ବଡ଼ ଖବର: ସରକାର କାଟିପାରନ୍ତି LIC IPO ଆକାର

ଦେଶର ସବୁଠାରୁ ବଡ ଆଇପିଓକୁ ଅପେକ୍ଷା କରିଥିବା ନିବେଶକଙ୍କ ପାଇଁ ଏକ ବଡ଼ ଖବର। ଏକ ରିପୋର୍ଟରେ କୁହାଯାଇଛି ଯେ ସରକାର LIC IPO ର ଆକାର ହ୍ରାସ କରିପାରନ୍ତି। ଏହାକୁ ୪୦ ପ୍ରତିଶତ ପର୍ଯ୍ୟନ୍ତ ହ୍ରାସ କରାଯାଇପାରେ। ଏଥିପାଇଁ ଦେଢ ମାସରୁ ଅଧିକ ସମୟ ଧରି ଚାଲିଆସୁଥିବା ଋଷ ଓ ୟୁକ୍ରେନ ଯୁଦ୍ଧକୁ ଦାୟୀ କରାଯାଇଛି।

ପ୍ରକାଶ ଯେ ଋଷ୍-ୟୁକ୍ରେନ ଯୁଦ୍ଧ କାରଣ ନିବେଶକଙ୍କ ଧାରଣା ଉପରେ ନକାରାତ୍ମକ ପ୍ରଭାବ ପକାଇଛି। ସର୍ବଭାରତୀୟ ସ୍ତରରେ ବ୍ୟବସାୟିକ ପରିବେଶ ମାନ୍ଦା ଓ ବଜାରରେ ଅସ୍ଥିରତା ଦେଖାଯାଉଛି। ବିଦେଶୀ ନିବେଶକମାନେ ମଧ୍ୟ କ୍ରମାଗତ ଭାବରେ ଭାରତୀୟ ବଜାରରେ ବିକ୍ରିବଟା କରୁଛନ୍ତି। ଏସବୁ ହେତୁ ସରକାର LIC IPO ର ଆକାର ହ୍ରାସ କରିବାକୁ ଚିନ୍ତା କରୁଛନ୍ତି। ଅଦ୍ୟାବଧି ସରକାର ଏହି ଆଇପିଓ ମାଧ୍ୟମରେ ୬୩,୦୦୦ କୋଟି ଟଙ୍କା ଜମା କରିବାକୁ ଯୋଜନା କରିଥିଲେ।

ପ୍ରକାଶଥାଉ ଯେ ସରକାର ଖୁବ୍ ଶୀଘ୍ର LIC IPOର ଶୁଭାରମ୍ଭ ତାରିଖ ଘୋଷଣା କରିପାରନ୍ତି। ଆସନ୍ତା ଦୁଇ ସପ୍ତାହ ମଧ୍ୟରେ ଏହାର ତାଲିକା ପ୍ରକାଶ ଆଶା କରାଯାଉଛି। ଏକ ରିପୋର୍ଟରେ ଏହା ମଧ୍ୟ କୁହାଯାଇଛି ଯେ ଭାରତର ଅର୍ଥମନ୍ତ୍ରୀ ନିର୍ମଳା ସୀତାରମଣ ବର୍ତ୍ତମାନ ଆମେରିକା ଗସ୍ତରେ ଅଛନ୍ତି ଏବଂ ଭାରତ ଫେରିବା ପରେ ଦେଶର ସବୁଠାରୁ ବଡ ଆଇପିଓ କେବେ ଉପସ୍ଥାପିତ ହେବ ତାହା ଘୋଷଣା କରାଯାଇପାରନ୍ତି।

ପ୍ରକାଶଥାଉ ଯେ LIC ର ଏହି IPO ଆଜି ପର୍ଯ୍ୟନ୍ତ ସବୁଠାରୁ ବଡ IPO ହେବ। SEBIର ପୂର୍ବ-ଦାଖଲ ହୋଇଥିବା ଦଲିଲ ଅନୁଯାୟୀ, LIC ର ଇସ୍ୟୁ ସମ୍ପୂର୍ଣ୍ଣ ଭାବେ ଅଫର୍ ଫର୍ ସେଲ୍ ହେବ। ଏଥିରେ ସରକାର ଏହାର ୫ ପ୍ରତିଶତ ଅଂଶଧନ ଅଧୀନରେ ୩୧.୬ କୋଟି ଅଂଶଧନ ପ୍ରଦାନ କରିବେ। ଏହି ଅନୁଯାୟୀ କମ୍ପାନୀର ଏମ୍ବେଡ୍ ମୂଲ୍ୟ ୫.୪ ଲକ୍ଷ କୋଟି ଟଙ୍କା ହେବ।

ସାଧାରଣତଃ କୌଣସି ଏକ ବୀମା କମ୍ପାନୀର ବଜାର କ୍ୟାପ୍ ଏହି ମୂଲ୍ୟର ଚାରି ଗୁଣ ହୋଇଥାଏ। ଏହି ଅନୁଯାୟୀ, LIC ର ବଜାର ମୂଲ୍ୟ ୨୫୫ ବିଲିୟନ ଡଲାର୍ ହେବ ଅର୍ଥାତ୍ ପ୍ରାୟ ୨୨ ଲକ୍ଷ କୋଟି ଟଙ୍କା ହେବ ଏବଂ LIC ଦେଶର ସର୍ବବୃହତ ମୂଲ୍ୟବାନ କମ୍ପାନୀ ହେବ।

ସରକାର କମ୍ପାନୀର ମୂଲ୍ୟ ହ୍ରାସ କଲେ ମଧ୍ୟ ଏହା ଦେଶର ସବୁଠାରୁ ବଡ ଆଇପିଓ ହେବ। ଏହା ବ୍ୟତୀତ, LIC IPO ଇସ୍ୟୁ ଆକାରର ୧୦ ପ୍ରତିଶତ ପର୍ଯ୍ୟନ୍ତ ପଲିସିଧାରୀଙ୍କ ପାଇଁ ଏବଂ କର୍ମଚାରୀଙ୍କ ପାଇଁ ପାଞ୍ଚ ପ୍ରତିଶତ ସଂରକ୍ଷିତ ହୋଇପାରେ। LICରେ ସରକାରଙ୍କ ପାଖରେ ୧୦୦ ପ୍ରତିଶତ ଅଂଶଧନ ଅର୍ଥାତ୍ ୬୩୨.୪୯ କୋଟି ସେୟାର ଅଛି। କମ୍ପାନୀର ସେୟାରଗୁଡ଼ିକର ଫେସ୍ ଭାଲ୍ୟୁ ୧୦ ଟଙ୍କା।

OTV is now on Whatsapp

Join and get latest news update delivered to you via whatsapp

Join Now