ଛାତ୍ରଙ୍କୁ ‘କସାବ’ କହି ଫସିଗଲେ ପ୍ରଫେସର୍‌

ଛାତ୍ରକୁ ଆତଙ୍କବାଦୀ କହି ଅଡ଼ୁଆରେ ପ୍ରଫେସର । ଛାତ୍ରକୁ ପ୍ରଥମେ ନାଁ ପଚାରିଲେ । ମୁସଲିମ ବୋଲି ଜାଣି ଆତଙ୍କବାଦୀ କହିଲେ । ଫଳରେ ସମ୍ପୃକ୍ତ ପ୍ରଫେସରଙ୍କୁ କଲେଜରୁ ନିଲମ୍ବିତ କରାଯାଇଛି । ବେଙ୍ଗାଲୁରୁର ମଣିପାଲ ଇନଷ୍ଟିଚ୍ୟୁଟ୍‌ ଅଫ ଟେକ୍ନୋଲୋଜି(ଏମ୍‌ଆଇଟି)ରେ ଏହି ଘଟଣା ଘଟିଛି। କ୍ଲାସ ରୁମରେ ସମ୍ପୃକ୍ତ ପ୍ରଫେସର ଜଣକ ସେହି ଛାତ୍ରଙ୍କୁ ଆତଙ୍କବାଦୀ କହିବାର ଭିଡିଓ ଭାଇରାଲ ହେବା ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।

ଭାଇରାଲ ଭିଡିଓରେ ଛାତ୍ର ଜଣକ ପ୍ରଫେସରଙ୍କ ସହ ମୁହାଁମୁହିଁ ହେଉଥିବା ଦେଖିବାକୁ ମଳିଛି । ଛାତ୍ର ଜଣଙ୍କୁ ପ୍ରଫେସର ଆତଙ୍କବାଦୀ କହିବା ପରେ ସେ ପ୍ରତିବାଦ କରିଥିଲେ। ଗତ ନଭେମ୍ବର ୨୬ ଶୁକ୍ରବାର୍‌ରେ ଏହି ଘଟଣା ଘଟିଛି । ଜଣେ ମୁସଲମାନ ହୋଇଥିବାରୁ ମୋତେ ବାରମ୍ବାର ଏମିତି ଅପମାନିତ କରାଯାଉଛି । ଛାତ୍ର ଜଣକ ଏମିତି କହି ପ୍ରତିବାଦ କରୁଛନ୍ତି ।

ଛାତ୍ର ଜଣକ ପ୍ରଫେସରଙ୍କୁ ପାଲଟା ପ୍ରଶ୍ନ କରି କହିଥିଲେ ଯେ ‘ଆପଣ କଣ ନିଜ ପିଲାଙ୍କୁ ଆତଙ୍କବାଦୀ କୁହନ୍ତି । ସବୁ ଦିନ କଣ ଏମିତି ନିଜ ଛୁଆକୁ କୁହନ୍ତି । ଯଦି ନୁହଁ ତ ଏତେ ଲୋକଙ୍କ ସାମ୍ନାରେ ଆପଣ ମୋତେ କେମିତି କହି ପାରୁଛନ୍ତି? ଏହା ହେଉଛି ଏକ ଶ୍ରେଣୀଗୃହ, ଆପଣ ଜଣେ ପ୍ରଫେସନାଲ ଏବଂ ଆପଣ ଶିକ୍ଷାଦାନ କରୁଛନ୍ତି । ଆପଣ ମୋତେ ଆତଙ୍କବାଦୀ କହିପାରିବେନି’ ।

A Professor in a class room in India calling a Muslim student ‘terrorist’ - This is what it has been to be a minority in India! pic.twitter.com/EjE7uFbsSi

— Ashok Swain (@ashoswai) November 27, 2022

ଭିଡିଓରେ ଶିକ୍ଷକ ଜଣକ ଛାତ୍ରଙ୍କ ନିକଟରେ କ୍ଷମା ପ୍ରାର୍ଥନା କରୁଥିବା ଦେଖିବାକୁ ମିଳିଛି । ତେବେ ଭିଡିଓ ଭାଇରାଲ ହେବା ପରେ ଏମଆଇଟି ପ୍ରଫେସରଙ୍କୁ ନିଲମ୍ବିତ କରାଯାଇଛି । ମଣିପାଲ ବିଶ୍ୱବିଦ୍ୟାଳୟର ଜନସମ୍ପର୍କ ନିର୍ଦ୍ଦେଶକ କହିଛନ୍ତି ଯେ, ଆମେ ଏପରି ଏକ ଘଟଣାକୁ ନିନ୍ଦା କରୁଛୁ । ଆମର ଏଠି ସମସ୍ତ ଧର୍ମ ପ୍ରତି ସମାନ ସମ୍ମାନ ରହିଛି। ଆମେ ବସୁଧୈବ କୁଟୁମ୍ବକମ୍‌ରେ ବିଶ୍ୱାସ କରୁ। ତେଣୁ ଏହି ପ୍ରସଙ୍ଗରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ଏବଂ ଆମେ ଉଚିତ୍‌ କାର୍ଯ୍ୟ କରୁଛୁ । ଛାତ୍ରଙ୍କୁ କାଉନସେଲିଂ ଦିଆଯାଉଛି ଏବଂ ପ୍ରଫେସରଙ୍କୁ କଲେଜରୁ ନିଲମ୍ବିତ କରାଯାଇଛି ।