୧୫ ମିନିଟ୍‌ରେ ଇତିହାସ ରଚିଲା ଇସ୍ରୋ

ଇତିହାସ ରଚିଲା ଇସ୍ରୋ(ISRO)। ମହାକାଶରେ କକ୍ଷପଥରେ ସଫଳତାର ସହ ୩ଟି ସାଟେଲାଇଟ୍‌କୁ ଅବସ୍ଥାପିତ କରିଛି ଭାରତୀୟ ମହାକାଶ ଗବେଷଣା କେନ୍ଦ୍ର। ଆନ୍ଧ୍ରପ୍ରଦେଶର ଶୀହରିକୋଟା ମହାକାଶ ଗବେଷଣା କେନ୍ଦ୍ରରୁ ଆଜି ସକାଳ ୯ଟା ୧୮ ମିନିଟରେ ଛୋଟ ରକେଟ୍ SSLV-D2 ସହାୟତାରେ ୩ଟି ସାଟେଲାଇଟ୍‌କୁ ମହାକାଶ ପଠାଯାଇଥିଲା। 

ଅଧିକ ପଢ଼ନ୍ତୁ: ଇସ୍ରୋର ମିଶନ୍ ଶୁକ୍ର; ୨୦୨୪ ଡିସେମ୍ବରରେ ଭାରତ ପଠାଇବ ଶୁକ୍ରଯାନ

ଭୂପୃଷ୍ଠ ଠାରୁ ୪୫୦ କିଲୋମିଟର ଦୂର କକ୍ଷପଥରେ ଏହି ୩ ସାଟେଲାଇଟ୍‌କୁ ସଫଳତାର ସହ ଅବସ୍ଥାପିତ କରାଯାଇଛି । ୧୫ ମିନିଟ୍‌ର ଉଡ଼ାଣ ପରେ ଇସ୍ରୋ ଏହି ମିଶନରେ ସଫଳ ହୋଇଛି । ଇସ୍ରୋର EOS-07, ଚେନ୍ନାଇର ଷ୍ଟାର୍ଟଅପ୍ ସ୍ପେସ୍ କିଡ୍‌ଜି ଆଜାଦିସାଟ୍-୨ ସହ ଆମେରିକୀୟ କମ୍ପାନୀର ଏକ ସାଟେଲାଇଟ୍‌କୁ କକ୍ଷ ପଥରେ ସଫଳତାର ସହ ପହଞ୍ଚାଇ ଇତିହାସ ରଚିଛି ଇସ୍ରୋ।

ଏହି ସାଟେଲାଇଟ୍‌ ଉତ୍‌କ୍ଷେପଣ ପାଇଁ ବ୍ୟବହାର ହୋଇଥିବା SSLV ରକେଟ୍‌ର ୫୦୦କେଜି ଓଜନ ପର୍ଯ୍ୟନ୍ତ ସାଟେଲାଇଟ୍ ଉତ୍‌କ୍ଷେପଣ କ୍ଷମତା ରଖିଛି । ଏହି ରକେଟ୍‌ର ଲମ୍ବ ୩୪ ମିଟର ଓ ବ୍ୟାସ ୨ ମିଟର। ଗତବର୍ଷ ଅଗଷ୍ଟରେ SSLV ରକେଟ୍‌ର ଉତ୍‌କ୍ଷେପଣ ବେଳେ ତ୍ରୁଟି ଦେଖା ଦେଇଥିଲା। ତେବେ ଏହାକୁ ସୁଧାରି ମହାକାଶ ମିଶନରେ ପୁଣି ସଫଳତା ପାଇଛି ଇସ୍ରୋ।