• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Otv Khabar Bureau

ଫୁଟ୍‌ପାଥ୍‌ରେ ଚାଲିଛି ପିଲାଙ୍କ ଭବିଷ୍ୟତର ପ୍ରସ୍ତୁତି । ରାସ୍ତା କଡ଼ରେ ବସି ପାଠ ପଢୁଛନ୍ତି ପାଖାପାଖି ୧୦୦ ପିଲା । ହେଉଛି ଗୁଜୁରାଟ୍ ଭଦୋଦରା ସହର ରାସ୍ତା କଡ଼ରେ ଦେଖିବାକୁ ମିଳିଛି ଏହିପରି ଦୃଶ୍ୟ । କେଜିରୁ ଦଶମ ପର୍ଯ୍ୟନ୍ତ ପିଲାଙ୍କୁ ସମ୍ପୂର୍ଣ୍ଣ ମାଗଣାରେ ପାଠ ପଢାଉଛନ୍ତି ଯୁବ ଇଞ୍ଜିନିଯର ନିକୁଞ୍ଜ ତ୍ରିବେଦୀ ।

ରାସ୍ତାରେ ପାଠ ପଢ଼ୁପଥିବା ପିଲାଙ୍କ ମଧ୍ୟରୁ କିଛି ପିଲା ସରକାରୀ ସ୍କୁଲର ହୋଇଥିବାବେଳେ ଆଉ କିଛି ପ୍ରାଇଭେଟ୍ ସ୍କୁଲରେ ପାଠ ପଢନ୍ତି କିନ୍ତୁ ଆର୍ଥିକ ସ୍ୱଚ୍ଛଳ ନଥିବାରୁ ଏମାନେ ଟ୍ୟୁସନ୍ ଯାଇପାରୁନାହାଁନ୍ତି । ତେଣୁ ଏମିତି ଗରିବ ପିଲାଙ୍କୁ ଏକାଠି କରି ମାଗଣା ଶିକ୍ଷାଦାନ କରୁଛନ୍ତି ନିକୁଞ୍ଜ ।

ଏନେଇ ଯୁବ ଇଂଜିନିୟର ନିକୁଞ୍ଜ ତ୍ରିବେଦୀ କହିଛନ୍ତି ଯେ, ‘ମୁଁ ପ୍ରଫେସନାଲ୍ ସିଭିଲ୍‌ ଇଞ୍ଜିନିୟର । ଗତ ୮ ମାସରୁ ଏଠାରେ ଏହିପରି ଭାବରେ ପାଠପଢ଼ାଯାଉଛି । ଏହା ପୂର୍ବରୁ ଗତ ୪ ବର୍ଷ ଧରି ନିକଟସ୍ଥ ମନ୍ଦିରରେ ଆମେ ମାଗଣାରେ ଶିକ୍ଷାଦାନ ପ୍ରଦାନ କରୁଥିଲୁ । ବର୍ତ୍ତମାନ ଆମପାଖକୁ ୯୫ରୁ ୧୦୦ ଜଣ ଛାତ୍ରଛାତ୍ରୀ ପାଠପଢ଼ିବା ପାଇଁ ଆସୁଛନ୍ତି । କେଜି ଠାରୁ ଆରମ୍ଭ କରି ଦଶମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାଚ୍ରୀମାନେ ପାଠପଢ଼ିବା ପାଇଁ ଏଠାକୁ ଆସୁଛନ୍ତି । ଏମାନଙ୍କ ମଧ୍ୟରୁ କିଛି ପିଲା ସରକାରୀ ବିଦ୍ୟାଳୟରେ ପାଠପଢ଼ୁଥିବାବେଳେ ଆଉ କିଛି ପିଲା ବେସରକାରୀ ସ୍କୁଲ୍‌ରେ ପାଠପଢ଼ୁଛନ୍ତି । ହେଲେ ସେମାନଙ୍କର ଅଭିଭାବକମାନେ ଟ୍ୟୁସନ୍ ଫି ଦେବା ପାଇଁ ସକ୍ଷମ ନୁହଁନ୍ତି । ତେଣୁ ମୁଁ ଏମାନଙ୍କୁ ଏଠାରେ ମାଗଣା ଶିକ୍ଷା ପ୍ରଦାନ କରୁଛି । ।

ରାସ୍ତା କଡରେ ପିଲାଙ୍କୁ ପାଠ ପଢାଇବା ଫଳରେ ରାସ୍ତାରେ ଯାଉଥିବା ଅନେକ ବଦାନ୍ୟ ବ୍ୟକ୍ତି ଆର୍ଥିକ ସହଯୋଗ କରୁଛନ୍ତି । ଏହାସହ କିଛି ପୂରାତନ ଛାତ୍ର ମଧ୍ୟ ସହଯୋଗ କରୁଛନ୍ତି । କେଜିରୁ ୫ମ ପିଲାଙ୍କୁ ମୂଳରୁ ଏବଂ ୫ମରୁ ଦଶମ ପିଲାଙ୍କୁ ସିଲାବସ୍ ଅନୁସାରେ ପାଠ ପଢାଯାଉଛି । ତେବେ ଯୁବ ଇଂଜିନିୟର ନିକୁଞ୍ଜ ଏକ କମ୍ପାନୀରେ ଚାକିରି କରିବା ସହ ସମୟ ବାହାର କରି ମାଗଣାରେ ଶିକ୍ଷାଦାନ କରି ଗରିବ ପିଲାଙ୍କ ପାଇଁ ଭଗବାନ ସାଜିଛନ୍ତି ।