟରେ ଦ୍ୱିତୀୟ ଥର ପାଇଁ LPG ସିଲିଣ୍ଡର ଦାମ୍‌ ବୃଦ୍ଧି ହୋଇଛି। 

ଦାମ୍‌ ବୃଦ୍ଧି ପରେ ଘରୋଇ LPG ସିଲିଣ୍ଡର ଦାମ୍‌ ଅନେକ ସହରରେ ବର୍ତ୍ତମାନ ୧,୦୦୦ ଟଙ୍କାରେ ପହଞ୍ଚିଛି। ଦିଲ୍ଲୀ ଓ ମୁମ୍ବାଇରେ ଏଲ୍‌ପିଜି ସିଲିଣ୍ଡର ଦାମ୍‌ ୧,୦୦୩ ଟଙ୍କା ହୋଇଥିବା ବେଳେ କୋଲକାତାରେ ୧,୦୨୯ ଟଙ୍କା, ଚେନ୍ନାଇରେ ୧,୦୧୮ ଟଙ୍କା ୫ ପଇସା ରହିଛି। 

ସୂଚନାଥାଉ କି, ଏହା ପୂର୍ବରୁ ମେ’ ୭ରେ ୧୪.୨ କିଲୋ ଘରୋଇ ଏଲ୍‌ପିଜି ଗ୍ୟାସ୍ ସିଲିଣ୍ଡର ପିଛା ୫୦ ଟଙ୍କା ବୃଦ୍ଧି ପାଇଥିଲା। କମର୍ସିଆଲ୍‌ ସିଲିଣ୍ଡର ଦାମ୍‌ ମଧ୍ୟ ବୃଦ୍ଧି ପାଇଥିଲା।