Kedarnath Temple Reopening Rituals: ଅପେକ୍ଷାର ଘଟିଲା ଅନ୍ତ; ଖୋଲିଲା କେଦାରନାଥ ଧାମ..ଏକାଠି ହେଲେ ଭକ୍ତ ଓ ଭଗବାନ

ଅପେକ୍ଷାର ଅନ୍ତ ଘଟିଲା। ସାଧାରଣ ଭକ୍ତଙ୍କ ପାଇଁ ଖୋଲିଲା ବିଶ୍ୱପ୍ରସିଦ୍ଧ କେଦାରନାଥ ମନ୍ଦିରର ଦ୍ୱାର। ନିର୍ଦ୍ଧାରିତ ସମୟ ୭ଟାରେ କେଦାର ଧାମ ଖୋଲିଛି। ପୂଜାର୍ଚ୍ଚନା ଓ ମନ୍ତ୍ରଧ୍ୱନୀରେ କମ୍ପିଲା ପରିବେଶ। ଏଥିପାଇଁ ଗତକାଲିଠୁ ହିଁ ଧାମରେ ପହଞ୍ଚିସାରିଛି ପ୍ରଭୁ କେଦାରନାଥଙ୍କ ପ୍ରତିମା।

ଅଧିକ ପଢ଼ନ୍ତୁ: ବର୍ଷାରେ ବେହାଲ୍ ଉତ୍ତର-ଭାରତ; ସିକ୍କିମରେ ଜଳପ୍ରଳୟ, କେଦାରନାଥରେ ଧସିଲା ବରଫ ପାହାଡ଼ 

ଏହା ସହ ଜାରି ରହିଛି ସ୍ୱତନ୍ତ୍ର ନୀତିକାନ୍ତି। ପ୍ରଭୁ କେଦାରନାଥ ମନ୍ଦିରକୁ ୧୩ କ୍ୱିଣ୍ଟାଲ ଫୁଲରେ ସଜ୍ଜା ହୋଇଛି। ହର ହର ମହାଦେବ ଧ୍ୱନୀରେ କମ୍ପି ଉଠୁଛୁ ଚତୁଃର୍ଦିଗ।  ଆଜି କେଦାରନାଥ ଧାମରେ ବିଶେଷ ପୂଜାର୍ଚ୍ଚନାର ଆୟୋଜନ କରାଯାଇଛି।

ଅନ୍ୟପକ୍ଷରେ ଯାତ୍ରୀଙ୍କ ଆଗମନକୁ ଦେଖି ସୋନପ୍ରୟାଗରୁ ଆରମ୍ଭ ହୋଇଛି ହେଲିକପ୍ଟର ସେବା। ଫଳରେ ଭକ୍ତମାନେ ସହଜରେ ମନ୍ଦିରରେ ପହଞ୍ଚିପାରିବେ। ପରମ୍ପରା ଅନୁସାରେ ଭୈରବ ଉପତ୍ୟକାରେ ଥିବା ଭୈରବ ମନ୍ଦିରରୁ ମା’ଗଙ୍ଗାଙ୍କ ଉତ୍ସବ ଦୋଳି ଗଙ୍ଗୋତ୍ରୀ ଧାମରେ ପହଞ୍ଚିଥିଲା।  କେଦାରନାଥ ଧାମ ଖୋଲୁଥିବାରୁ ମନ୍ଦିର ଇଲାକାରେ ସୁରକ୍ଷା ବ୍ୟବସ୍ଥାକୁ ବଢ଼ାଇ ଦିଆଯାଇଛି। ପହଲଗାମରେ  ଆତଙ୍କୀ  ହମଲା ଯୋଗୁ କେଦାରନାଥରେ ସୁରକ୍ଷା ବ୍ୟବସ୍ଥାକୁ ଆହୁରି କଡ଼ାକଡ଼ି କରାଯାଇଛି। 

ଅଧିକ ପଢ଼ନ୍ତୁ: ଦିଲ୍ଲୀରେ ଜଳ ପ୍ରଳୟ, ୮ ଦଶନ୍ଧିର ରେକର୍ଡ ଭାଙ୍ଗିଲା ୨୪ ଘଣ୍ଟାର ଅବିଶ୍ରାନ୍ତ ବର୍ଷା